Bakıda “əriyən buzlar”: Rusiya və ABŞ-ın baş qərargah rəisləri Türkiyədə
Tarix: 08.03.2017 | Saat: 00:22:00 | E-mail | Çapa göndər


Rusiyalı ekspert : “Qerasimovla Danford arasında keçirilən görüşlər Suriya və İraqda vəziyyətin müzakirəsi ilə bağlıdır. Tərəflər hansısa planı razılaşdırmağa çalışır”

Türkiyə, Rusiya və ABŞ silahlı qüvvələrinin baş qərargah rəisləri Türkiyənin Antalya şəhərində görüşüblər. “Hurriyetdailynews.com”un məlumatına görə, üç ölkənin ali zabitləri arasında keçirilən ilk üçtərəfli görüşdə Suriya və İraqdakı vəziyyət müzakirə olunub.
Türkiyə Baş Qərargahının yaydığı açıqlamada görüşün Antalyada keçirildiyi bildirilir. Qeyd edək ki, Türkiyə və Rusiyanın baş qərargah rəisləri bir müddət əvvəl Bakıda bir araya gəlmişdilər. Həmin görüşdə ikitərəfli münasibətlərlə yanaşı, Suriya və İraqda terrorizmə qarşı mübarizədə əməkdaşlıq müzakirə edilmişdi. Bu gün Suriya və İraq ərazisində terrorçulara qarşı qızğın savaş gedir. Eyni zamanda Rusiya və ABŞ-ın busahədə dəstəklədiyi qüvvələrin müəyyən yerdəyişməsi də həyata keçirilir. Bu mənada “İŞİD”-dən azad edilən ərazilərə kimin nəzarət edəcəyi müzakirə predmetidir. Dünən İraq qoşunları Mosulun mərkəzi hissəsində yerləşən əsas əraziləri terrorçulardan azad edib. Suriyada isə kritik ərazi Membiç və Rakkadır. Bir neçə gün əvvəl Türkiyə tərəfi açıqladı ki, RYD terrorçuları Membiçdən çəkilməsə, onlara qarşı əməliyyat keçiriləcək. Bundan dərhal sonra Moskvanın vasitəçiliyi ilə RYD-nin oradan çəkilməyə başladığı və ərazinin Bəşər Əsədə tabe olan orduya təhvil veriləcəyi bəlli oldu. Amma axşam saatlarında tam fərqli informasiya yayıldı. PYD ərazilərdən çəkilmədiyini açıqladı. ABŞ ordusuna aid zirehli texnikalar da həmin əraziyə toplaşıb. Bir neçə gündən sonra Türkiyə prezidenti Moskvaya səfər edəcək. Əsas müzakirə mövzusu Suriya məsələsi olacaq. Bu mənada Rusiya və ABŞ silahlı qüvvələrinin baş qərargah rəislərinin Türkiyədə bir araya gəlməsi böyük əhəmiyyət kəsb edir. Təxminən 3 illik aradan sonra Qerasimovla Danford arasında Bakıda keçirilən görüşün uğurlu olmasının nəticəsidir ki, generallar təkrarən Antalyada görüşürlər. Bakıda “əriyən buzlar” təmasları aktivləşdirib. Rusiyalı ekspert İqor Korotçenko “Pravda.ru”ya dəyərləndirmədə deyib ki, Qerasimovla Danford arasında keçirilən son iki görüş Suriya və İraqın “İŞİD” terrorçularından təmizlənməsi və onlardan sonra yaranacaq vəziyyətin müzakirəsi ilə bağlıdır. Tərəflər hansısa planı razılaşdırmağa çalışırlar: “Bizim üçün prinsipial məsələ odur ki, ABŞ əvvəlki mövqeyini dəyişsin. Hərbi əməliyyatların koordinasiyalı şəkildə aparılması terrorçulara qarşı mübarizədə müsbət nəticə verə bilər. Hərbi məsləhətləşmə “İŞİD”-ə qarşı mübarizə planını razılaşdırmağa imkan verəcək. ABŞ-ın prosesə qoşulması Suriyada münaqişənin həllinə yardım edə bilər. Rusiya yenə də qanuni prezident Bəşər Əsədi müdafiə edəcək və havadan terrorçulara zərbələr endirməkdə davam edəcək. ABŞ da bu prosesdə öz rolunu oynaya bilər. Bunun üçün həm quru qoşunlardan, həm də hava zərbələrindən istifadə mümkündür, Bir daha xatırladıram ki, Moskva Birləşmiş Ştatların Yaxın Şərqdə beynəlxalq terrorizmə qarşı mübarizədə real olaraq prosesə qoşulmasında maraqlıdır”.
Anar Miriyev




 
Bölməyə aid digər xəbərlər
20.02.2019
ABŞ və Türkiyə razılığa gələ bilmir
20.02.2019
“Lazarev klubu” erməniləri qane etmir
20.02.2019
Rusiya Prezidenti Federal Məclisə müraciətini təqdim edib
19.02.2019
“Rusiya Ermənistanın iki kürsüdə oturmaq cəhdinə dözməyəcək”
19.02.2019
“İran Avrasiya İttifaqına qoşulacaq”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info