Magistr təhsili alacaq iki tələbənin bütün xərcləri ödəniləcək
Tarix: 10.03.2017 | Saat: 16:57:00 | E-mail | Çapa göndər


“Azərbaycan Xəzər Dəniz Gəmiçiliyi” QSC-i Dünya Dənizçilik Universitetində magistr təhsili alacaq iki tələbənin bütün xərclərini ödəyəcək.
Gəmiçilik mətbuat xidmətindən AZƏRTAC-a bildirilib ki, QSC-də yüksəkixtisaslı gənc mütəxəssislərin hazırlanması, onların dənizçilik sahəsində beynəlxalq təcrübəyə dərindən yiyələnməsi istiqamətində ardıcıl addımlar atılır. İstedadlı və perspektivli gənclərin xarici ölkələrin aparıcı dənizçilik universitetlərində təhsil alması məqsədilə təsis olunan Təqaüd Proqramı da belə addımlardan biridir.
Bu il elan olunan proqram Azərbaycan Dövlət Dəniz Akademiyasının (ADDA)daha iki tələbəsinə Avropada dənizçilik sahəsində magistr təhsili almaq imkanı yaradıb. Belə ki, ADDA-nın “menecment” ixtisası üzrə məzunu Nərminə Müzəffər qızı Cabbarova və “Gəmiçilik və gəmilərin hərəkətinin idarə edilməsi” ixtisası üzrə məzunu Aqşin Şabəddin oğlu Muxtarov “İELTS” imtahanlarından 6,5 və Akademiyanın daxili imtahanlarından yüksək bal toplayaraq müsabiqədən uğurla keçiblər. Onlar İsveçin Malmö şəhərində yerləşən Dünya Dənizçilik Universitetində (World Maritime University) müasir dənizçiliyin prioritet istiqamətlərindən sayılan “Dəniz daşımalarının idarə olunması və loqistika” ixtisası üzrə magistr təhsili alacaqlar. Gənclər 14 aylıq təhsil müddətində Çin, İngiltərə və Körfəz ölkələrinin dənizçilik sahəsində təcrübələri ilə də yaxından tanışlıq imkanı əldə edəcəklər. Hazırda gəmiçilik və Dünya Dənizçilik Universiteti arasında təqaüd proqramının detalları haqqında danışıqlar aparılır.
Tələbələrin bütün təhsil xərclərini “Azərbaycan Xəzər Dəniz Gəmiçiliyi” QSC ödəyəcək. Təhsilini bitirdikdən sonra isə hər iki gənc beş il gəmiçilikdə işləmək öhdəliyi götürüb.
Məlumat üçün bildirək ki, Dünya Dənizçilik Universitetini (World Maritime University) Birləşmiş Millətlər Təşkilatının (UN) ixtisaslaşdırılmış orqanı kimi Beynəlxalq Dəniz Təşkilatı (IMO) təsis edib. Burada bir çox ölkələrin dənizçiləri təcrübələrini artırmaq üçün təhsil alırlar. Beynəlxalq Dəniz Təşkilatının baş katibi Kitak Lim, Türkiyənin baş naziri Binəli Yıldırım kimi tanınmış şəxslər bu universiteti bitiriblər. “Azərbaycan Xəzər Dəniz Gəmiçiliyi” QSC sədrinin birinci müavini Zamiq İsmayılov da Dünya Dənizçilik Universitetinin məzunudur.
Xatırladaq ki, 2015-ci ilin sentyabrından AXDG-nin nəzdində Gənclər Mərkəzi fəaliyyət göstərir. Sözügedən proqramın reallaşdırılmasında yaxından iştirak edən mərkəzin əsas məqsədi istedadlı və fəal gəncləri müəyyənləşdirərək həvəsləndirici tədbirlər görmək və kadr hazırlığını stimullaşdırımaqdan ibarətdir.


Mahmud




 
Bölməyə aid digər xəbərlər
24.06.2019
Xarici diplomatlar DOST mərkəzi ilə tanış olublar
24.06.2019
Azərbaycanda ilk dəfə olaraq minimum əmək haqqı yaşayış minimumunu üstələyir
23.06.2019
Naxçıvanda kənd təsərrüfatı məhsullarının satış yarmarkasında bolluq və ucuzluqdur
22.06.2019
Naxçıvan Muxtar Respublikası əhalisinin sayı 457 min nəfərə çatır
22.06.2019
Yevlaxda dövlət qulluğunda fərqlənənlər mükafatlandırılıb

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Yeni naziri kollektivə Ramiz Mehdiyev təqdim etdi
5 Masallının Lürən kəndində yeni tibb məntəqəsi açılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info