Hotellərdə yerləşdirilmiş şəxslərin sayı 22 faiz artıb
Tarix: 15.04.2013 | Saat: 22:51:00 | E-mail | Çapa göndər


Dövlət Statistika Komitəsindən verilən məlumata görə, ötən il "Eurovision" mahnı müsabiqəsinin, 17 yaşadək qızlar arasında futbol üzrə dünya çempionatının final oyunlarının və digər beynəlxalq səviyyəli tədbirlərin Azərbaycanda keçirilməsi ölkəyə gələn xarici turistlərin sayına müsbət təsir göstərib.
Nəticədə mehmanxana və mehmanxana tipli müəssisələrdə yerləşdirilmiş şəxslərin sayı 2011-ci illə müqayisədə 22,5 faiz artaraq 624,9 min nəfər olub. Onların da 59,5 faizi xarici ölkə vətəndaşlarıdır. Yerləşdirilmiş xarici ölkə vətəndaşlarının sayında əvvəlki ilə nisbətən 44,2 faiz artım qeydə alınıb. Yollayışla gələn turistlərin sayı 48,6 min nəfər olmaqla yerləşdirilmiş şəxslərin ümumi sayının 7,8 faizini təşkil edib. Bu dövrdə keçirilən gecələmələrin sayı keçən illə müqayisədə 9,1 faiz artaraq 1640,9 min təşkil edib. Gecələmələrin 48,9 faizi xarici ölkə vətəndaşlarının payına düşür. Ümumi gecələmələrin 57,3 faizi Bakı şəhərində, qalanı isə digər rayonlarda (şəhərlərdə) qeydə alınıb. 2012-ci il ərzində ölkədə 514 mehmanxana və mehmanxana tipli müəssisə xidmət göstərmiş, onların 5,3 faizi dövlət, 94,7 faizi isə qeyri-dövlət müəssisələridir. 2012-ci ildə ölkə üzrə mehmanxana və mehmanxana tipli müəssisələrin yüklənmə səviyyəsi 13,7 faiz təşkil edib. Bu göstərici Bakı şəhərində, Naxçıvan MR-də, Xaçmaz, Lerik, Qəbələ, Masallı, Qusar, Şamaxı və Şəki rayonlarında ölkənin digər rayon və şəhərlərinə nisbətən daha yüksək olub. Mehmanxana və mehmanxana tipli müəssisələrdə müvəqqəti yerləşmə xidmətindən istifadə edən şəxslərin əsas hissəsi (83,4 faizi) turizm məqsədilə səfər edənlər olub. Turistlərin 43,3 faizi istirahət və əyləncə, 47,5 faizi işgüzar və qalanları digər turizm məqsədilə səfər etmişdir. İstirahət və əyləncə məqsədilə Bakı şəhəri, Naxçıvan MR, Xaçmaz, Quba, Şəki, Şamaxı, Balakən, Qəbələ, Mingəçevir, Lerik, Masallı və Abşeron rayonlarına (şəhərlərinə) səfər edən turistlərin sayı digər şəhər və rayonlara səyahət edənlərin sayından daha çox olub. Turizm məqsədilə səfər edən Azərbaycan vətəndaşlarının 33,4 faizini Bakı şəhərinin sakinləri təşkil edib. Mehmanxana və mehmanxana tipli müəssisələrin gəlirləri 2011-ci illə müqayisədə 34,3 faiz artaraq 154,0 milyon manata çatıb.
NIGAR




 
Bölməyə aid digər xəbərlər
19.04.2019
Ramil Usubov xidmət etmək arzusunda olan gənclərin sıra baxışını keçirib
19.04.2019
17 yaşlı azərbaycanlı Türkiyədə 56 min dollar təqaüd alacaq
19.04.2019
“Qədim mətnlər və klassik mənbələr erməniçilik saxtakarlıqlarını və uydurmalarını ifşa edir“
19.04.2019
Almaniyanın Siegen Universitetinin müəllim və tələbə heyəti “Ulduz” Şokolad Fabrikində
19.04.2019
DGK əsassız ittihamlara söykənən etirazların əks olunduğu video ilə bağlı məlumat yayıb

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info