Merkel Varşavaya səfər edib
Tarix: 08.02.2017 | Saat: 23:45:00 | E-mail | Çapa göndər


Almaniya kansleri Angela Merkel Varşavaya səfər edib. Bu, Polşanın Baş naziri Beata Şidlonun Berlinə keçənilki səfərinə bir növ cavab olub. Merkel Varşavada Polşa prezidenti Ancey Duda ilə, müxalifətçi “Polşa Kəndli Partiyası” və “Vətəndaş platforması” partiyalarının liderləri, habelə Polşada yaşayan almanların nümayəndələri ilə görüşüb. Almaniya kanslerinin səfərinin proqramında ən mühüm bənd isə son bir neçə ildə ilk dəfə Yaroslav Kaçinski ilə görüş olub. Berlində qeyd edirlər ki, bu görüş Polşa tərəfinin təklifi ilə baş tutub. “Alman dalğası” yazır ki, Kaçinski ölkədə ən nüfuzlu siyasətçidir. Artıq bir neçə ildir ki, o, istər şəxsi, istərsə də işgüzar xarakterli məsələlərlə əlaqədar, xarici ölkələrdə olmayıb. Kaçinskinin əsas maraqları daxili siyasət məsələləri, ilk növbədə özünün təbirincə desək, bu ölkə üçün özünün təyin etdiyi “mühafizəkar əksinqilab” məsələsi üzərində cəmləşib. 2015-ci ildə “ZiS” partiyası parlament seçkilərində qalib gələndən sonra bu partiyanın lideri əcnəbi qonaqları nadir hallarda qəbul edib. Son illərdə Yaroslav Kaçinski, məsələn, Ukrayna prezidenti Pyotr Poroşenko ilə görüşüb. Kaçinskinin Merkel ilə görüşü günün ikinci yarısında “neytral ərazidə” baş tutub. Almaniya-Polşa münasibətləri heç vaxt indiki dərəcədə möhkəm olmayıb. 2016-cı ildə iki ölkə arasında ticarət mübadiləsinin həcmi ilk dəfə 100 milyard avroya çatıb. Təhlükəsizlik və müdafiə sahələrində birgə iş ümumiyyətlə, yaxşı gedir. Lakin əksər hallarda yaranan problemlər regionun hüdudlarını aşır. Belə problemlərdən biri Polşa hakimiyyət orqanları tərəfindən məhkəmə sistemində aparılmış islahatın Avropa İttifaqında iradlara səbəb olmasıdır. Polşa Seymi tərəfindən ölkənin Konstitusiya Məhkəməsinin səlahiyyətlərini məhdudlaşdıran qanun qəbul ediləndən sonra 2016-cı ilin yanvarında Avropa komissiyası Polşada hüququn aliliyi prinsipinə riayət edilməsinin vəziyyətini yoxlamağa başlayıb. Merkelin Varşavada apardığı danışıqların əsas mövzuları Avropa İttifaqının gələcəyi və miqrasiya siyasəti məsələləri olub. Polşa Aİ səviyyəsində bağlanmış müqavilələrə Aİ üzvü olan ölkələrin rolunun güclənməsinə yönəlmiş dəyişikliklər daxil olunmasını təklif edir. Almaniyada isə bu ideya ilə razılaşmırlar.




 
Bölməyə aid digər xəbərlər
15.12.2019
Hami Aksoy Aİ Şurasının Türkiyә ilә bağlı bәyanatına münasibәt bildirib
14.12.2019
Amerika hərbçilərinin 46 faizi rusları özlərinə müttəfiq hesab edirlər
14.12.2019
Taliban hәrbi hissәyә hücum edib, ölәnlәr var
14.12.2019
Əlcəzairdə keçmiş Baş nazir prezident seçildi
14.12.2019
Fuad Oqtay vә Hulusi Akar ABŞ Senatının qәrarına reaksiya göstәrib

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11405

1 “Gəncliyimiz Prezidentin onlara etibar və həvalə etdiyi məsuliyyətin yükünü çiyinlərində daşımağa qadirdir”
2 AZSIĞORTA Mərkəzi Bank əməkdaşlarını sığortalayacaq
3 Azərbaycan idmançıları Moskvada dünya rekordunu qıraraq çempion olublar
4 “Azərbaycanın sığorta bazarında hələ görüləcək işlər çoxdur”
5 Regionların inkişafı bütövlükdə Azərbaycanın inkişafı deməkdir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info