Metropoliten stansiyalarında təhlükəsizlik qaydaları ilə bağlı videoçarx hazırlanıb
Tarix: 23.02.2017 | Saat: 20:13:00 | E-mail | Çapa göndər


1967-ci ildən paytaxt sakinləri və şəhərimizin qonaqlarına xidmət göstərən Metromuzdan gün ərzində yüzminlərlə sərnişin istifadə edir. Sərnişindaşımanın təhlükəsizliyinin təşkil edilməsi və sərnişinlərə xidmət səviyyəsinin artırılması məqsədilə metropolitendən istifadə qaydaları mövcuddur. Bu qaydalarda həm metropoliten işçiləri, həm də sərnişinlər üçün tələblər öz əksini tapıb. Nəzərə almaq lazımdır ki, bu qaydalara əməl etməmək insan həyatı üçün təhlükə yarada bilər. Elə bu məqsədlə, ilk olaraq bu gün stansiya yolunda bizi gözləyən təhlükələrə və onlardan çıxış yollarına nəzər salacağıq. Beləliklə, bunları bilmək vacibdir!
Bəzən platformada olarkən ehtiyatsızlıqdan hər hansı əşyamız stansiya yoluna düşə bilər. Belə olan halda qətiyyən stansiya yoluna düşməyə cəhd etməyin. Bu hərəkətiniz sizin həyatınız bahasına başa gələ bilər. Çünki, stansiya yolunda qatarların hərəkətini təmin edən və insan həyatı üçün çox təhlükəli olan 825 voltluq elektrik cərəyanı var. Bu cür yüksək gərginlikli elektrik xəttinə nəinki toxunmaq, hətta yaxınlaşmaq belə insan həyatı üçün təhlükəlidir.
Stansiya yoluna düşən əşyanızın çıxarılması üçün mütləq metropoliten əməkdaşlarına məlumat vermək lazımdır. Metropoliten əməkdaşları sizin əşyanızı təhlükəsiz şəraitdə götürərək mütləq sizə təhvil verəcəklər. Hər hansı əşyaya görə həyatınızı təhlükəyə atmağa dəyməz.
Bəzən ehtiyatsızlıq ucbatından sərnişin stansiya yoluna düşə bilər. Belə olan halda nə etmək lazımdır? İlk növbədə metropoliten əməkdaşları məlumatlandırılmalıdır. Eyni zamanda stansiyaya daxil olacaq qatar istiqamətinə baxmaq lazımdır. Əgər qatarın işıqları görünürsə, deməli qatarın gəlməsinə az qalıb. Belə olan halda başınız qatar istiqamətində üzüaşağı vəziyyətdə olmaqla, relslərin arasındakı qanova uzanmaq lazımdır. Qətiyyən tərpənmək olmaz. Qatar sizin üzərinizdə dayansa belə, bunun təhlükəsi yoxdur. Yetər ki, siz təşvişə düşməyin, hərəkət etməyin və qatarın hər hansı avadanlığına toxunmayın. Belə vəziyyətdə metropoliten əməkdaşları mütləq sizi təhlükəsiz şəraitdə xilas edəcəklər.
Deyək ki, stansiya yoluna düşmüsünüz və tuneldən qatarın işıqları hələ görsənmir. Bu o deməkdir ki, qatarın gəlməsinə müəyyən vaxt var. Belə olan halda stansiya yolunu özbaşına tərk etməyə cəhd etməyin. Dərhal, metropoliten əməkdaşlarına məlumat verilməlidir. Onların da təlimatı ilə yubanmadan, təmas relsinin əks tərəfi ilə qatarın hərəkət istiqaməti üzrə tunelə doğru hərəkət etmək, yəni gözlənilən qatardan uzaqlaşmaq lazımdır. Platformanın ucunda tunelin girəcəyində olan zolaqlı nişan qatarın birinci vaqonunun dayanacağı yeri göstərir. Zolaqlı nişanı keçmək və metropoliten əməkdaşlarının köməyini gözləmək lazımdır.
Tural




 
Bölməyə aid digər xəbərlər
27.06.2019
Sumqayıtda itkin düşən 18 yaşlı oğlan tapılıb - YENİLƏNİB
26.06.2019
Azərbaycanda mebel istehsalı 46 faiz artıb
26.06.2019
Azərbaycan tolerant ölkədir və milli dəyərlərin qorunub saxlanılmasına böyük önəm verir
25.06.2019
Azərbaycanda vergidən azad edilən malların siyahısı artırılır
25.06.2019
Kiçik və Orta Biznesin İnkişafı Agentliyi və FAO arasında əməkdaşlıq imkanları müzakirə edilib

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10817

1 Yeni naziri kollektivə Ramiz Mehdiyev təqdim etdi
2 Heydər Əliyev və bələdiyyələr
3 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
4 Əli Nağıyev DTX rəisi təyin edildi
5 Vilayət Eyvazov daxili işlər naziri təyin edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info