Xocalı soyqırımına həsr olunan “Sonsuz dəhliz“ filmi Efiopiyada nümayiş olunub 
Tarix: 23.02.2017 | Saat: 16:15:00 | E-mail | Çapa göndər


Əddis-Əbəbə şəhərinin ən məşhur kinoteatrlarından biri olan “Adot Cinema”da ABŞ və Litva kinematoqrafçılarının birgə istehsalı olan beynəlxalq mükafatlar laureatı “Endless Corridor” (“Sonsuz dəhliz”) adlı sənədli filmin nümayişi keçirilib. Filmin təqdimatı “Xocalıya ədalət” kampaniyası çərçivəsində Azərbaycanın Efiopiyadakı səfirliyi tərəfindən Avropa Azərbaycan Cəmiyyətinin (TEAS) dəstəyi ilə təşkil edilib.
Səfirlikdən verilən məlumata görə, tədbirdə Efiopiyada akkreditə olunmuş diplomatik nümayəndəliklərin rəhbərləri və diplomatları, Afrika İttifaqı Komissiyasının və BMT-nin Afrika üzrə İqtisadi Komissiyasının əməkdaşları, ölkənin aparıcı media nümayəndələri və ölkəmizin ali təhsil müəssisələrini bitirmiş efiopiyalı məzunları iştirak ediblər.
Açılış nitqi ilə çıxış edən səfir Elman Abdullayev “Xocalıya Ədalət” beynəlxalq kampaniyasının genişmiqyaslı fəaliyyəti barədə məlumat verərək, kampaniyanın Ermənistanın silahlı qüvvələri tərəfindən Xocalıda uşaqlara, qadınlara və yaşlılara qarşı törədilmiş vəhşiliklər barədə həqiqətlərin dünya ictimaiyyətinə çatdırılmasında xüsusi önəm daşıdığını qeyd edib və Xocalıda törədilmiş bu cinayətlərə hüquqi və siyasi qiymətin verilməsinə yönəldiyini bildirib.
Səfir E.Abdullayev 2015-ci ildə beynəlxalq səviyyədə uğurla keçən premyerasından sonra “Sonsuz dəhliz” filminin dünyanın bir çox ölkələrində nümayiş olunduğunu bildirərək, bu filmin Madrid şəhərində keçirilən “Tenerife” Beynəlxalq Film Festivalı, Milan Beynəlxalq Kinematoqrafçılar Festivalı, eləcə də ABŞ-da keçirilən Akkolade Qlobal Film Müsabiqəsinin müxtəlif mükaftlarına layiq görüldüyünü vurğulayıb.
Səfir E.Abdullayev Ermənistanın silahlı qüvvələri tərəfindən Xocalı şəhərinin dinc sakinlərinə qarşı xüsusi amansızlıq və qəddarlıqla cinayətlərin törədildiyini qeyd edərək, artıq 14 ölkənin qanunverici orqanları tərəfindən Xocalı Soyqırımının tanıldığını vurğuladı. Cinayətkar hərbi diktatura rejimi tərəfindən idarə olunan Ermənistanın beynəlxalq ictimaiyyətin mövqeyinə qarşı hörmətsizlik nümayiş etdirildiyini qeyd edən səfir E.Abdullayev Azərbaycanın 20% torpaqlarının hələ də işğal altında saxladığını, BMT Təhlükəsizlik Şurasının 4 Qətnaməsinin tələblərinin yerinə yetirmədiyini və 1 milyondan artıq qaçqın və məcburi köçkünümüzün öz tarixi torpaqlarına geri dönə bilmədiklərini vurğuladı. Səfir cinayətkarların cəzasız qalmayacaqlarını əminliklə ifadə etdi. Tədbirin sonunda qonaqlara müxtəlif dövlətlərin parlamentləri tərəfindən qəbul olunan Xocalı Soyqırımına dair qətnamələrdən ibarət sərgi təqdim olundu.

Fuad




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info