Çində Azərbaycan dilinin tədrisinə başlanılıb
Tarix: 03.03.2017 | Saat: 15:33:00 | E-mail | Çapa göndər


Çində ilk dəfə olaraq Azərbaycan dilinin tədrisinə başlanılıb. Bu semestrdən başlayaraq 76 dilin tədris olunduğu Pekin Xarici Dillər Universitetində Azərbaycan dili üzrə mütəxəssislər hazırlanacaq. Bu münasibətlə universitetdə keçirilən tədbirdə qeyd olunub ki, Çin Xalq Respublikasının Sədri Si Cinpin bir neçə il əvvəl qədim İpək yolu üzərində yerləşən ölkələr ilə əlaqələrin müxtəlif sahələrdə genişləndirilməsini nəzərdə tutan “Bir kəmər, bir yol” təşəbbüsünü irəli sürüb. Həmin təşəbbüs çərçivəsində ölkənin müxtəlif qurumlarına İpək yolu dövlətləri ilə əlaqələrin daha da dərinləşməsi istiqamətində əməli işlər görülməsi barədə tapşırıq verilib. Çin Təhsil Nazirliyinin qərarı ilə Pekin Xarici Dillər Universitetində Azərbaycan dilinin tədrisinin təşkili də bu istiqamətdə atılan addımdır.
Universitetin prorektoru Cia Vencian deyib ki, Çində Azərbaycan dilinin tədrisi və bununla da Azərbaycan dili üzrə kadrların hazırlanması iki ölkə arasında əlaqələrin dərinləşməsinə töhfə verəcək. Azərbaycan dilinin tədrisi həm də qədim mədəniyyət beşiyi olan Azərbaycanı daha yaxından tanımağa imkan verəcək.
Azərbaycanın Çindəki səfirliyinin müvəqqəti işlər vəkili Mətin Mirzə Çində Azərbaycan dilinin tədrisinə başlanmasının iki ölkə arasında diplomatik əlaqələrin qurulmasının 25-ci ildönümünə təsadüf etdiyini bildirib. O, Azərbaycan Prezidenti İlham Əliyevin 2015-ci ildə Çinə dövlət səfərindən sonra iki ölkə arasındakı münasibətlərdə yeni mərhələnin başlandığını deyib.
M.Mirzə Azərbaycan tərəfinin Pekin Xarici Dillər Universitetinə Azərbaycan dilinin tədrisi ilə bağlı hər cür dəstək verməyə hazır olduğunu bildirib, səfirlik adından ali təhsil ocağının kitabxanasına Azərbaycan haqqında kitablar hədiyyə edib.
Çin Millətlər Universitetinin professoru Xu Cenxua iki xalq arasında dostluğun qədim tarixi olduğunu, dahi Azərbaycan şairi Nizami Gəncəvinin əsərlərində Çin mövzusuna toxunulduğunu diqqətə çatdırıb. O, İkinci Dünya müharibəsi zamanı Azərbaycan oğullarının sovet ordusunun tərkibində Çinin azadlıq mübarizəsinə verdikləri dəstəyi yada salaraq, müasir dövrdə dostluq münasibətlərinin daha da inkişafı istiqamətində atılan addımların hər iki xalq üçün faydalı olacağını deyib.
PXDU-nun Azərbaycan dili müəllimi, filologiya üzrə fəlsəfə doktoru Aqşin Əliyev bu semestr universitetin 22 tələbəsinin ikinci dil olaraq Azərbaycan dilini seçdiyini diqqətə çatdırıb. Plana əsasən 2020-2021-ci tədris ilində Azərbaycan dili ixtisası üzrə bakalavr pilləsinə tələbə qəbulu həyata keçiriləcək. Bu məqsədlə müvafiq maddi-texniki və tədris bazası yaradılacaq. Buraya dərsliklər, lüğətlər, metodiki vəsaitlərin hazırlanması, habelə Azərbaycandakı müvafiq universitetlər ilə elm, təhsil, müəllim mübadiləsi daxildir.
Tural




 
Bölməyə aid digər xəbərlər
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar
15.11.2018
Yaponiya yaxın 5 ildə 345 minədək əcnəbi işçi qəbul edə bilər
15.11.2018
Rusiya ilə danışıqlar 1956-cı ilin bəyanatı üzərində qurulub
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10480

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info