Meksika mətbuatı erməni təcavüzündən bəhs edən məqalə yayıb
Tarix: 09.03.2017 | Saat: 15:45:00 | E-mail | Çapa göndər


Meksikanın Notimeks rəsmi xəbərlər agentliyi Azərbaycan Respublikasının bu ölkədəki səfirliyinin müvəqqəti işlər vəkili Məmməd Talıbovla müsahibəyə istinad edərək “Azərbaycan - onilliklər ərzində sülh axtaran xalq” adlı məqalə yayıb.
Məqalədə Ermənistanın Azərbaycana qarşı təcavüzü nəticəsində on minlərlə həmvətənimizin öldürüldüyü və ölkəmizə milyardlarla ABŞ dolları dəyərində zərər vurulduğu qeyd olunur. Bildirilir ki, bütün bunlara baxmayaraq, multikultural cəmiyyətə malik Azərbaycanın daim sülhə nail olmaq istəyir.
Azərbaycanın Dağlıq Qarabağ bölgəsinin və onun ətrafında yerləşən yeddi rayonun - Laçın, Kəlbəcər, Ağdam, Füzuli, Cəbrayıl, Qubadlı və Zəngilanın Ermənistan tərəfindən işğal edildiyi, burada yaşayan azərbaycanlıların öz doğma torpaqlarından didərgin salındığı oxucuların diqqətinə çatdırılır.
Bütün bu itkilərin fonunda Azərbaycan xalqının və ölkə rəhbərliyinin qaçqın və məcburi köçkünlərin öz doğma yurdlarına qayıtmasına imkan verəcək sülhə nail olmağa çalışdığı vurğulanır.
Azərbaycan diplomatına istinad edilərək bildirilir ki, Ermənistan tərəfinin sülh prosesinə xələl gətirmək məqsədilə işğal olunmuş ərazilərdə törətdiyi daha bir təxribat - qondarma “referendum” bir sıra ölkələr tərəfindən rəsmən pislənilib. Məqalədə, həmçinin qeyd olunur ki, ATƏT-in Minsk Qrupunun həmsədr ölkələri münaqişə ilə bağlı hazırkı status-kvonun qəbuledilməz və qeyri-davamlı olduğu barədə bəyanatlar verib.
Qondarma “referendum”u izləmək üçün Azərbaycanın işğal edilmiş ərazilərinə qeyri-qanuni səfər etmiş avropalı deputatlar barəsində həbs qərarı çıxarıldığı xatırladılır, ölkəmizin qanunlarını pozmuş meksikalı professor Rodriqo Qomez Qarsianı da eyni aqibətin gözlədiyi diqqətə çatdırılır.
Müəllif azərbaycanlı diplomata istinad edərək yazır: “Azərbaycan xalqı sülhsevər xalqdır. Müxtəlif dinlərin və mədəniyyətlərin təmsilçiləri uzun illərdir ki, ölkəmizdə sülh və əmin-amanlıq şəraitində yaşayırlar. Regionda sülhün bərqərar olmasına yeganə maneə məhz Azərbaycan torpaqlarının işğal altında qalmasıdır”.
Məqalədə, həmçinin BMT Təhlükəsizlik Şurası tərəfindən Ermənistan qoşunlarının Azərbaycanın işğal olunmuş ərazilərini dərhal və qeyd-şərtsiz tərk etməsi tələb oilunan dörd qətnamənin qəbul edildiyi, həmin torpaqlarda yaradılmış qondarma rejimin heç bir ölkə, o cümlədən Meksika tərəfindən tanınmadığı diqqətə çatdırılır.
Tural




 
Bölməyə aid digər xəbərlər
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb
24.09.2018
Şoyqu açıqladı: Rusiya Suriyaya S-300 kompleksləri göndərir
24.09.2018
Stokholmda Azərbaycan tədris kursları açılıb
24.09.2018
İranda törədilən terror aktı ilə əlaqədar matəm elan edilib
23.09.2018
Düşmənlər İranda vəziyyəti gərginləşdirə bilməyəcəklər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info