Cüdoçularımız “Böyük dəbilqə” turnirində 3 medal qazanıblar
Tarix: 13.02.2017 | Saat: 23:54:00 | E-mail | Çapa göndər


Parisdəki “Accorhotels Arena”da keçirilən cüdo üzrə “Böyük dəbilqə” turniri başa çatıb. Azərbaycan millisi bu idman üzrə ən mötəbər hesab olunan Paris turnirində 3 medal qazanıb. Elxan Səfərov (60 kq), Nicat Şıxəlizadə (66 kq) və Hidayət Heydərov (73 kq) beynəlxalq turnirin bürünc medalına sahib olublar. İki gün davam edən yarışlarda 63 ölkədən 459 idmançı mübarizə aparıb. Turnirdə ölkəmizi 7 idmançı təmsil edib. Cüdo üzrə Azərbaycan yığma komandasının məşqçisi Mehman Əzizov deyib ki, “Böyük dəbilqə” turnirində qazandığımız nəticə qaneedicidir: “Çünki bu idman növündə ən mötəbər yarış olan Paris turnirində yeddi idmançı ilə təmsil olunduq və üç medal qazandıq”. O bildirib ki, Orxan Səfərov (66 kq), Nicat Şıxəlizadə (73 kq) və Hidayət Heydərov turnirin bürünc medalını qazanıblar. “Paris turnirində medal qazanan Hidayət Heydərov çox gəncdir, onun hələ 20 yaşı tamam olmayıb. Açığını desəm, mən ondan belə nəticə gözləmirdim. Amma o özünü yaxşı tərəfdən göstərdi. Hidayətin yaxşı perspektivi var. On doqquz yaşında belə bir mötəbər turnirdə bürünc medal qazanmaq böyük gələcəkdən xəbər verir. O, Vətənə əlidolu qayıdır. Ümid edirəm ki, bu müvəffəqiyyət onun üçün axırıncı yox, axarıncı olacaq”, - deyə M. Əzizov bildirib. O, həmçinin qeyd edib ki, Paris turnirindən sonra Azərbaycan idmançıları Romaya gedəcək və bu şəhərdə keçiriləcək Avropa kubokunda qüvvələrini sınayacaqlar. Vurğulanıb ki, Paris turnirindən sonra bir çox digər komandalar kimi, Azərbaycan yığması da üçgünlük təlim-məşq toplanışında iştirak edəcək və fevralın 16-da Vətənə dönəcək. M.Əzizov onu da deyib ki, mart ayında Bakıda ümummilli lider Heydər Əliyevin xatirəsinə həsr edilmiş “Böyük dəbilqə” turniri keçiriləcək.




 
Bölməyə aid digər xəbərlər
13.11.2018
KİV: Santyaqo Solari “Real Madrid“in baş məşqçisi olacaq
13.11.2018
Messi mövsümün ən yaxşı oyunçusu mükafatını aldı
13.11.2018
Şahmat üzrə dünya çempionu adı uğrunda üçüncü partiya da heç-heçə nəticələnib
12.11.2018
“Sumqayıt”ın baş məşqçisi Nazim Süleymanov istefa verib
12.11.2018
Yeniyetmə azərbaycanlı güləşçi beynəlxalq turnirin qalibi olub

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info