Ağ Ev rəsmiləri Brüssel və Bağdadda
Tarix: 22.02.2017 | Saat: 00:11:00 | E-mail | Çapa göndər


Vitse prezident: “NATO ölkələri müdafiə büdcələrini artırmalıdır”

Brüsselə səfər edən Amerika Birləşmiş Ştatlarının vitse-prezidenti Mayk Pens Avropa Birliyinin liderləri və NATO-nun baş katibi Yens Stoltenberqlə görüşlər keçirib. Eyni vaxtda Pentaqon rəhbəri Ceyms Mettis də İraqa səfər edib.
ABŞ-ın yüksəkvəzifəli məmurlarının səfərləri müxtəlif istiqamətdə olsa da, məqsəd eynidir: hər iki dövlət rəsmisinin başlıca məqsədi müttəfiqləri Vaşinqtonun öhdəliklərdən imtina etmək niyyətində olmadığına inandırmaqdır. Prezident Trampın Avropa İttifaqı və NATO ilə bağlı məlum bəyanatlarından sonra vitse-prezident Mayk Pensin Belçika paytaxtında Avropa Birliyinin lideri Donald Tusk, xarici işlər və təhlükəsizlik siyasəti üzrə ali nümayəndə Federiko Moqerini və NATO baş katıbı ilə görüşünü yeni ABŞ administrasiyasının Avropa ilə anlaşma cəhdi kimi də dəyərləndirmək olar. Xatırladaq ki, Tramp hələ seçki kampaniyası zamanı NATO-nu “köhnəlmiş təşkilat” kimi dəyərləndirmişdi. Qeyd edilməlidir ki, Pensin Brüssel səfəri Avropa turunun ikinci dayanacağı olub. Bundan əvvəl Münxen konfransında iştirak edən Pens çıxışında Trampın adından qeyd edib ki, ABŞ NATO-ya dəstəyini və Ukrayna ilə bağlı Rusiyaya tətbiq edilən qadağaları davam etdirəcək. Amerikalı vitse-prezident deyib: “Biz dünyanın ayrı-ayrı qitələrində yaşasaq da, eyni ittifaqın üzvləriyik. Biz eyni prinsipləri bölüşür və ortaq bir məqsəd uğrunda mübarizə aparırıq. 2017-ci ilin sonunadək NATO-ya üzv ölkələr müdafiə xərclərini artırmalıdırlar. Şimali Atlantika Alyansına üzv olan ölkələr üzərlərinə götürdükləri öhdəliklərə sadiq qalmalıdırlar. 2017-cı ildə prezident Tramp bu məsələ ilə bağlı böyük irəliləyiş gözləyir”. Donald Tusk görüşdən sonra bildirib ki, yeni Vaşinqton administrasiyası Avropaya böyük ümidlər verir. Pentaqonun yaydığı açıqlamada bildirilir ki, İraqa səfər edən ABŞ-ın müdafiə naziri Ceyms Mettis İraq prezidenti Heydər əl-Abadi və baş nazir İrfan əl-Xəyali ilə görüşüb. Danışıqlarda Mosul şəhərinin “İŞİD” silahlılarından təmizlənməsi məqsədilə keçirilən əməliyyat və iki ölkə arasında hərbi əməkdaşlıq məsələləri müzakirə edilib: “Danışıqlarda əlaqələrin davam etdirilməsi istiqamətində razılıq əldə olunub. Tərəflər “İŞİD”-ə qarşı mübarizədə bütün səyləri birləşdirməyin zəruri olduğunu vurğulayıblar”. Qeyd edək ki, İraqın Mosul şəhəri 2014-cü il iyunun 10-da “İŞİD” silahlıları tərəfindən ələ keçirilib. Fevralın 18-də Mosul şəhərinin qərbinin “İŞİD” terrorçularından azad edilməsi əməliyyatı başlayıb. Mosulun qərb hissəsi üç aydır ki, İraq ordusunun mühasirəsindədir. Şərqi Mosul isə ABŞ-ın rəhbərlik etdiyi koalisiyanın dəstəyi ilə keçən ilin oktyabrında başlayan əməliyyat nəticəsində terrorçulardan azad edilib. Mosulun azad edilməsi əməliyyatı 17 oktyabr 2016-cı ildə başlayıb.
Ağasəf Babayev




 
Bölməyə aid digər xəbərlər
20.05.2019
Çində gecə klubunun çökməsi nəticəsində 2 nəfər ölüb, 77 nəfər yaralanıb
19.05.2019
Avstraliyada ümumi federal seçkilərdə sağ koalisiya qalib gəlib
19.05.2019
Zelenskinin andiçmə mərasimində 60 ölkənin rəsmiləri iştirak edəcək
18.05.2019
ABŞ Fars körfəzi üzərindən uçuşların təhlükəli olması barədə xəbərdarlıq edib
18.05.2019
Avstriyanın vitse-kansleri Haynts-Kristian Ştraxe istefa verib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10783

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info