Almaniya kiber ordu yaratdı
Tarix: 06.04.2017 | Saat: 00:34:00 | E-mail | Çapa göndər


Yeni ordu seçkiyə kənar müdaxiləni əngəlləməli, lazım olan anda kompleks və peşəkar kiberhücumlar təşkil etməlidir

Almaniya da kiber məkanda mübarizəyə qoşulur. Belə ki, dünən Bonnda Almaniyanın kiberordu mərkəzi açılıb. Açılışa ölkənin müdafiə naziri Ursula fon der Lyayen də qatılıb. Beləliklə , bundan sonra Almaniya kiberordusu ölkənin quru qoşunları ilə yanaşı, hərbi hava və dəniz qüvvələrinə də kiber məkanda yardım edəcək.
Köhnə paytaxt olan Bonnun adı son dövrlər siyasi xəbərlərdən daha çox kriminal xronikalarda hallanır. Lakin federal əhəmiyyətli şəhər sayılan Bonn yeni status qazanır. Almaniyanın kiber ordusu Bonnda məskunlaşacaq. Yeni kompleks Bonnda olan və ölkənin Müdafiə Nazirliyinə məxsus Harthoe sahəsində yerləşir. Hər şeydən əvvələ qeyd edək ki. Almaniyada bu günə qədər kiber məkanda təhlükəsizliyin təmin edilməsi sahəsində əsas məsuliyyət ölkənin Daxili İşlər Nazirliyində idi. Amma bundan sonra həmin sahə ilə xüsusi ordu məşğul olacaq.

İyul ayından etibarən bundesverin tərkibində olan strateji kəşfiyyat, operativ kommunikasiya mərkəzləri kiber ordunun nəzarətinə veriləcək

Kiberorduya rəhbərliyi general Lyudviq Laynxos edəcək. Bonn qərargahında fəaliyyət göstərəcək əməkdaşların ümumi sayı hələ ki, 260 nəfərdən çox olmasa da, bu ilin iyulundan etibarən əməkdaşların sayı 13,5 mindən artıq olacaq. Almaniya mətbuatı yazır ki, yeni ordu Bundestaqa keçiriləcək seçki kampaniyasını kənar müdaxilədən qorumalıdır. Məlum olduğu kimi, Qərb ölkələrində keçirilən seçkilərə Rusiyanın müdaxiləsi barədə çox danışılır. ABŞ-da keçirilən son seçkilərdən sonra Qərb ölkələri təlaşa düşərək hər şeydə “rus izi” axtarır. Ursula von der Lyayenin başçılıq etdiyi yeni ordu seçkiyə kənar müdaxiləni əngəlləməlidir. Almaniyanın bu addımı amerikalılara cavab kimi də dəyərləndirilir. Xatırlatmaq yerinə düşər ki, ki, ABŞ Senatının kəşfiyyat komitəsinin son iclasında bildirilib ki, Almaniyada keçiriləcək seçkilərə kənar müdaxilə təhlükəsi var. Almaniya Müdafiə Nazirliyi bildirib ki, yeni ordunun qarşısında lazım olan anda kompleks və peşəkar kiberhücumlar təşkil etmək vəzifəsi də qoyulub. İyul ayından etibarən bundesverin tərkibində olan strateji kəşfiyyat, operativ kommunikasiya mərkəzləri kiber ordunun nəzarətinə veriləcək.
Ağasəf Babayev




 
Bölməyə aid digər xəbərlər
26.06.2019
Ərdoğan səlahiyyətlərini təhvil verdi
26.06.2019
ABŞ-da Demokrat Partiyasından prezidentliyə namizəd olan siyasətçilərin ilk teledebatları keçiriləcək
26.06.2019
Böyük Britaniya F35 döyüş təyyarələrini ilk dəfə sınaqdan keçirib
26.06.2019
Silahlılar Suriyada 12 yaşayış məntəqəsini atəşə tutublar
26.06.2019
Venesuelalıların Avropa ölkələrinə sığınacaq müraciətləri artdı

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Prezidentin Sərəncamı: 160 minə yaxın müəllimin orta aylıq maaşı 605 manat oldu
3 Əli Nağıyev DTX rəisi təyin edildi
4 Heydər Əliyev və bələdiyyələr
5 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info