Deputat: “Prezidentin Fransaya səfəri səmərəli və ümidvericidir”
Tarix: 15.03.2017 | Saat: 21:48:00 | E-mail | Çapa göndər


Azərbaycan Prezidenti İlham Əliyevin Fransaya səfəri səfəri səmərəli və ümidvericidir. Bunu Milli Məclisin deputatı Aydın Mirzəzadə deyib.
A.Mirzəzadə bildirib ki, Prezident İlham Əliyevin Fransaya səfəri tək iki ölkənin deyil, dünya ictimaiyyətinin də diqqətində olan məsələdir: “Fransa dünyanın aparıcı ölkələrindən biridir, Azərbaycan isə öz uğurlu daxili və xarici siyasət ilə regionun lider dövlətinə çevrilir və bu gün dünya birliyində artan nüfuza malikdir. Həmçinin hər iki ölkəni dünyanın təhlükəsizliyi, stabilliyini qorunması, yaranan problemlərə adekvat cavabların axtarılması ciddi sürətdə maraqlandırır”.
Deputat vurğulayıb ki, Prezidentin Fransaya səfər proqramı kifayət qədər genişdir: “Həm rəsmi, həm biznes dairələri ilə görüşlərin keçirilməsi mühüm əhəmiyyət kəsb edir. Əlbəttə gündəlikdə duran ən vacib məsələ Ermənistanın Azərbaycan torpaqlarını işğal etməsinə son qoyulması və bu məsələdə Fransanın ATƏT-in Minsk qrupunun həmsədri kimi rolunun artırılmasıdır. Fransa bu məsələnin həllində böyük rol oynaya bilər. Nəzərə almaq lazımdır ki, Fransa Azərbaycanın ərazi bütövlüyünü dəstəkləyir və problemin həllində öz səylərini göstərir. Lakin bu səylər daha konkret, daha prinsipal və daha yüksək səviyyədə olmalıdır. Səfərin məqsədi də əlaqələrin möhkəmləndirilməsi, Dağlıq Qarabağ münaqişəsi barəsində obyektiv informasiyanın Fransa rəsmi dairələrinə çatdırılmasıdır. Eyni zamanda səfər zamanı dövlət başçısı bu məsələdə Azərbaycanın konkret mövqeyini ortaya qoydu və bildirdi ki, Azərbaycanın ərazi bütövlüyü heç bir halda danışıqlar mövzusu ola bilməz və Azərbaycan öz ərazi bütövlüyünü təmin etmək əzmindədir”.
A.Mirzəzadə vurğulayıb ki, Prezidentin Fransa səfəri iqtisadi baxımdan da mühüm əhəmiyyətə malikdir: “Azərbaycan Prezidentinin Fransanın işgüzar dairələri ilə görüşləri, birgə iqtisadi layihələrin həyata keçirilməsi, qarşılıqlı investisiya imkanlarının nəzərdən keçirilməsi də bu qəbildən olan məsələlərdən hesab edilə bilər. Azərbaycanda bu gün investisiyalar üçün cəlbedici bir mühit var, Azərbaycan eyni zamanda Avropaya öz kapitalını yatırdır və bununla da hər iki tərəf üçün müsbət nəticələr əldə olunur. Ümumilikdə götürdükdə Prezidentin Fransaya səfəri səmərəli və ümidvericidir. Nəzərə alsaq ki, bir müddət əvvəl Ermənistan prezidenti də Fransaya səfər etmişdi, hər iki səfərin müqayisəsi hətta Fransanın ermənipərəst diarələrində belə üstünlüyün Azərbaycana verilməsinə gətirib çıxarır”.
Fuad




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info