Ankarada Xocalı soyqırımı qurbanları anılıb
Tarix: 21.02.2017 | Saat: 15:20:00 | E-mail | Çapa göndər


Türkiyənin paytaxtı Ankarada fəaliyyət göstərən “Turançılar Toplumçu Düşüncə və Tədris Dərnəyində”, “Ötükən” jurnalının Ankara şöbəsinin də dəstəyi ilə Xocalı soyqırımının 25 illiyinə həsr olunmuş anım konfransı təşkil olunub. Bu haqda saytımıza tədbirin dəvətli məruzəçisi, tarixçi Ph.D Cavid Mövsümlü bildirib. Həyata keçirilən “Xocalı Soyqırımının” anma proqramında Ankarada təhsil alan türkiyəli və fərqli ölkələrdən olan tələbə və gənclər iştirak ediblər. Tədbirin məruzəçi qonağı olan azərbaycanlı tarixçi Cavid Mövsümlü Azərbaycan tarixi, Qarabağ münaqişəsi və Xocalı soyqırımı mövzularında qonaqlar üçün çıxış edib. O öz çıxışının sonunda türkiyəli soydaşlara azərbaycanlıların acısına şərik çıxdıqları üçün öz xalqı adına təşəkkür edib və bu yaxşılığı azərbaycanlıların heç bir zaman unutmayacağını söyləyib. O sözlərinə əlavə edərək bildirib ki, “Azərbaycanlıların bu soyqırımı dünyaya düzgün şəkildə çatdırmaqda məqsədləri, bu faciədən dünya ictimaiyyətinin dərs götürərək, insanlıqdan kənar belə cinayətlərin gələcəkdə təkrarlanmasının qarşısını almaqdır”. Öz növbəsində “Turançılar Toplumçu Düşüncə və Tədris Dərnəyi” sədri Rəcəb Əli Gündüz də tədbirin təşkilatçılığında əməyi keçən hər kəsə təşəkkür etdikdən sonra bildirib ki, “Xocalı Soyqırımının təkcə azərbaycana deyil, bütün Türk dünyasına qarşı törədilmiş bir cinaət olduğu qənaətindədir və elə buna görə də Türkiyənin Turançı görüşləri paylaşan toplum bu cinayətdə əli olanların cəzalandırılmasını, Azərbaycanın isə haqlı mövqeyini dəstəkləməsini istəyir”. Rəcəb Əli Gündüz daha sonra, “Xocalı Soyıqrımını” Türkiyə Cümhuriyyətinin də yaxınlarda rəsmi olaraq tanımasında inamlı addımlar atacağına ümid bəslədiyini bildirib. Tədbir sonunda qonaqları maraqlandıran suallara cavab verilib və xatirə şəkilləri çəkilib.




 
Bölməyə aid digər xəbərlər
25.04.2019
Kim Çen In Putinə qılınc hədiyyə etdi
25.04.2019
Suriyada partlayış baş verib, ölənlər və yaralananlar var
24.04.2019
Cәnubi Afrikada daşqınlar 37 nәfәrin hәyatına son qoyub
24.04.2019
“İnterpol”un eks-rəhbəri barədə həbs qərarı verildi
24.04.2019
Türkiyə XİN: Trampın 1915-ci il hadisələri ilə bağlı açıqlamasını rədd edirik

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Gülnar Səmanın kitabının təqdimatı keçiriləcək
3 “Azərbaycan dilinin Orfoqrafiya Normaları” təsdiq edilib
4 Artıq bəzi sözlər yeni qaydalar əsasında yazılmalıdır
5 “Israel Hayom” qəzeti: “Azərbaycan müqəddəs Odlar Yurdudur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info