Alpaqut üzrə 3-cü Azərbaycan çempionatı keçirilib
Tarix: 13.03.2017 | Saat: 15:00:00 | E-mail | Çapa göndər


Şağan Olimpiya İdman Mərkəzində alpaqut üzrə 3-cü Azərbaycan Çemoionatının rəsmi açılış mərasimi keçirilib. Açılışa qatılan fəxri qonaqlar sırasında millət vəkilləri Qənirə Paşayeva, Adil Əliyev, tanınmış modelyer-dizayner Gülnarə Xəlilova, Dünya Alpaqut Federasiyasının fəxri prezidenti Fərid Əlizadə, Azərbaycan Kapoeyra Federsiyasının prezidenti Taleh Orucov, Ramil Səfərov, boks üzrə dünya çempionu Fərhad Acalov, kikboksinq üzrə dünya çempionu Ramal Aslanov və digər tanınmış idmançılar, ictimai xadimlər yer alıblar. Giriş sözü ilə çıxış edən Azərbaycan Alpaqut Federasiyasının prezidenti Aqil Acalov əvvəlki illərə nisbətən bu çempionatın daha çox azarkeş toplamasından məmnunluğunu dilə gətirib: "Bu il bölgələrimizdən qatılan idmançıların sayında artım çoxdur. Düz 30 bölgəmizdən 270 idmançının yarışlara qatılması uğurlu nəticədir. Alpaqutun bir idman növü olaraq inkişaf etməsi, bütün regionlarımızda rəğbət görməsi bizi çox sevindirir. Ölkə başçısı cənab İlham Əliyevin də Azərbaycan idmanının inkişafına göstərdiyi yüksək qayğının nəticəsidir ki, günbəgün daha böyük nəaliyyətlərə imza atırıq". Daha sonra çıxış edən millət vəkili, eyni zamanda Dünya Alpaqut Federasiyasının 1-ci vitse-prezidenti Qənirə Paşayeva türkün qədim döyüş sənəti olan alpaqutun müharibə şəraitində yaşayan ölkəmizdə inkişafının önəmini vurğulayıb. Bu idman növünü inkişaf etdirməklə tariximizə, keçmişimizə sahib çıxdığımızı söyləyib. Millət vəkili, Azərbaycan Kikboksinq Federasiyasının prezidenti Adil Əliyev isə çıxışında hər kəsi milli idman növü olan alpaqutun inkişafına dəstək olmağa çağırıb. Alpaqut idman növünün yaradıcısı, Kutsan Vasif Namazov isə çıxışında bu idman növünün dünyada yayılmasından və inkişafından söz açıb. Daxili İşlər Nazirliyinin alpaqut bölməsinin idmançılarının nümunəvi çıxışlarından sonra tədbirin bədii hissəsinə yer verilib. Tanınmış aparıcılar - aktrisa Cəmilə Tağızadə və şairə Günel Günün təqdimatı ilə çıxış edən musiqili qonaqlar Səyyad Əlizadə, Samirə Allahverdiyeva, əməkdar artist Aqşin Abdullayev, Nuray Rəhman,İlqar Sadiqov və digər incəsənət xadimləri ifaları ilə tədbirə rəng qatıblar. Tədbirdə alpaqut idman növünün inkişafında və təbliğində əməyi keçən insanlar, o cümlədən media mənsubları fəxri diplomlarla təltif olunublar. Rəsmi və bədii hissələrdən sonra 8-18 yaşlılar və böyüklər müxtəlif çəki dərəcələrində birincilik uğrunda güclərini sınayıblar. 30 bölgdən qatılan 370 idmançı Aypara, Batur və Caymaz növləri üzrə yarışıblar. Aypara sistemi üzrə 1-ci yerin qalibi Suraxanı rayonun "Mübariz alp" klubu olub, 2-ci yerdə Ağdam rayon komandası, 3-cü yerdə isə Abşeron rayon komandası qərarlaşıblar. Batur sistemi üzrə yarışlarda isə "Dinamo" klubu 1-ci pillədə yer alıb. 2-ci və 3-cü yerləri isə müfafiq olaraq Abşeron və Neftçala komondaları bölüşüblər. Alpaqut üzrə 3-cü Azərbaycan Çempionatında Cagmaz sistemində keçirilinən oyunlarda isə Neftçala komandası 1-ciliyi qazanıb. Bu sistem üzrə 2-ci pillədə Qaradağ, 3-cü pillədə isə Kürdəmir rayonunun idmançıları qalib olublar.




 
Bölməyə aid digər xəbərlər
25.03.2019
“Real“ Mbappeyə görə 280 milyon avro verməyə hazırdır
25.03.2019
Azərbaycan-Litva oyununda qalib müəyyənləşməyib
25.03.2019
“Sumqayıt” futbol akademiyası seçim mərhələsinin ikinci turuna başlayıb
25.03.2019
Xorvatiya bu dəfə məğlub oldu
25.03.2019
Almaniya millisi səfərdə Hollandiyanı məğlub edib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Paşinyan reytinqini küçə süpürməklə qaldırmaq istəyir?
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info