Bakı Atatürk Liseyində Novruz şənliyi keçirilib
Tarix: 17.03.2017 | Saat: 20:33:00 | E-mail | Çapa göndər


Martın 17-də Türk Dünyası Araşdırmaları Vəqfi Bakı Atatürk Liseyində Novruz bayramı münasibətilə tədbir keçirilib. Bayram tədbirinə ulu öndərlər Mustafa Kamal Atatürkün və Heydər Əliyevin, Türk Dünyası Araşdırmaları Vəqfinin qurucusu Turan Yazqanın, Bakı Atatürk Liseyinin mərhum müdiri Ali Devrimin və şəhidlərin xatirəsinin bir dəqiqəlik sükutla yad edilməsi, həmçinin, Azərbaycan və Türkiyənin dövlət himnlərinin oxunması ilə start verilib. Tədbirdə çıxış edən liseyin müdiri Hüseyn Demirel öncə Novruz bayramı münasibətilə hər kəsi təbrik edib. Çıxışında Novruz bayramının tarixindən, bu bayramın qədim türklərin həyatında xüsusi bir yerinin olmasından danışıb. Natiq təbiətin oyanması, həyatın canlanması, ruzi-bərəkət rəmzi olan Novruzun türk dünyasının hər yerində qeyd olunduğunu, lakin Azərbaycanda xüsusi coşqu ilə keçirildiyini bildirib. Natiq Novruz bayramının beynəlxalq birlik tərəfindən də tanındığını, 2010-cu ildə BMT-nin Baş Məclisi tərəfindən mart ayının 21-nin “Beynəlxalq Novruz Günü” elan olunduğunu deyib. Sonra liseyin şagirdlərinin hazırladıqları kompozisiyalar təqdim olunub. Milli geyimdə olan şagirdlərin musiqi sədaları altında Novruz bayramı ilə əlaqədar hazırladıqları şeirlər, səhnələr, ifa etdikləri rəqslər, bayramın rəmzlərindən və adətlərindən olan səməni, xonça, eyni zamanda, Novruzun personajları Kosa, Keçəl və Bahar qızın şən zarafatları tədbir iştirakçılarında xoş ovqat yaradıb. Şənliyin gedişi zamanı eyni zamanda, ayrı-ayrı siniflərin şagirdlərinin Novruz bayramına həsr etdikləri bayram xonçalarına baxış keçirilib və ən yaxşı 3 xonçanın qalibi müəyyən edilib.

Mahmud




 
Bölməyə aid digər xəbərlər
12.11.2018
Yol polisi Bakıda yük daşıma fəaliyyəti ilə məşğul olan nəqliyyat vasitələri sahiblərinə müraciət edib
12.11.2018
Dövlət Gömrük Komitəsinin Akademiyasında Konstitusiya Günü qeyd olunub
12.11.2018
Bakıdan Misirin Şarm əl-Şeyx şəhərinə birbaşa çarter reysi açılıb
12.11.2018
Daşkənddə Dövlət Bayrağı Günü qeyd olunub
08.11.2018
Yük maşınlarının Bakıya daxil olması üçün marşrutlar müəyyən edilib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info