Bu il Azərbaycanda 16 sərgi və 1 konfrans keçiriləcək
Tarix: 15.02.2017 | Saat: 17:13:00 | E-mail | Çapa göndər


Hər il “Iteca Caspian” şirkəti tərəfindən Azərbaycanda təşkil olunan beynəlxalq sərgilər mövsümü cari ilin aprel ayında start götürəcək. Şirkətdən verilən məlumata görə, 2017-ci ildə “Iteca Caspian” şirkəti 16 sərgi və 1 konfrans keçirməyi planlaşdırır. Sərgilər dövlət sənaye strukturlarının dəstəyi ilə Bakı Ekspo Mərkəzində keçiriləcək. Azərbaycan prezidenti İlham Əliyevin hər il bir çox sərgini ziyarət etməsi isə bu tədbirlərin ölkə iqtisadiyyatı üçün əhəmiyyətini və ölkə rəhbərliyinin diqqət mərkəzində olduğunu nümayiş etdirir. Tədbirin beynəlxalq statusu Ümumdünya Sərgi Sənayesi Assosiasiyasına üzvlük ilə tamamlanır və burada sərgilər elan olunan statistik məlumatlar və tələb olunan təşkilati səviyyəyə uyğunluq baxımından hər il kompleks yoxlamadan keçərək keyfiyyət nişanı ilə təltif olunur. Əsas sənaye sərgiləri beynəlxalq təşkilatlar tərəfindən də dəstəklənir. 
Hazırda, 2017-ci il sərgilərinin potensial iştirakçıları ilə aktiv işlər aparılır. Sərgi mövsümü 6 aprel tarixində 16-cı Azərbaycan Beynəlxalq Turizm və Səyahətlər “AITF 2017” və 11-ci Qafqaz Beynəlxalq Mehmanxana, Restoran və Supermarketlər üçün Avadanlıq və Ləvazimatlar “Horex Caucasus 2017” sərgiləri ilə öz işinə başlayacaq.
Yarandığı ilk gündən bəri “AITF” sərgisi Mədəniyyət və Turizm Nazirliyi tərəfindən fəal dəstəklənir. Bu tədbir həmçinin daimi iştirakçı – BMT-nin Dünya Turizm Təşkilatı, Asiya-Sakit okean Turizm Assosiasiyası, Azərbaycan Turizm Assosiasiyası kimi beynəlxalq təşkilatlar tərəfindən də dəstəklənir.  
 Builki sərgi çoxlu sayda turizm istiqamətlərini, hava yollarını, otel şəbəkələrini və digər turizm xidmətlərini təqdim edəcək. İştirakçılar arasında Azərbaycan, İtaliya, İsveçrə və digər ölkələrdən şirkətlər var. Ənənəvi olaraq, sərgidə milli və regional stendlər də təmsil edilir. Artıq Belarus, Bolqarıstan, Çex Respublikası, Dominikan Respublikası, Gürcüstan, Mərakeş və Tailand sərgidə öz milli stendləri ilə iştirak edəcəklərini təsdiqləyiblər. Sloveniya və Stavropol regionu isə sərgidə regional stendlərlə çıxış edəcəklər. Hər il sərgiyə yeni iştirakçılar qoşulur və bu il ilk dəfə olaraq Kolumbiya və Kuba sərgidə öz turizm imkanlarını təqdim edəcək. Azərbaycan və regionlarının yerli turizm imkanları da tədbirdə geniş şəkildə nümayiş etdiriləcək. Bu il “Horex Caucasus 2017” sərgisində tekstil məmulatları, uniformalar, və mükəmməl gigiyena məhsulları ilə yanaşı, mehmanxana və restoranlar üçün mətbəx ləvazimatları da nümayiş etdiriləcək.
Daha sonra estafet üç nəqliyyat sərgisinə ötürüləcək, belə ki, 26-28 aprel tarixində Bakı Ekspo Mərkəzində 16-cı Xəzər Beynəlxalq Nəqliyyat, Tranzit və Logistika       “Transcaspian/Translogistica”, 7-ci Xəzər Beynəlxalq Yol İnfrastrukturu və İctimai Nəqliyyat “Road & Traffic” və 4-cü Xəzər Beynəlxalq Kater və Yaxtalar “CIBS 2017” sərgiləri keçiriləcək.
 Mayın 17-dən 19-a kimi keçiriləcək 23-cü Azərbaycan Beynəlxalq Qida Sənayesi “WorldFood Azerbaijan 2017” və Xəzər Beynəlxalq Qablaşdırma, Tara, Etiket və Poliqrafiya “Ipack CASPIAN” sərgilərinin iştirakçıları tərəfindən həm yerli, həm də xarici istehsalçı şirkətlərin çoxlu sayda məhsulları nümayiş etdiriləcək.
 
