Mayonezi necə seçməli?
Tarix: 16.04.2013 | Saat: 23:01:00 | E-mail | Çapa göndər


Mayonez bitki yağı əsasında hazırlanan yüksək qidalılıq dəyərinə malik yeyinti məhsuludur. Orta hesabla tərkibində 67% yağ, 25% su, 3,1% zülal, 2,6% karbohidratlar, 0,6% üzvi turşular və 1,4% mineral maddələr var. Tərkibi D, C, E, və s. vitaminlərlə zəngindir.
Mayonezlər sanitar-bakterioloji nəzarətin qaydalarını gözləməklə texnoloji sənədlərə uyğun, texniki göstəriciləri göstərilməklə standartın tələblərinə uyğun hazırlanmalıdırlar. Toksik elementlərin, aflotoksinlərin, pestisidlərin miqdarı normadan artıq olmamalıdır. İstehsalında istifadə olunan xammalın keyfiyyəti isə zəruri tələblər səviyyəsində olmalıdır.
Mayonez istehsalında saflaşdırılmış bitki yağı, yumurta tozu, quru süd, xardal, duz, sirkə və müxtəlif dad və ətirverici maddələrdən istifadə edilir. Bu məhsul əsas etibarilə dad və həzmi yaxşılaşdırmaq üçün əlavə kimi tətbiq olunur.
Mayonezlər əsas xammal komponentlərinə, əlavələrinə, təyinatına və konsistensiyasına görə təsnifləşdirilə bilər. İstifadə olunmasına görə isə iki qrupa, qəlyanaltı və desert mayonezlərə bölünür.
Mayonezin keyfiyyətinin qiymətləndirilməsi üçün onun orqanoleptiki göstəricilərinə, dadı, iyi, rəngi, konsistensiyası və xarici görünüşünə diqqət etmək vacibdir.
Mayonezin dadı və iyi zəif, bir qədər tünd, turşməzə olub acı olmamalıdır. Əlavələrin kəskin iyi və dadı hiss olunmamalıdır. Qara və qırmızı istiot əlavəli mayonezlər istiot iyi və dadı verirlər. Mayonezin rəngi çeşidindən asılı olaraq açıq-kremvaridən sarımtıl-kremvari rəngə qədər bircinsli olmalıdır. Konsistensiyası isə çeşidindən asılı olaraq duru, qatı, pastavari ola bilər.
Qablaşdırılması, saxlanılması və daşınması mayonezin keyfiyyətinə təsir göstərən əsas amillərdəndir. Qablaşdırılması sanitariya və standartların və ya texniki şərtlərin tələblərinə uyğun olmalı, daşınma və saxlama zamanı məhsulun təhlükəsizliyi təmin olunmalıdır. 0C-dən aşağı olmayan temperaturda məhsul daşınarkən üzəri təmiz brezentlə örtülmüş üstü açıq avtomobillərdən istifadəyə icazə verilir.
Mayonez quru, şəffaf, şüşə bankalara qablaşdırılır. Bu bankaların tutumu əsasən 100-250 qr. arasında dəyişir. Şüşə bankaların üstü normativ-texniki sənəd əsasında dəmir və ya alüminiumdan hazırlanmış metal qapaqlarla bağlanır. Məhsulun istehsal tarixi (gün, ay) isə şüşəli qaba doldurulan zaman qapağına, polimer qaba doldurulan zaman isə üzərinə vurulur. Qablaşdırılarkən bəzən polimer materialdan hazırlanmış stəkan və paketlərdən istifadə edilir.
Mayonez qablaşdırılan taralar müvafiq qaydada markalanır. Markalanmasında istehsalçının adı və ünvanı, məhsulun çeşidi (adı), istehsal tarixi, xalis çəkisi, saxlanma müddəti, istifadə olunan xammal haqqında məlumat, kaloriliyi, tərkibi və qidalılıq dəyəri, standartın nömrəsi və s. qeyd olunur.
Mayonezlər soyuducularda 0 C, 18 ?C temperaturda saxlanmalıdır. Ən optimal temperatur isə 5 C hesab olunur. Havanın nisbi rütubəti 75%-dən çox olmamalıdır. Mayonezin saxlanılma müddətini uzatmaq və davamlılığını artırmaq məqsədilə ona ferment preparatları əlavə edilir. Belə mayonezin saxlanılma müddəti 6 aydır. Xüsusi stabilləşdiricilər və konservant əlavəli mayonezləri 1 ilə qədər saxlamaq olar. Onların açıq günəş altında saxlanılması yolverilməzdir.
Təqdim etdi:
İlkin AĞAYEV




 
Bölməyə aid digər xəbərlər
21.02.2019
Azərbaycan əhalisinin banklardakı pulu 8 milyard manatı ötüb
20.02.2019
Özünüməşğulluq proqramına cəlb edilənlərin “Məşğulluq” altsistemində ayrıca kabineti olacaq
19.02.2019
İş vaxtı ərzində işçi digər peşə üzrə əmək funksiyasını da icra edərsə, onun əmək haqqına əlavə ödənilməlidir
19.02.2019
Beyləqanın Əhmədli və Gödəklər kəndlərində modul tipli məktəb binaları istifadəyə verilib
19.02.2019
Əmək və əhalinin sosial müdafiəsi nazirinin yeni müavini təyin olunub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info