Fəttah Heydərov: “Azərbaycan ona vurulan bütün maddi-mənəvi zərərlərə baxmayaraq, sülh yolundadır”
Tarix: 22.02.2017 | Saat: 17:57:00 | E-mail | Çapa göndər


“Təəssüf ki, işçi qrupun hələ ki ilkin hesablamalarına görə, Azərbaycan işğaldan 810 milyard dollar maddi zərər çəkib”. Bu sözləri “Azərbaycan ərazilərinə silahlı erməni təcavüzü: itki və tələfatlar” mövzusunda keçirilən beynəlxalq konfransda çıxışında Milli Məclisin üzvü, Ağsaqqallar Şurasının sədri Fəttah Heydərov deyib.
F. Heydərov bildirib ki, bu, insan əli ilə yaradılan mülklərin dağıdılması nəticəsində dəyən zərərdir: “Bununla yanaşı, Azərbaycan xalqına çox böyük mənəvi zərər dəyib. Lakin ulu öndər Heydər Əliyev ölkəyə başçılıq etdikdən sonra münaqişəni sülh yolu ilə həll etmək niyyətində olduğunu göstərib. Heydər Əliyevin bu siyasəti hörmətli Prezidentimiz İlham Əliyev tərəfindən bu gün davam etdirilir. Münhen toplantısında dünya liderlərinin prezidentimizə müraciət etməsi, fikirlərini öyrənməsi onu sübut etdi ki, biz sülh və əmin-amanlıq yolundayıq. Bütün bu maddi-mənəvi zərərlərin qarşısında biz sülh yolunu tutmuşuq. İstəyirik ki, danışıqlar yolu ilə Dağlıq Qarabağ və ətraf 7 rayon Azərbaycana qaytarılsın. Cocuq Mərcanlının bərpa olunması barədə Prezidentin sərəncamı göstərir ki, biz ərazilərimizi bərpa edəcəyik və insanlarımız ora qaytarılacaqlar. Eyni zamanda, Azərbaycan o torpaqlarda yaşayan bütün millətlərin, o cümlədən erməni xalqının təhlükəsizliyini təmin etməyə hazırdır. Bizim prezidentin tutduğu yol budur”.
F. Heydərov qeyd edib ki, dünyada indi ağır proseslər gedir: “Hər tərəfdə iqtisadi çətinliklər və müharibələrlə müşayiət olunan proseslər gedir. Bu gün bəşəriyyət düşünməlidir ki, hər zaman böyük qırğınlara erməni faktoru səbəb olub. Bu faktorun qarşısı alınmalıdır. Onlar yenə müharibə əhval-ruhiyyəsi yaratmaq fikrindədir. Beynəlxalq aləm səylərini birləşdirib, təcavüzkarlara qarşı öz sözünü deməlidir”.
Qeyd edək ki, Azərbaycan ərazilərinin Ermənistan silahlı qüvvələrinin işğalı nəticəsində itki və tələfatların qiymətləndirilməsi üzrə işçi qrupunun hesablamasına əsasən işğal nəticəsində Azərbaycana 810,15 milyard dollar zərər dəyib. 

Nigar




 
Bölməyə aid digər xəbərlər
18.03.2019
“Bakcell” gənc developerlər üçün məzun gecəsi keçirib
18.03.2019
“Sağlamlıq-2018” Respublika Spartakiadasının qalibləri mükafatlandırılıb
18.03.2019
Novruz bayramı türkdilli xalqlarda etno-mədəni hadisədir
18.03.2019
Bakı şəhəri ilə Dərbənd və Maqas şəhərləri arasında Memorandum imzalanıb
18.03.2019
Dənizçilər Cocuq Mərcanlıda olublar

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info