BANM-in müəllimi: “Ali məktəbin məzunları hazır kadrlardır”
Tarix: 05.04.2017 | Saat: 16:19:00 | E-mail | Çapa göndər


Bakı Ali Neft Məktəbinin (BANM) İctimaiyyətlə əlaqələr şöbəsi yeni bir layihəsinə başlayır. Bu layihə “Mən BANM-in müəllimiyəm” adlanır. Beləliklə, suallarımızı BANM-in Neft-qaz mühəndisliyi kafedrasının müəllimi Samin Məlik cavablandırır. 
 
- Ənənəvi olaraq ilk sualımız: Siz niyə məhz müəllim peşəsini seçmisiniz?
- Tələbələrlə işləmək və öyrətmək istəyi, həmçinin sosial bir insan olmağım məni müəllimlik peşəsini seçməyə vadar etdi. Düşünürəm ki, bu peşə mənim üçün çox maraqlıdır və mən bu peşə ilə darıxmıram.
- Bir az özünüz haqda danışın.
- Mən Gəncə şəhərində ziyalı ailəsində anadan olmuşam. Riyaziyyat ixtisası üzrə Bakı Dövlət Universitetinin və Mançester Universitetinin (Birləşmiş Krallıq) uyğun olaraq bakalavr və magistratura pillələrini bitirmişəm. Hazırda AMEA-nın Riyaziyyat və Mexanika İnstitutunda dissertantam.
- Hər bir tələbənin sevimli müəllimi olur. Tələbəlik dövrünüzdəki sevimli müəlliminiz haqqında danışın.
- Bir neçə sevimli müəllimim olub. Mənə görə onların ortaq xüsusiyyətlərindən bəziləri; tələbələrlə səmimi münasibət qurmaqları, dərsi maraqlı keçmələri, yüksək insani keyfiyyətləri olub.
- Tələbələrinizdən danışın. Onların gələcəklərini necə görürsünüz?
- Tələbələrimin arasında da vaxtlarını özlərini inkişaf üçün səmərəli istifadə edənləri üstünlük təşkil edir və onlarla ünsiyyət qurmaq mənim peşəmi daha da maraqlı edir. Çox vaxt tələbələrin dərsləri ilə və dərsdən kənar fəaliyyətləri ilə maraqlanıram və yeni maraqlı məlumatlar öyrənirəm. Mən həmişə öz üzərində işləyən və özünü inkişaf etdirməyi bacaran insanların gələcəklərini çox parlaq görürəm.
- Bakı Ali Neft Məktəbini 10 il sonra necə təsəvvür edirsiniz?
- Ali Məktəbimiz günbəgün inkişaf edir və öz əhatəsini genişləndirir. 10 ildən sonra daha geniş və indiki kimi peşəkar kollektiv ilə, yeni açılmış prioritet ixtisaslarla və dövlətimiz üçün əsl kadr yetişdirən bir ali təhsil müəssisəsi kimi görürəm.
 - Boş vaxtlarınızda nə ilə məşğul olursunuz?
- Boş vaxtlarımı əsasən ailəmlə və dostlarımla keçirirəm. Həvəskar olaraq yüngül idman növləri ilə məşğul oluram.
- Bakı Ali Neft Məktəbinin ilk məzunlarına nə arzu edərdiniz?
- Bakı Ali Neft Məktəbinin məzunları artıq yetişmiş hazır kadrlardır. Onlara gözəl karyera və şəxsi həyat arzu edirəm. Öz doğma universitetlərini daima xatirələrində yaşatsınlar.
 
Nigar




 
Bölməyə aid digər xəbərlər
15.01.2019
Ukraynada oxucuların rəğbətini qazanan azərbaycanlı yazıçı
15.01.2019
Azərbaycan Sənaye Korporasiyasının fəaliyyətinin əsas məqsədi istehsal potensialının gücləndirilməsinə nail olmaqdır
15.01.2019
İran regionda təhlükəsizlik və sabitliyin daha da artması üçün Dağlıq Qarabağ münaqişəsinin həllinə töhfə verməyə hazırdır
14.01.2019
“Azərbaycan Ermənistanı regionda təcrid vəziyyətə salıb”
12.01.2019
Avropa parlamentləri Ermənistanın “konyak diplomatiyası“nda adı keçən siyasətçilərin fəaliyyətlərini ifşa edən araşdırmalar aparmalıdırlar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Nikola Sarkozi: “Bakıda böyük quruculuq işlərinin şahidi oldum”
4 Mehman Hüseynov Prezident İlham Əliyevə müraciət ünvanlayıb
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info