İslam ölkələri jurnalistlərinin birliyi və həmrəyliyi indi həmişəkindən daha aktual və vacibdir
Tarix: 09.02.2017 | Saat: 18:12:00 | E-mail | Çapa göndər


Səudiyyə Ərəbistanı Krallığında səfərdə olan Azərbaycanın bir qrup jurnalistindən ibarət nümayəndə heyəti “əl-Cəzirə” qəzetinin redaksiyasında nəşrin baş redaktoru Xalid əl-Malik və digər əməkdaşlar ilə görüşüb.
“Əl-Cəzirə”nin baş redaktoru qəzetin 50 ildə keçdiyi inkişaf yolu, Azərbaycana səfərləri barədə danışıb, ötən ilin oktyabrında Bakıda İslam Əməkdaşlıq Təşkilatına üzv Dövlətlərin Jurnalistləri Assosiasiyasının niyyət konfransında iştirak etdiyini diqqətə çatdırıb. O, bu platformanın İslam ölkələri ilə bağlı doğru, dəqiq informasiyaların yayılması işinə daha geniş imkan yaradacağını vurğulayıb.
“Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu Azərbaycanda senzuranın ləğvindən sonra medianın sürətli inkişafından, KİV-lərə dövlət dəstəyindən danışıb, ölkəmizdə mövcud olan multikulturalizm mühiti barədə ətraflı məlumat verib. Diqqətə çatdırıb ki, İslam ölkələri arasında həmrəyliyin gücləndirilməsi Azərbaycanın xarici siyasətinin əsas prioritetlərindən biridir. Prezident İlham Əliyev 2017-ci ili Azərbaycanda “İslam Həmrəyliyi İli” elan edib. Bu il ölkəmizdə IV İslam Həmrəyliyi Oyunları keçiriləcək. Bütün bu təşəbbüslər İslam dünyasında həmrəyliyin və əməkdaşlığın inkişafına xidmət edir.
Ermənistanın Azərbaycana hərbi təcavüzünün səbəb və nəticələrindən bəhs edən H.Babaoğlu vurğulayıb ki, İslam ölkələri jurnalistlərinin birliyi və həmrəyliyi indi həmişəkindən daha aktual və vacibdir. Çünki son illərdə dünyanın bir çox yerlərində, xüsusilə də İslam ölkələrinin bir çoxunda siyasi-iqtisadi təbəddülatlar, terror hücumları, hərbi toqquşmalar baş verir. Bütün bunlar təkcə münaqişə gedən ölkələr üçün deyil, həm də bütövlükdə region üçün ciddi təhlükə törətməkdədir. İslam ölkələrinin peşəkar jurnalistlərini, aparıcı xəbər agentliklərini, beynəlxalq və regional media təşkilatlarını bir araya toplayacaq İƏT-ə üzv Dövlətlərin Jurnalistləri Assosiasiyasının yaradılması təşəbbüsü də Azərbaycana məxsusdur. Bu qurum qloballaşan dünyada İslam aləminin üzləşdiyi yeni təhdidlərə qarşı mübarizədə birlik və həmrəyliyə nail olmağın yollarını tapmağa imkan verən nüfuzlu platformaya çevriləcək.
Görüşdə medianın cəmiyyətin inkişafında, ölkələr arasında əlaqələrin genişləndirilməsində, sivilizasiyaların dialoqunda, İslam dünyasında həmrəyliyin gücləndirilməsində rolu ətrafında geniş müzakirələr aparılıb.
Tural




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info