Avropa ictimaiyyətinə Qarabağ həqiqətləri təbliğ olunacaq
Tarix: 27.02.2017 | Saat: 18:45:00 | E-mail | Çapa göndər


Niderland Krallığında fəaliyyət göstərən Avropa Azərbaycan Dostları Mərkəzi (AADM) tərəfindən Xocalı soyqırımının 25-ci ildönümü ilə əlaqədar silsilə tədbirlərin keçirilməsi nəzərdə tutulub. Bu haqda AADM-ın sədri Leyla Babayeva məlumat verib. Tədbirlər planı AADM-ın 2016-cı ilin dekabr ayında keçirilmiş illik toplantısında təsdiq edilib. Mərkəzin əsas məqsədi 2017-ci ilin Niderlandda “Xocalı ili” kimi qəbul edilməsinə nail olmaq idi.
AADM-ın irəli sürdüyü bu təklif Azərbaycanın Mədəniyyət Nazirliyi ilə müzakirə edilib və Niderland parlamentinə, bu ölkədə fəaliyyət göstərən insan haqları təşkilatlarına, Niderlandın “De Volkskrant”, “De Telegraaf”, “Elsevier”, “AD Den Haag”, “Het Nederlandse Dagblad” kimi nüfuzlu mətbuat orqanlarına bu barədə rəsmi məlumatlar göndərilib.
Anım tədbirləri DUFOA təşkilatı ilə birgə hazırlanaraq, “Yolumuz Qarabağa” adlı layihə çərçivəsində keçiriləcək. Bu layihə çərçivəsində Xocalı soyqırımının 25-ci ildönümü ilə əlaqədar tədbirlərin il ərzində Niderlanddakı kollec və məktəblərdə, eləcə də müxtəlif gənclər təşkilatlarının konfranslarında keçirilməsi planlaşdırılıb. Nəzərdə tutulan tədbirlər mədəniyyət, incəsənət və musiqi formatında keçiriləcək. Bu məqsədlə AADM tərəfindən bir neçə layihənin – “Xarı bülbül” və “Hərbsiz dünya” adlı ədəbi-bədii gecələrin, “Əlvan çiçəklər” adlı silsilə kukla teatrlarının, eləcə də “Multikulturalizm və müxtəliflik” adı altında gənclər arasında debatların keçirilməsi nəzərdə tutulub.
AADM rəhbərliyi həmin layihələrin icrası ilə bağlı Avropa ölkələrindəki cari ictimai-psixoloji vəziyyətdən məqsədyönlü şəkildə istifadə etməyə çalışır. Belə ki, hazırda Avropa əhalisi istənilən müharibə, münaqişə, etnik və dini diskriminasiya hallarına qarşı ciddi etiraz bildirir. Avropa cəmiyyəti başa düşür ki, buradakı təhlükəsizliyi təmin etmək üçün dünyanın müxtəlif yerlərdə baş vermiş haqsızlıqlara göz yummaq olmaz.
“Yolumuz Qarabağa” layihəsinin icrası zamanı məhz bu kimi amillərdən istifadə olunacaq. Ümumilikdə, həmin layihələr çərçivəsində əsas məqsəd Dağlıq Qarabağla bağlı həqiqətlərin Avropa ictimaiyyətinə çatdırılması, xüsusilə də holland xalqının ictimai-mədəni tarixində gələcək nəsillər üçün arxivləşdirilməsidir.
Fuad




 
Bölməyə aid digər xəbərlər
18.01.2019
Güclü küləyə görə metronun “Elmlər Akademiyası“ stansiyasının çıxışı bağlandı
17.01.2019
Türkiyə şəhidlərinin övladları Azərbaycana gəliblər
17.01.2019
İki nəfər Zabrat qəsəbəsindəki Sosial Sığınacağa aparılıb
17.01.2019
Açıq dənizdə dalğanın hündürlüyü 7,9 metrə çatıb
17.01.2019
DİN: Məmməd Əmin Rəsulzadənin barelyefini oğurlamaqda şübhəli bilinən şəxslər saxlanılıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info