Media nümayəndələri üçün press-tur təşkil olunub
Tarix: 05.04.2017 | Saat: 20:39:00 | E-mail | Çapa göndər


Aprelin 5-də Formula-1 Azərbaycan Qran-prisinə hazırlıq işləri ilə tanışlıq məqsədilə “Bakı Şəhər Halqası” Əməliyyat Şirkəti (BŞH) tərəfindən media nümayəndələri üçün press-tur təşkil olunub.
AZƏRTAC xəbər verir ki, media nümayəndələri əvvəlcə Formula-1 trekinin keçdiyi Niyazi küçəsinə gəliblər.
BŞH-nin yarış obyektinin tikintisi üzrə rəhbəri Tom Butçer jurnalistlərə bildirib ki, ötən il olduğu kimi, bu il də qəmbər daşları ilə örtülü bu yol asfaltlanacaq. Asfaltlanma işləri təxminən beş gün ərzində aparılacaq. Burada hərəkətin intensivliyi nəzərə alınaraq işlər əsasən həftə sonları, gecə və gündüz görüləcək. Bu işlər mayın sonunadək yekunlaşdırılacaq.
Daha sonra media nümayəndələri trekin ən çox çətinliyə malik Qoşa Qala qapıları hissəsi ilə tanış olublar. Tom Butçer bildirib ki, bu hissədə təhlükəsizlik tədbirləri daha da artırılacaq. Bu il bolidlərin əvvəlki yarışlardakına nisbətən daha böyük və sürətli olmasına baxmayaraq, pilotların təcrübəsi bu hissəni uğurla keçməyə imkan yaradacaq.
Media nümayəndələri Hökumət evinin qarşısında yerləşən Paddok ərazisi ilə də tanış olublar. Tom Butçer burada görülən işlər barədə ətraflı məlumat verib. Qeyd olunub ki, burada yarışa nəzarət qülləsi, komandaların qarajları və pit binasının tikintisi aparılır. “Çalışırıq ki, inşaat işlərini iyunun 1-dək yekunlaşdıraq. Beynəlxalq Avtomobil Federasiyasının (FIA) rəsmiləri və Formula-1 komandaları gələnə qədər işlər tam yüksək səviyyədə görülməlidir. Burada inşaat işləri dörd yerli şirkət tərəfindən həyata keçirilir. Bu il trekin quruluşunda heç bir dəyişiklik olmayacaq. FIA-nın tövsiyəsinə əsasən, beş döngədə əlavə baryerlər quraşdırmağa çalışacağıq. Eyni zamanda, bəzi döngələrdə poladdan əlavə lövhələr yerləşdiriləcək. Bu işlər təhlükəsizlik məqsədilə icra olunacaq. Bakı şəhər halqasının keçdiyi küçələrdə təhlükəsizlik baryerlərinin və eyni zamanda, tribunaların quraşdırılması işləri də aparılır. Bu işlər də yerli şirkət tərəfindən həyata keçirilir”.
“Bakı Şəhər Halqası” Əməliyyat Şirkətinin marketinq və kommunikasiya departamentinin rəhbəri Nigar Arpadarai bildirib ki, bu il Formula-1 Azərbaycan Qran-prisinin təşkilatçılığı üçün cəlb edilən şirkətlərin 80 faizi yerli, qalanları isə xarici şirkətlərdir. Bu meyili qoruyub saxlamağa çalışırıq. Ümid edirik ki, gələcək illərdə bütün bu işləri yerli şirkətlər görəcək.
Formula-1 Azərbaycan Qran-prisi iyunun 23-25-də keçiriləcək.
 
Mahmud




 
Bölməyə aid digər xəbərlər
22.11.2019
Görün bizə şirniyyat adı ilə nə satırlar...
22.11.2019
Şəhid ailələrinə mənzil sığortası hədiyyə edilib
22.11.2019
Ədliyyə işçiləri və onların ailə üzvləri üçün xüsusi sığorta təklifi!
22.11.2019
Evdar qadınların əməyi qiymətləndirilməlidir
22.11.2019
Azərbaycanda bələdiyyə seçkilərində namizədlərin qeydə alınması prosesi bu gün başa çatır

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10951

1 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib
2 Milli Qəhrəman ailələrinin ödənişsiz müayinə və müalicəsi kampaniyasına başlanılıb
3 Prezident İlham Əliyev Pirşağı dəmir yolu stansiyasının açılışında iştirak edib
4 Azərbaycan terrorçuluq səviyyəsinin az olduğu ölkələr sırasında yer alıb
5 Nazirlər Kabinetinin mətbuat xidmətinə yeni rəhbər təyin olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info