Naxçıvanda seminar keçirilib
Tarix: 10.03.2017 | Saat: 15:46:00 | E-mail | Çapa göndər


Naxçıvan Biznes Mərkəzində muxtar respublikada fəaliyyət göstərən ixrac potensiallı müəssisələrin sahibkarları üçün ixracda təşviqlərin verilməsi, “Made in Azerbaijan” brendinin mahiyyəti və onun tətbiqi mexanizmləri barədə seminar təşkil olunub.
AZƏRTAC xəbər verir ki, seminar Naxçıvan Muxtar Respublikası İqtisadiyyat Nazirliyinin təşkilatçılığı, Azərbaycanda İxracın və İnvestisiyaların Təşviqi Fondunun dəstəyi ilə keçirilib.
Seminarda fondun vitse-prezidenti Yusif Abdullayev bildirib ki, Azərbaycan Prezidenti İlham Əliyevin 2016-cı il 1 mart tarixli “Qeyri-neft məhsullarının ixracının təşviqi ilə bağlı əlavə tədbirlər haqqında” Fərmanı, eləcə də ölkə rəhbərinin 2016-cı il 5 oktyabr tarixli Fərmanı ilə təsdiq edilən “Xarici ölkələrə ixrac missiyalarının təşkilinə, xarici bazarların araşdırılması və marketinq fəaliyyətinə, “Made in Azerbaijan” brendinin xarici bazarlarda təşviqinə, yerli şirkətlərin ixracla bağlı xarici ölkələrdə sertifikat və patent almasına, ixracla əlaqəli tədqiqat-inkişaf proqram və layihələrinə çəkilən xərclərin dövlət büdcəsi hesabına ödənilən hissəsinin müəyyənləşdirilməsi və ödənilmə mexanizminin tənzimlənməsi Qaydası” sahibkarların xaricə mal ixracını asanlaşdırmaqla yanaşı, onlara dövlət tərəfindən hərtərəfli təminat yaradıb.
Qeyd olunub ki, bu sahədə muxtar respublikada da ardıcıl tədbirlər görülür, sahibkarlar üçün əlverişli şərait yaradılır. Sahibkarlara yaradılan şəraitin nəticəsidir ki, muxtar respublikadan xarici ölkələrə məhsul ixracı genişlənir, şirkətlər öz məhsullarını beynəlxalq arenada nümayiş etdirirlər.
Vurğulanıb ki, bugünkü seminarın da əsas məqsədi xaricə mal ixrac edən sahibkarlara qeyri-neft məhsullarının ixracının stimullaşdırılması və təşviqi üçün dəstək mexanizmləri və “Made in Azerbaijan” brendinin mexanizmləri ilə bağlı yenilikləri çatdırmaqdır.
Azərbaycanda İxracın və İnvestisiyaların Təşviqi Fondunun İxracın təşviqi departamentinin direktoru Fuad Cəfərov qeyri-neft məhsullarının ixracatçılarına ixrac təşviqinin verilməsi proseduru, müraciət qaydaları və tələb olunan sənədlər barədə ətraflı söhbət açıb.
Seminarda “Made in Azerbaijan” brendinin mexanizmlərinin mahiyyəti və tətbiqi haqqında məsələlər də müzakirə edilib.
Naxçıvan Muxtar Respublikasında ixracda təşviqlərin tətbiq edilməsi, “Made in Azerbaijan” brendinin dəstək mexanizmlərindən istifadə imkanları ilə bağlı görülən işlər və perspektivlər barədə iştirakçılara məlumat verilib.
Sonda sahibkarların mövzu ilə bağlı sualları cavablandırılıb, təkliflər dinlənilib.
Mahmud




 
Bölməyə aid digər xəbərlər
18.11.2018
Ölkəmizin on şəhər və rayonunun məktəbliləri Lənkərana gəliblər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info