Baş nazirin müavini: “Süni qiymət artımı ilə daha çox qazanc əldə olunması yolverilməzdir“
Tarix: 16.02.2017 | Saat: 17:53:00 | E-mail | Çapa göndər


Baş nazirin müavini Əli Əhmədov mətbuat nümayəndələrinin iştirakı ərzaq məhsullarının satışı ilə məşğul olan bir neçə mağazada monitorinq aparıb. Monitorinqin məqsədi ərzaq məhsullarının qiymətlərinin nəzərdən keçirilməsidir.
Baş nazirin müavini bildirib ki, hökumətin apardığı siyasətin ümdə vəzifələrindən biri ərzaq məhsullarının qiymətinin süni sürətdə artırılmaması üçün addımların atılmasıdır: "Biz bu gün ərzaq məhsullarının satışı ilə məşğul olan iki mağazada olduq. Məqsəd ondan ibarət idi ki, mətbuatda ərzaq məhsullarının qiymətinin artması ilə bağlı gedən söz-söhbətlərə aydınlıq gətirməkdir. Əhalinin keyfiyyətli və münasib qiymətli ərzaq məhsulları ilə təmin edilməsi, təchiz edilməsi hökumətin siyasətində ən əsas yerlərdən birini tutur. Mağazalarda gördüklərimiz və bizə verilən məlumatlar belə deməyə əsas verir ki, mətbuatda geniş müzakirələrin aparılmasına rəğmən ticarət mərkəzlərində qiymətlərin xüsusi hiss olunan və narahatlıq yarada biləcək dərəcədə artımı müşahidə olunmur. Hökumət qiymətlərin süni sürətdə artırılmasının qarşısını alır. Hesab edirəm ki, süni surətdə qiymət artımına yol vermək əhalinin ailə büdcəsinə mənfi təsir edir ki, bu da yolverilməzdir".
Ə. Əhmədov qeyd edib ki, ərzaq məhsulları arasında daxili istehsala əsaslananlar üstünlük təşkil etməyə başlayıb: "Bu, sevindirici haldır. Bu, o deməkdir ki, Azərbaycanın ərzaq bazarında idxaldan asılılıq əhəmiyyətli dərəcədə azalır. Azərbaycanın ərzaq məhsullarına olan ehtiyacın böyük hissəsi daxili istehsal hesabına ödənilir. Beləliklə, qiymətlərin artırılması üçün obyektiv əsas mövcud deyil. Manatın məzənnəsindəki məlum dəyişikliklər ölkə daxilində istehsal olunan malların qiymətlərinə təsir etməyəcək".
Onun sözlərinə görə, monitorinqin aparılması istehlakçılara və sahibkarlar üçün bir siqnal olacaq. "Təbii ki, sahibkarların daha çox qazanc əldə etmələrinə qarşı deyilik. Amma daha çox qazanc əldə etməyin başqa yolları var. Daha çox və aşağı qiymətə məhsul sataraq da yaxşı qazanc əldə etmək mümkündür. Bizim sahibkarlar bu biznes fəlsəfəsini nə qədər çox mənimsəsələr, bir o qədər məhsulların qiymətlərinin süni surətdə artırılması problemi öz həllini tapacaq", - deyə o bildirib.

Nigar




 
Bölməyə aid digər xəbərlər
24.04.2019
Azərbaycan gömrükçüləri ABŞ-da praktiki təlimlərdə iştirak edirlər
24.04.2019
Prezident Çin Kommunist Partiyası Mərkəzi Komitəsi Siyasi Bürosunun üzvü Van Yanla görüşüb
24.04.2019
YAP-ın qərargahında “Uydurma erməni soyqırımı: həqiqətlər və reallıqlar” adlı tədbir keçirilib
23.04.2019
Bürokratik əngəllər aradan qaldırılmalı, biznes qurmaq istəyənin qarşısında süni əngəllər qoyulmamalıdır
23.04.2019
Müxalifət ölkəmizdə keçirilən beynəlxalq yarışlara niyə qərəzli yanaşır?

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 Gülnar Səmanın kitabının təqdimatı keçiriləcək
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info