“Azərbaycanda bütün dinlərin nümayəndələri qarşılıqlı hörmət şəraitində yaşayır”
Tarix: 31.03.2017 | Saat: 15:07:00 | E-mail | Çapa göndər


Fransanın “Bnai Brith France” (“Alyans övladları”) qədim yəhudi təşkilatında Fransa Yəhudi İnstitutları Təmsilçiliyi Şurasının (CRIF) icra bürosunun və Azərbaycanın Dostları Assosiasiyası inzibati şurasının üzvü, “Qubanın 12 daşı” romanının müəllifi Jan-Pyer Allali ilə görüş keçirilib.
Fransa Yəhudi İnstitutları Təmsilçiliyi Şurasının (CRİF) baş direktoru, “Bnai Brith France” təşkilatının Avropa üzrə sabiq direktoru Haim Muzikan iştirakçılara J.P.Allalinin Azərbaycana ilk səfərindən danışaraq ölkəmizi onun sayəsində yaxından tanıdığını bildirib. O, ölkəmizin coğrafiyası, demoqrafik vəziyyəti, əhalisi haqqında məlumat verib və J. P. Allalinin Azərbaycan ilə bağlı kitab yazdığını bildirib.
J.P.Allali 2012-ci ildə CRİF-in vitse-prezidenti qismində ölkəmizə ilk səfərindən danışıb, Bakının Qərb şəhərlərindən də modern bir şəhər olduğunu diqqətə çatdırıb.
1918-ci ildə müstəqilliyini elan edən Azərbaycanın müsəlman Şərqində qadınlara səsvermə hüququ verən ilk respublika olduğunu bildirib. Ölkəmizin Fransadan daha dünyəvi dövlət olduğunu vurğulayan J.P.Allali burada bütün dinlərin nümayəndələrinin qarşılıqlı hörmət şəraitində yaşadığını deyib.
Azərbaycan ilə İsrail arasındakı münasibətlərə toxunan J.P.Allali ölkəsinin enerji ehtiyaclarının 40 faizinin respublikamız tərəfindən təmin edildiyini bildirib. Bakıda İsrail səfirliyi, yəhudi sinaqoqları sərbəst şəkildə fəaliyyət göstərdiyini diqqətə çatdıran Allali Qubadakı dağ yəhudilərinin kompakt yaşadığı Qırmızı Qəsəbə, yəhudi gənclər və qadınlar təşkilatları haqqında da məlumat verib.
O, ətrafındakı insanlara ölkəmizi daha yaxından tanıtmaq məqsədilə roman yazmaq qərarına gəldiyini deyib. CRIF-in icra bürosunun üzvü Bakı şəhərində, eləcə də Quba və Oğuz rayonlarında yaşayan yəhudi icmasının gündəlik həyatını əks etdirən “Şalom, Baku“ sənədli filmi haqqında da danışıb.
Sonra iştirakçıların ölkəmizlə bağlı sualları cavablandırılıb.
Fransa Aşağı-Ren departamentinin vitse-prezidenti Filip Meyer maraqlı sualla müraciət edib. O soruşub : “Azərbaycana qonşu olan Ermənistanda demək olar ki, yəhudi qalmayıb. Necə olur ki, xristian ölkəsi olan Ermənistanda yəhudilər ölkəni tərk edib, amma müsəlman ölkəsi olan Azərbaycanda yəhudilər hələ də yaşayır?”.
J.P.Allali bunun Azərbaycanda hökm sürən tolerantlıq mühiti ilə bağlı olduğunu bildirib.
Daha sonra natiq Ermənistan-Azərbaycan, Dağlıq Qarabağ münaqişəsi haqqında məlumat verib. Bildirib ki, çar Rusiyası tərəfindən Dağlıq Qarabağda məskunlaşdırılan ermənilər sonradan Azərbaycanın bu bölgəsini və onun ətrafındakı yeddi rayonu işğal ediblər. Azərbaycan ilə Ermənistan arasında müqayisə aparan J.P.Allali diqqətə çatdırıb ki, ölkəmizdən fərqli olaraq, işğalçı Ermənistanın vəziyyəti çox acınacaqlıdır, küçələr evsizlər və dilənçilərlə doludur. Qeyd olunub ki, həyat şəraitinin ağır olması səbəbindən hər il minlərlə sakin Ermənistanı tərk edir.
Haim Muzikan ölkəmizə təşkil olunan turist səfərləri barədə məlumat verərək iştirakçıları Azərbaycana dəvət edib.
Sonda J.P.Allali Bakıda, Qubada və Oğuzda yaşayan yəhudi icmaları haqqında yazdığı “Qubanın 12 daşı” romanını avtoqrafı ilə iştirakçılara hədiyyə edib.
Tural




 
Bölməyə aid digər xəbərlər
19.03.2019
Azərbaycan beynəlxalq statuslu turist bələdçiləri hazırlayacaq
18.03.2019
“Bakcell” gənc developerlər üçün məzun gecəsi keçirib
18.03.2019
“Sağlamlıq-2018” Respublika Spartakiadasının qalibləri mükafatlandırılıb
18.03.2019
Novruz bayramı türkdilli xalqlarda etno-mədəni hadisədir
18.03.2019
Bakı şəhəri ilə Dərbənd və Maqas şəhərləri arasında Memorandum imzalanıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info