Səudiyyə Ərəbistanında Xocalı soyqırımı qurbanlarının xatirəsi anılıb
Tarix: 27.02.2017 | Saat: 17:50:00 | E-mail | Çapa göndər


Azərbaycanın Səudiyyə Ərəbistanındakı səfirliyi tərəfindən Xocalı soyqırımının 25-ci ildönümü ilə əlaqədar anım mərasimi keçirilib. Tədbirdə ziyalılar, türkdilli ölkələrin diasporlarının nümayəndələri, iş adamları, bu ölkədə fəaliyyət göstərən diplomatik missiyaların təmsilçiləri, həmvətənlərimiz və jurnalistlər iştirak ediblər.
Xocalı soyqırımı qurbanlarının xatirəsi bir dəqiqəlik sükutla yad edildikdən sonra çıxış edən səfir Rasim Rzayev erməni millətçiləri tərəfindən azərbaycanlılara qarşı aparılmış soyqırımı siyasətinin tərkib hissəsi kimi Xocalıda günahsız əhalinin xüsusi amansızlıqla qətlə yetirilməsindən danışıb. Diplomat qeyd edib ki, Ermənistan beynəlxalq hüququn prinsiplərini pozaraq Azərbaycan torpaqlarını hələ də işğal altında saxlamaqdadır. Səfir R.Rzayev Xocalı faciəsinin dünyada, xüsusilə də İslam aləmində soyqırımı kimi tanınması istiqamətində birgə fəaliyyət görülməsinin zəruriliyini vurğulayıb.
Sonra səfirliyin digər əməkdaşları Xocalı soyqırımı barədə fikir və mülahizələrini bölüşüblər.
Tədbirin sonunda Heydər Əliyev Fondu tərəfindən hazırlanmış “Khojaly Genocide” adlı sənədli film nümayiş etdirilib.
Rəsmi hissədən sonra səfirlikdə “Xocalı uşaqların gözü ilə” başlığı altında rəsm sərgisinə baxış olub.
Sonda Xocalı soyqırımını əks etdirən kitablar, Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq kampaniyasına dair materiallar və “İRS” jurnalının bu qətliama aid xüsusi buraxılışı mərasim iştirakçılarına paylanılıb.
Bundan əlavə, Xocalı soyqırımının 25-ci ildönümü ilə əlaqədar Azərbaycan Respublikası insan hüquqları üzrə müvəkkilinin (Ombudsmanın) bəyanatı Səudiyyə Ərəbistanı, Bəhreyn və Oman Xarici İşlər nazirliklərinə, o cümlədən Ciddə şəhərində yerləşən İslam Əməkdaşlıq Təşkilatına göndərilib və orada yayımlanıb. İslam Əməkdaşlığı Təşkilatının rəsmi internet səhifəsində faciə ilə bağlı yerləşdirilən bəyanatda Baş katib Yusif Əl-Useyminin Xocalı faciəsində həyatını itirmiş bütün insanların xatirəsi ehtiramla yad olunub.
Tural




 
Bölməyə aid digər xəbərlər
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu
18.09.2018
Rusiya və Türkiyə prezidentləri Soçidə görüşüblər
18.09.2018
Türkiyə və Rusiya prezidentləri Suriya böhranı ilə bağlı ciddi anlaşma əldə ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info