Ənənəvi olaraq, bu il sərgilərin yaz mövsümü regionun ən böyük sənaye sərgisi 24-cü Beynəlxalq Xəzər Neft və Qaz “Caspian Oil & Gas” (31 may - 3 iyun), “JW Marriott Absheron Baku” otelində keçiriləcək 24-cü Beynəlxalq Xəzər Neft və Qaz Konfransı “Caspian Oil & Gas Conference” (1-2 iyun) və 7-ci Xəzər Beynəlxalq Energetika və Alternativ Enerji “Caspian Power 2017” sərgiləri ilə yekunlaşacaq.
Qısa yay fasiləsindən sonra cari ilin sentyabr ayında payız mövsümü öz işinə başlayacaq və bura aşağıdakı sərgilər daxil olacaqdır: “BIHE”, “Stomatology Azerbaijan”, “Beauty Azerbaijan”, “WorldBuild Baku”, “Aquatherm Baku” “Securika Caspian”. Iki sərgi – Beynəlxalq İstilİk, Havalandırma və Kondisiyalaşdırma sistemləri, Su təchizatı, Sanitariya, Ətraf Mühitin Mühafizəsi Texnologiyaları, Üzgüçülük Hovuzu və Bərpa Olunan Enerji “Aquatherm Baku” və Xəzər Beynəlxalq Mühafizə, Təhlükəsizlik və Xilasetmə Vasitələri “Securika Caspian” sərgiləri 2017-ci ildə öz 10 illiklərini qeyd edəcək.
Sərgilər müxtəlif bazar sektorlarını təmsil edən iştirakçıların nümayəndələri ilə canlı söhbət etmək, ən son təmayülləri müzakirə etmək və qabaqcıl sənaye ekspertlərindən məsləhətlər almaq üçün yenidən imkanlar təklif edəcək. Qonaqlar aktual innovasiyaların müzakirəsində və gələcək problemlərin və nailiyyətlərin qiymətləndirilməsində iştirak etməklə yanaşı, potensial alıcılar və tərəfdaşlarla biznes əlaqələri yaratmaq imkanı da qazanacaqlar.
Şirkətlərin marketinq planlarının formalaşmasında, sərgilərin mühüm rol və mövqe tutmasını bir faktla da təsdiqləmək olar ki, dünya iqtisadiyyatının silkələnməsinə baxmayaraq, bazarın əsas iştirakçıları hələ də sərgilərə sponsorluq edirlər. Bu il sərgilərə sponsorluq edən şirkətlərin arasında artıq bu müəssisələr var: Azeri M-I Drilling, AZFEN J.V., Baku Steel Company, BP, Caspian Drilling Company, Caspian Geophysical, Caspian Marine Services, Denton, Ernst&Young, Fluor, Global Energy, HBC Group, NB Qrup ASC, Nobel Upstream, RusNeft, Socar Polymer, Statoil, Tekfen Construction, Total Absheron. 2017-ci ildə “Iteca Caspian” şirkətinin tərəfdaşları arasında rəsmi tur operator “Premier Tour” şirkəti, “Qafqaz Point Otel” (rəsmi mehmanxana) və rəsmi stend montajçısı “AzExpoMontage”  şirkəti yer alır.
“Iteca Caspian” şirkətinin baş direktoru Fərid Məmmədov deyib ki, sərgi sadəcə kommersiya fəaliyyəti deyil: “İnsanlar şəxsən tanıdıqları insanlarla biznes əlaqəsi yaratmağa üstünlük verirlər. Qısa desək, sərgi yeni üfüqlər açmaq, partnyor tapmaq və yeni bazara daxil olmaq üçün imkan yaratmaqla, insanları bir-biri ilə əlaqələndirir. Bizim əsas işimiz sərgi çərçivəsində iştirakçılar üçün əlavə imkanlar, eləcə də ixtisaslaşdırılmış auditoriyaya daha dəqiq yanaşmanı təmin etməkdir.”

Nigar




 
Bölməyə aid digər xəbərlər
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub
19.11.2018
“ABC Tədris və İnkişaf mərkəzi“ və “Ahıllara və Tənhalara Dəstək“-dən təqdirəlayiq addım
19.11.2018
Səyyar “ASAN xidmət” davam edir
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Gedir dayanmadan zamanın köçü”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info