“Neuron Technologies” BANM-də təlimə başladı
Tarix: 17.03.2017 | Saat: 20:31:00 | E-mail | Çapa göndər


Bakı Ali Neft Məktəbində (BANM) Azərbaycan “Neuron Technologies” şirkəti tərəfindən reallaşdırılan Tədris Elektron idarə olunması platforması yaradılıb. BANM-də bu mühüm tədris elektron məlumat və idarəetmə sisteminin təqdimatı keçirilib. Tədbirdə BANM-in rektoru Elmar Qasımov, “Neuron Technologies” şirkətinin icraçı direktoru İsmayıl Ələkbərov və Ali Məktəbin professor-müəllim heyəti iştirak ediblər. Tədbiri giriş sözü ilə açan BANM-in rektoru Elmar Qasımov İT-texnologiyaların hazırda müasir dövrdə zərurətindən söhbət açdı və həmin texnologiyaların inkişaf etdikcə cəmiyyətin buna uyğun fəaliyyət göstərməsini xüsusi ilə vurğulayıb. “Bu sistemin ali məktəbin fəaliyyətini və işlərini daha da sürətli və təsirli edəcəyinə əminəm. Məktəbimiz inkişaf edən texnologiyalara çevik şəkildə uyğunlaşaraq fəaliyyət göstərir və tədris prosesində bu texnologiyaları tətbiq etməyə çalışır”,- E.Qasımov dedi. Rektor bildirib ki, elektron məlumat və idarəetmə sisteminin tətbiqi BANM-də dünyanın mütərəqqi informasiya texnologiyalarına əsaslanan yeni təhsil idarəetmə sisteminin formalaşdırılmasına töhfə veriləcək. “Neuron Technologies” şirkətinin icraçı direktoru İsmayıl Ələkbərov öz çıxışında qeyd edib ki, onun rəhbərliyi olan şirkət BANM-in tərəfindən keçirilən tenderində qalib olub. “Mən çox şadam ki, bizim şirkətimiz ölkənin ən nüfuzlu və güclü ali təhsil ocaqları ilə əməkdaşliq edir”, - İ.Ələkbərov söyləyib. İ.Ələkbərov tədbir iştirakçılarına “Neuron Technologies” şirkənin fəaliyyətindən qısa məlumat verib və bildirib ki, layihə çərçivəsində BANM-də tələbələrin və müəllimlərin elektron məlumat bazasının yaradılması, tədris prosesinin və təhsilin məzmununun elektron idarə edilməsi, elektron qiymətləndirmə, elektron imtahan, interaktiv forum və kommunikasiya, insan resursların idarə edilməsi, təqaüd hesablanması, yataqxana elektron idarəetmə və digər sistemlərin tətbiqi nəzərdə tutulur.
Qeyd edək ki, “Neuron Technologies” - Azərbaycanda sürətlə inkişaf edən informasiya texnologiyaları şirkətlərdən biridir. Şirkət proqram təminatının işlənib hazırlanması, sistem inteqrasiyaların tətbiqi, informasiya-kommunukasiya texnologiyaları infrastrukturun qurulması üzrə ixtisaslaşıb və son illər ölkəmizdə təhsil, səhiyyə, kənd təsərrüfatı və digər sahələrdə elektron idarəetmə sistemlərin, milli proqram təminatı həllərinin tətbiqi üzrə uğurlu layihələr həyata keçirib. “Neuron Technologies” şirkəti tərəfindən ölkəmizin bir sıra nüfuzlu ali təhsil müəssisələrində analoji sistemlər artiq tətbiq olunub. Hazırda şirkətin hazırladığı intellektual məhsulların xarici ölkələrdə ixracı istiqamətində işlər davam etdirilir.


Nigar




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info