Böyük Britaniyalı mütəxəssis Respublika Əlillərin Bərpa Mərkəzinin fəaliyyəti ilə tanış olub
Tarix: 14.02.2017 | Saat: 20:47:00 | E-mail | Çapa göndər


Azərbaycanda səfərdə olan Böyük Britaniyanın UCL-in London Kollec Universitetinin İdman, Məşq və Sağlamlıq İnstitutunun məsləhətçisi, Royal Tibb Cəmiyyətinin İdman Tibbi və Reabilitasiya sahəsi üzrə vitse-prezidenti Mayk Luzmor Əmək və Əhalinin Sosial Müdafiəsi Nazirliyinin Respublika Əlillərin Bərpa Mərkəzində əlilliyi olan şəxslərin tibbi-sosial reabilitasiyası üçün yaradılmış reabilitasiya şəraiti ilə tanış olub.
 
Nazirlikdən verilən məlumata görə, M.Luzmora buradakı şərait barədə məlumat verən əmək və əhalinin sosial müdafiəsi nazirinin müavini Natiq Məmmədov bildirib ki, ölkəmizdə bərpa-müalicə infrastrukturunun ən müasir tələblərə uyğun qurulması Azərbaycan prezidenti İlham Əliyevin sosial siyasətində mühüm yer tutur. 2015-cı ilin ilin sentyabr ayında dövlət başçısının iştirakı ilə əsaslı yenidənqurmadan sonra açılışı olan Respublika Əlillərin Bərpa Mərkəzi bu istiqamətdə görülən işlərdən biridir. Mərkəzdə 18 yaşdan yuxarı əlilliyi olan əlilliyi olan şəxslərin kompleks tibbi-sosial və peşə reabilitasiyası, səmərəli bərpa-müalicə sistemi ilə təmin olunmaları üçün lazımi şərait yaradılıb. Burada il ərzində 1700 nəfərdən çox əlilliyi olan şəxsə  ən müasir tibbi-fizioterapevtik aparatlarla və reabilitasiya üsulları ilə bərpa-müalicə xidməti göstərilir.
 
Respublika Protez-Ortopedik Bərpa Mərkəzi və Heydər Əliyev Fondu tərəfindən yaradılmış Xüsusi qayğıya ehtiyacı olan uşaqlar üçün reabilitasiya mərkəzi də daxil olmaqla, hazırda Əmək və Əhalinin Sosial Müdafiəsi Nazirliyinin 15 bərpa müalicə müəssisəsi əlilliyi olan şəxslərin və sağlamlıq imkanları məhdud uşaqların istifadəsindədir. Təkcə 2016-cı ildə bu müəssisələrdə 23,3 min nəfər müvafiq şəxsə reabilitasiya xidmətləri göstərilib, bu təbəqələrdən olanlara 32,8 minədək protez-ortopedik məmulat və reabilitasiya vasitəsi verilib. Ölkəmizdə paralimpiya hərəkatının genişlənməsi üçün aparılan fəal dövlət siyasəti, Azərbaycan paralimpiyaçılarının mötəbər beynəlxalq tədbirlərdə, Olimpiya Oyunlarında qazandıqları qələbələr barədə də qonağa məlumat verilib. Əlilliyi olan şəxslər arasında idman tədbirlərinin təşkili yönündə Əmək və Əhalinin Sosial Müdafiəsi Nazirliyi tərəfindən görülən işlər diqqətə çatdırılıb.
 
Mərkəzin tibbi-sosial reabilitasiya və funksional diaqnostika, fizioterapiya və psixoloji korreksiya şöbələrinin fəaliyyəti, əlilliyi olan şəxslərin səmərəli reabilitasiyasına xidmət edən müasir avadanlıq və qurğular, aparılan kompleks-reabilitasiya işləri nəzərdən keçirilib. M.Luzmor Azərbaycanda müasir tələblər səviyyəsində yaradılmış reabilitasiya şəraitinin, əlilliyi olan şəxslərin reabilitasiya potensiallarının reallaşdırılması yönündə aparılan işlərin onda müsbət təəssüratlar yaratdığını vurğulayıb.
 
Qeyd olunub ki, Nazirlər Kabinetinin “Ali təhsilin magistratura səviyyəsi üzrə ixtisasların (ixtisaslaşmaların) Təsnifat”ında edilən dəyişikliklərlə Azərbaycan Dövlət Bədən Tərbiyəsi və İdman Akademiyasında idman jurnalistikası, idman tibbi və reabilitasiya magistr ixtisasları yaradılıb. Bununla əlaqədar magistr proqramlarının hazırlanmasında  Böyük Britanıyanın UCL-in London Kollec Universiteti ilə əməkdaşlıq həyata keçirilir. Əmək və Əhalinin Sosial Müdafiəsi Nazirliyinin Respublika Əlillərin Bərpa Mərkəzində ən müasir tələblər səviyyəsində yaradılan reabilitasiya şəraiti mərkəzin yeni yaradılan idman tibbi və reabilitasiya ixtisası üzrə tədris bazası kimi də fəaliyyət göstərməsinə imkan verir.
 
Sonra M.Luzmorla qeyd edilən məsələyə dair müzakirə aparılıb.
Tural




 
Bölməyə aid digər xəbərlər
10.08.2020
Bakı və Sumqayıt şəhərləri, Abşeron rayonu üzrə pensiyalar ödənilib
10.08.2020
ASCO tullantıların ekologiyaya mənfi təsirlərinin minimuma endirilməsini diqqətdə saxlayır
09.08.2020
Sabahdan bu istiqamətlərdə ekspress xəttlər fəaliyyətə başlayır
08.08.2020
Kafe və restoranlar bu tarixdən açılır
08.08.2020
Cərimələr sərtləşdirilə bilər – Nazir müavini

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
2 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
3 Gürcüstanın turizm gəlirləri 80 faiz azalacaq
4 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
5 Turizm Agentliyi sahibkarlara müraciət edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info