Vaqif Bayramov: “Prezidentin xaricdə yaşayan həmvətənlərimizə münasibətini Rusiyada yüksək qiymətləndirirlər”
Tarix: 16.02.2017 | Saat: 20:50:00 | E-mail | Çapa göndər


Azərbaycan Prezidenti İlham Əliyevin Sərəncamı ilə Ümumrusiya Azərbaycanlıları Konqresinin (ÜAK) vitse-prezidenti, Moskva Dövlət Humanitar-İqtisad Universitetinin rektoru Vaqif Bayramov təhsil sahəsində Azərbaycan ilə Rusiya arasında əlaqələrin möhkəmləndirilməsində xidmətlərinə görə “Azərbaycan Respublikası Prezidentinin Fəxri Diplomu” ilə təltif edilib.
V.Bayramov AZƏRTAC-ın müxbirinə müsahibəsində bu yüksək təltifə görə minnətdarlığını bildirib.
O deyib: “Azərbaycan Prezidentinin xaricdə yaşayan həmvətənlərimizə münasibətini Rusiyada yüksək qiymətləndirirlər. Bu, bizi Rusiya ilə Azərbaycan arasında ikitərəfli münasibətlərin inkişafı sahəsində qarşıda duran vəzifələri daha fəal və ardıcıl yerinə yetirməyə ruhlandırır. Mən, milliyyətcə azərbaycanlı və Rusiyanın vətəndaşı kimi, sizi əmin etmək istəyirəm ki, bundan sonra da iki ölkə arasında dostluq münasibətlərinin inkişafı naminə var qüvvəmlə çalışacağam”.
V.Bayramov qeyd edib ki, çoxsaylı mədəni və elmi-təhsil layihələri Rusiya ilə Azərbaycan arasında əlaqələrin möhkəmlənməsinə şərait yaradır: “Keçən il noyabr ayında Rusiyanın təhsil naziri Olqa Vasilyeva Bakıda səfərdə olub, orada Azərbaycan Prezidenti İlham Əliyevlə görüşüb. Mənə də həmin nümayəndə heyətinin tərkibində olmaq şərəfi nəsib olub. Görüşdə Azərbaycanda rus dilinin rolu və Rusiyada Azərbaycan dilini inkişaf etdirməyin vacibliyi xüsusi qeyd edilib. Bu görüşdən sonra qərara alınıb ki, 2017-ci ildən Moskva Dövlət Humanitar-İqtisad Universitetinin xarici dillər fakültəsində türk dili ilə yanaşı, Azərbaycan və qazax dillərinin də öyrənilməsinə başlanılsın. Təhsil sferasında əməkdaşlıq sahəsində daha bir nailiyyət 40-dan artıq ali məktəbin daxil olduğu Rusiya-Azərbaycan ali məktəblər Assosiasiyasının yaradılmasıdır. Assosiasiyanın fəaliyyəti təhsil sahəsində, o cümlədən inklüziv təhsil sferasında dialoqu inkişaf etdirməyə yönəlib”.
V.Bayramov Ümumrusiya Azərbaycanlıları Konqresinin Rusiyada yaşayan həmvətənlərimizin ictimai həyatında rolunu gücləndirməyin zəruriliyini də vurğulayıb.
Mahmud




 
Bölməyə aid digər xəbərlər
20.09.2018
ATƏT-in Parlament Assambleyasının sədri Azərbaycanda səfərdədir
20.09.2018
Bosniya və Herseqovina Nümayəndələr Palatasının sədrinin Azərbaycana səfəri başlayıb
20.09.2018
Pakistan Senatının sədri Azərbaycana səfərə gəlib
19.09.2018
Liberman Azərbaycanın İsrail üçün strateji əhəmiyyətini və geosiyasi zəruriliyini etiraf edib
19.09.2018
Çin xarici işlər naziri: “Azərbaycan dünyada ciddi nüfuzu ilə seçilən dövlətə çevrilib”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info