“Multikulturalizm və dinlərarası dialoq: Azərbaycan və İsveçrə modeli“ konfransı keçirilib 
Tarix: 29.03.2017 | Saat: 18:28:00 | E-mail | Çapa göndər


İsveçrənin Bern şəhərində Azərbaycanın bu ölkədəki səfirliyinin və “İsveçrə Dinlər Evi-Mədəniyyətlərin Dialoqu” Assosiasiyasının təşəbbüsü ilə “Multikulturalizm və dinlərarası dialoq: Azərbaycan və İsveçrə modeli” mövzusunda konfrans keçirilib.
Bu barədə Bakı Beynəlxalq Multikulturalizm Mərkəzinin mətbuat xidmətindən məlumat verilib.
Konfransdan öncə Azərbaycan nümayəndə heyəti konfransın keçirildiyi Dinlər Evi ilə tanış olub, “İsveçrə Dinlər Evi-Mədəniyyətlərin Dialoqu” Assosiasiyası İdarə Heyətinin üzvləri ilə görüşüb, o cümlədən Dinlər Evində mövcud olan müxtəlif dinlərin ibadət və görüş yerlərini ziyarət ediblər.
Dinlər Evinin nümayəndəsi Dr.Brigitta Rotachın moderatorluğu ilə keçirilən konfransda Azərbaycanın İsveçrə Konfederasiyasındakı səfiri Əkrəm Zeynallı ölkəmizdə multikulturalizmin xalqın həyat tərzi və dövlət siyasətində prioritet istiqamətlərdən biri olduğunu vurğulayıb, səfir tolerantlıq və multikulturalizm siyasətinin aktuallığına diqqəti çəkib.
Dini Qurumlarla iş üzrə Dövlət Komitəsinin birinci müavini Səyyad Salahlı çıxışında Azərbaycanda müxtəlif dinlərin və konfessiyaların birgə yaşadığına diqqət çəkərək bu tendensiyanın ölkəmizdə tarixən mövcudluğunu qeyd edib. Tədbirdə İsveçrə Dinlər Evinin rəhbəri Gerda Haukun İsveçrədəki multikulturalizm mövzusunda məruzəsi dinlənilib. Konfrans zamanı “Azərbaycan - tolerantlıq məkanı” adlı film nümayiş etdirilib və “Azərbaycan- multikulturalizm məkanı” sərgisinə baxış keçirilib.
Bakı Beynəlxalq Multikulturalizm Mərkəzinin Analitika şöbəsinin müdiri Rəşad İlyasov çıxış edərək Bakı Beynəlxalq Multikulturalizm Mərkəzinin layihələri, xüsusən Azərbaycan multikulturalizmi fənninin ölkədaxili və xaricində tədrisi, “Azərbaycan multikulturalizminin qaynaqları” seriyasından nəşr olunan kitablar haqqında məlumat verib. Qafqaz Müsəlmanları İdarəsinin Aparat rəhbəri Simran Həsənov və Dağ Yəhudiləri İcmasının rəhbəri Milix Yevdayev Azərbaycan multikulturalizminin unikallığı və qlobal arenadakı sülhyaradıcı funksiyaları haqqında söz açıblar. Konfransda iştirakçıları maraqlandıran suallar cavablandırılıb. Sonda Dinlər Evinin qəbul salonunda ölkəmizin İsveçrədəki səfirliyinin adından tədbir iştirakçılarına Azərbaycanın milli təamları təqdim olunub.
Tural




 
Bölməyə aid digər xəbərlər
15.02.2019
Ədliyyə naziri Xaçmazda vətəndaşları qəbul edib
15.02.2019
Алексей Ретеюм: “Дизайн Баку поражает. Москве есть чему поучиться“
15.02.2019
Masallıda təqdimat: “Bizim tanıdığımız Elmira...”
15.02.2019
Masallıda “Xocalı faciəsi qan yaddaşımızdır” mövzusunda inşa müsabiqəsi keçirilib
15.02.2019
Səfir: “Azərbaycanda tolerantlığın yüksək səviyyədə olmasını bütün dünya etiraf edir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info