Cocuq Mərcanlıda 23 ildən sonra ilk dəfə Novruz tonqalı
Tarix: 22.02.2017 | Saat: 18:04:00 | E-mail | Çapa göndər


Fevralın 21-də ölkəmizdə Novruz bayramının əsas atributlarından olan çərşənbələrin ilki - Su çərşənbəsi qeyd edilib. Cəbrayıl rayonunun Cocuq Mərcanlı kəndində isə 23 ildən sonra ilk dəfə Novruz tonqalı alovlanıb.
Cəbrayıl rayonunun digər kəndləri kimi, Cocuq Mərcanlı kəndində də son Novruz tonqalı 1993-cü ildə qalanıb. 1994-cü ildə Cocuq Mərcanlı işğaldan azad edilsə də, yaxınlıqdakı yüksəkliklər erməni silahlılarının nəzarəti altında olduğundan kənddə Novruz tonqalları qalamaq mümkün deyildi. Ötən ilin aprelində Azərbaycan Ordusunun ermənilərin təxribatına layiqli cavab verərək, uğurlu əks-hücum əməliyyatı ilə Lələtəpə yüksəkliyini işğaldan azad etməsi Cocuq Mərcanlı kəndinin təhlükəsizliyini də möhkəmləndirdi.
Kənddə yaşayan yeganə ailə - Həziyevlər ailəsi üçün builki bayram ikiqat sevinclidir. Çünki 23 ildən sonra ilk dəfə olaraq təhlükəsiz şəraitdə, Azərbaycan Ordusuna güvənərək, Novruz tonqalı qalayıblar.
Ailənin başçısı Oqtay Həziyev AZƏRTAC-ın müxbirinə çərşənbə sevincini belə ifadə edib: “Bizim üçün ən sevincli gündür. Əvvəllər yaxınlıqdakı yüksəkliklər düşmənin nəzarəti altında olduğu üçün Novruz tonqalı yandıra bilmirdik. Bu istək 23 ildir ki, ürəyimizdə qalmışdı. Axı biz adət-ənənələrimizə bağlı xalqıq. Bu çərşənbədə ən böyük diləyimiz isə bütün köçkünlərin yurd-yuvalarına dönməsi və Novruz tonqallarını öz həyətlərində qalamasıdır”.
Bu gün Cocuq Mərcanlıda hələlik bir tonqal qalanıb. Prezident İlham Əliyevin Sərəncamı ilə kənddəki evlər bərpa olunduqdan, məcburi köçünlər öz doğma yurdlarına qayıtdıqdan sonra burada qalanan tonqalların sayı da artacaq. O gün isə elə də uzaqda deyil.





 
Bölməyə aid digər xəbərlər
23.08.2019
Alınmaz qalamız Sədərək düşmənə gözdağıdır
23.08.2019
Masallı rayonunun Güllütəpə kəndi ərazisində səyyar görüş
22.08.2019
Səfərbərlik və Hərbi Xidmətə Çağırış üzrə Dövlət Xidmətinin rəhbərliyi Şəmkir və Tovuzda vətəndaşları qəbul edib
21.08.2019
Aşura mərasimləri: ənənəvilik və müasirlik
21.08.2019
Masallı rayonunun Birinci Səmidxanlı ərazisində səyyar görüş

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info