“Ermənistanın Lapşinin məsələsi ilə nə əlaqəsi var?“
Tarix: 28.03.2017 | Saat: 23:30:00 | E-mail | Çapa göndər


“İnanmıram ki, bu gün Dağlıq Qarabağda insanlar yaxşı və layiqincə yaşayırlar”
Belarus prezidenti Aleksandr Lukaşenko bloger Aleksandr Lapşinin ekstradisiyası məsələsi ilə bağlı nə Azərbaycanla, nə də Ermənistanla mübahisə etmək niyyətindədir. "RİA Novosti"nin məlumatına görə, Lukaşenko bunu Ermənistanın Belarusdakı səfiri Armen Xaçatryanla görüşündə deyib. O, həm Azərbaycan, həm də Ermənistan xalqını özlərinə yaxın hesab etdiklərini söyləyib. Lukaşenko A. Lapşinin Azərbaycana ekstradisiyası ilə bağlı Ermənistan tərəfdən rəsmi Minskin tənqid olunmasına da münasibət bildirib: “Ermənistanın bu məsələ ilə nə əlaqəsi var? Ermənistan tərəfindən Aleksandr Lapşinin məsələsi ilə bağlı mənə heç vaxt heç nə deyilməyib. O, Azərbaycan tərəfindən axtarışa verilmişdi. Burada saxlanıldı. İnterpol bilirdi. Biz lazımi, qanunauyğun şəkildə məlumat verdik. Onu kimə verməli idik? Barəsində axtarış elan edən ölkəyə verməli idik. O, 3 ölkənin vətəndaşıdır, lakin heç bir ölkə onunla bağlı tələb irəli sürmədi”. Belarus prezidenti qeyd edib ki, Ermənistan və Azərbaycan masa arxasına oturmalı və Dağlıq Qarabağ münaqişəsini vasitəçi olmadan həll etməlidir. O bildirib ki, bu məsələnin həlli ilə münaqişə tərəfləri məşğul olmalıdır: “Bu bizim, mənim məsələm deyil. Bizim edə biləcəyimiz heç nə yoxdur. Amma Ermənistan prezidenti və ya Ermənistanda, həmçinin Azərbaycanda mənim mövqeyimi soruşanda, harada olmağımdan asılı olmayaraq deyirəm ki, insanlar ləyaqətli yaşamağa layiqdirlər. İnanmıram ki, bu gün Dağlıq Qarabağda insanlar yaxşı və layiqincə yaşayırlar. Ona görə də bizim mövqeyimiz bundan ibarətdir ki, Ermənistan və Azərbaycan heç bir vasitəçi olmadan masa arxasına oturmalı, məsələni həll etməlidir. Əgər onlar kimisə zamin kimi görmək istəyirlərsə, özləri qərar verməlidir”. Belarus liderinin sözlərinə görə, insanların həlak olmasından və yoxsulluqdan əziyyət çəkməsindən siyasətdə vasitə kimi yararlanmaq olmaz: "Bu bizim bütün münaqişələrlə bağlı dəyişməz mövqeyimizdir".




 
Bölməyə aid digər xəbərlər
23.04.2019
Paşinyan sürücüsünün qohumunu gömrük direktoru təyin edib
23.04.2019
Ermənistandakı Rusiya bazasının təyyarələri yeniləri ilə əvəzlənəcək
22.04.2019
Zelenski dönəmində Ukrayna: NATO üzvlüyü ilə bağlı referendum keçiriləcək
21.04.2019
Ukraynada prezident seçkilərinin ikinci turu başlayıb
21.04.2019
“Oş – Türk dünyasının mədəniyyət paytaxtı” layihəsinin rəsmi açılışı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10757

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info