Cocuq Mərcanlıda məktəb binasının və 31 evin bünövrəsi qoyulub
Tarix: 15.03.2017 | Saat: 00:03:00 | E-mail | Çapa göndər


Prezidentin Cəbrayıl rayonunun işğaldan azad edilmiş Cocuq Mərcanlı kəndinin bərpa olunması ilə bağlı Sərəncamına uyğun olaraq tikinti işləri sürətlə davam etdirilir.
AZƏRTAC-ın müxbiri Cocuq Mərcanlıdan xəbər verir ki, inşaat işlərinə 30-a yaxın texnika, 100-dən çox işçi cəlb edilib. İş icraçısı Gülməmməd Veysəlovun bildirdiyinə görə, artıq məktəb binasının və 31 evin bünövrəsi qoyulub. Yaxın 10 gün ərzində digər 19 evin də təməli atılacaq. Kənddə birinci mərhələdə tikiləcək 50 evdən 20-si ikiotaqlı, 25-i üçotaqlı, 5-i isə dördotaqlı olacaq. Növbəti mərhələdə daha 150 evin və digər infrastrukturun tikintisi və bərpası nəzərdə tutulur Tikintidə çalışanların əhvali-ruhiyyəsi yüksəkdir. Hörgü işləri aparan Şahin Nemətov deyib: “Can-başla işləyirik. O gün olsun ki, digər şəhər və kəndlərimiz də işğaldan azad edilsin və orada tikinti işləri aparaq”. Kənd ərazisinin mina və partlamamış hərbi sursatlardan təmizlənməsi işi də davam etdirilir. Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) Füzuli regionu üzrə əməliyyat menecerinin müavini Fehruz Mahmudov bildirib ki, 36 gün ərzində Cocuq Mərcanlı kəndində 1 milyon 106 min kvadratmetrdən çox ərazi yoxlanılıb. 22 ədəd partlamamış hərbi sursat, 4 ədəd piyada əleyhinə “OZM-72” mina və 32 ədəd tank əleyhinə mina (8 tank əleyhinə “TM-57” minası və 24 ədəd “TM-57” tank əleyhinə minanın partladıcısı “MVZ-57”) aşkar olunaraq zərərsizləşdirilib. Hazırda kəndin əkin sahələrinin və ətraf ərazilərin mina və partlamamış hərbi sursatlardan təmizlənməsi əməliyyatı davam etdirilir.





 
Bölməyə aid digər xəbərlər
26.06.2019
Prezident Cəmşid Naxçıvanski adına Hərbi Liseydə yenidənqurma işlərindən sonra yaradılan şəraitlə tanış olub
26.06.2019
Əlahiddə Ümumqoşun Ordusu Naxçıvanın təhlükəsizliyinin qarantıdır
26.06.2019
Mehriban Əliyeva Silahlı Qüvvələr Günü münasibətilə Azərbaycan xalqını təbrik edib
26.06.2019
Gədəbəyin daha üç yaşayış məntəqəsinə təbii qaz verilib
26.06.2019
Muxtar respublikanın Dövlət Miqrasiya Xidmətində ötən ay 651 müraciətə baxılıb

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10816

1 Yeni naziri kollektivə Ramiz Mehdiyev təqdim etdi
2 Əli Nağıyev DTX rəisi təyin edildi
3 Heydər Əliyev və bələdiyyələr
4 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
5 Vilayət Eyvazov daxili işlər naziri təyin edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info