UNESCO-nun baş qərargahında Novruz bayramı qeyd olunub
Tarix: 28.03.2017 | Saat: 15:08:00 | E-mail | Çapa göndər


Parisdə UNESCO-nun mənzil-iqamətgahında Azərbaycan, Əfqanıstan, Türkiyə, İran, Hindistan, İraq, Qazaxıstan, Pakistan, Tacikistan, Türkmənistan və Özbəkistanın qurum yanındakı daimi nümayəndəliklərinin təşəbbüsü ilə Novruz bayramı təntənə ilə qeyd olunub.
UNESCO baş direktorunun təhsil üzrə müavini Qyan Tana bildirib ki, əsrlərboyu müxtəlif dillərin, mədəniyyətlərin nümayəndələri Novruz bayramını qeyd edib. Novruz adət-ənənələri nəsildən-nəslə keçərək bu günə qədər qorunub saxlanılıb. Millətlərarası qarşılıqlı anlaşmanı, həmrəylik və dialoq kimi dəyərləri təşviq edən Novruz bayramı xalqları birliyə və dostluğa çağırış kimi humanitar ideyaları özündə təzahür etdirir.
Eyni zamanda, Novruz bayramının BMT Baş Məclisinin qərarı əsasında UNESCO-nun qeyri-maddi mədəni irs siyahısına daxil edildiyi və hər il martın 21-nin Beynəlxalq Novruz Günü kimi qeyd olunduğu diqqətə çatdırılıb. Novruz bayramının xalqların zəngin milli dəyərlərini, tarixi adət-ənənələrini özündə qoruyub saxladığı, Azərbaycan, Əfqanıstan, Türkiyə, İran, Hindistan, İraq, Qazaxıstan, Pakistan, Tacikistan, Türkmənistan, Özbəkistan və bir çox digər ölkələrdə yüksək səviyyədə qeyd edildiyi vurğulanıb.
İranın UNESCO yanındakı daimi nümayəndəliyinin rəhbəri Əhməd Cəlali Novruz haqqında ətraflı məlumat verib. O, Novruzun xalqların həyatında və mədəniyyətində xüsusi yeri olduğunu diqqətə çatdırıb, bu bayramı xalqları birləşdirən dəyər kimi qiymətləndirib. Novruzun xalqlar tərəfindən ruzi və bərəkət bayramı kimi qeyd edildiyini, yazın gəlişindən, təbiətin oyanışından xəbər verdiyini bildirib.
Tədbirdə Novruz bayramının qeyd edildiyi ölkələrin incəsənət ustalarının iştirakı ilə konsert verilib. Balaca Səma ilə Ümid Azərbaycanın “Naz eləmə” rəqsini milli geyimdə ifa ediblər.
İştirakçılara Novruz bayramının qeyd edildiyi ölkələrin, o cümlədən Azərbaycanın milli mətbəx nümunələri təqdim olunub.
Mahmud




 
Bölməyə aid digər xəbərlər
12.11.2018
Aİ nümayəndəsi: Azərbaycan yaxın zamanlarda insan kapitalının artırılmasına və inkişafına nail olacaq
12.11.2018
KİV-ləri Qərbdəki ayrı-ayrı qüvvələrin maraqlarına tabe etdirməyə çalışanlar...
12.11.2018
Lukaşenko: “Bizim qapılar Azərbaycan üçün açıqdır”
12.11.2018
“Ümid edirik, Paşinyan anlayır ki, Paris Sülh Forumundakı çıxışı Ermənistanın xarici siyasəti ilə tamamilə ziddir”
12.11.2018
MDR kanalı: Almaniyadakı erməni mafiyası bütün ölkə ərazisinə səpələnib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info