İstanbulda XX Avrasiya İqtisadi Zirvə toplantısı başa çatıb
Tarix: 07.04.2017 | Saat: 00:54:00 | E-mail | Çapa göndər


Mərmərə Qrupu Strateji və Sosial Araşdırmalar Vəqfinin təşkilatçılığı ilə İstanbulda keçirilən XX Avrasiya İqtisadi Zirvə toplantısı aprelin 6-da başa çatıb. Zirvə toplantısında Azərbaycan geniş tərkibli nümayəndə heyəti ilə təmsil olunub.
Toplantı ikinci iş gününü “İslamla həmrəylik ruhu çərçivəsində təcavüzə və terrora qarşı dinlərin təsiri” və “İnsanlıq bir yol ayrıcında” mövzularında panellərlə davam etdirib. Mərmərə Qrupu Strateji və Sosial Araşdırmalar Vəqfinin sədri Akkan Suverin moderatorluğu ilə keçirilən birinci paneldə Dini Qurumlarla İş üzrə Dövlət Komitəsinin sədri Mübariz Qurbanlı, Qafqaz Müsəlmanları İdarəsi sədrinin müavini Hacı Salman Musayev, İstanbuldakı Fənər Rum Patriarxı birinci Varfolomey, İstanbul Küçükkuyu bələdiyyəsinin sədri Çingiz Balkan və başqaları çıxış ediblər. Azərbaycanda həyata keçirilən dini siyasətin bütün istiqamətlərinin ədalət prinsipləri üzərində kökləndiyini diqqətə çatdıran Mübariz Qurbanlı son illər ayrı-ayrı ölkələrdə artan münaqişələrin və terror aktlarının acı nəticələrinə toxunub. O, təəssüflə qeyd edib ki, silahlı qarşıdurmalardan və insanlıq əleyhinə törədilən digər cinayətlərdən daha çox zərər çəkən İslam ölkələri və müsəlman xalqlarıdır. Erməni terrorizmindən ağır zərbələr alan Azərbaycan terrorizmin bütün formalarını kəskin şəkildə pisləyir və onunla mübarizədə qətiyyətli addımlar atılmasının tərəfdarıdır. Ölkəmizdə təşkil olunan beynəlxalq forum və konfranslarda dünya birliyinə edilən çağırışların təsir imkanlarından danışan komitə sədri vurğulayıb ki, bütün bu proseslərin nəticəsi olaraq son illər Azərbaycan dünyanın fikir və düşüncə mərkəzinə çevrilib. Prezident İlham Əliyevin 2017-ci ili Azərbaycanda “İslam Həmrəyliyi İli” elan etməsinin əhəmiyyətindən bəhs edən Mübariz Qurbanlı ölkəmizdə bütün dinləri təmsil edən insanların azad və rahat şəkildə ibadət etmələrinə, birgə yaşamasına və bərabərhüquqlu fəaliyyətinə göstərilən dövlət qayğısı barədə də danışıb. Hacı Salman Musayev Azərbaycandakı dini bərabərlik, dinlər arasındakı mövcud nümunəvi münasibət, Prezident İlham Əliyevin rəhbərliyi ilə həyata keçirilən dostluq və qardaşlıq siyasətinin real nəticələrindən bəhs edib. O, İslam dini adı altında törədilən qeyri-insani hərəkətlərin yolverilməz olduğunu diqqətə çatdıraraq bildirib ki, bu hallardan istifadə edərək müsəlman aləminə qarşı qarayaxmaların, böhtan və şər xarakterli təhlükəli təbliğat kampaniyalarının qarşısı alınmalıdır. Bu proses dinlər və təriqətlər arasında düşmənçilik yaratmağa xidmət edən insanlığa qarşı davranışdır. O deyib ki, təcavüzkar Ermənistan Azərbaycan torpaqlarının 20 faizini işğal altında saxlayır. Erməni terrorçuları uzun zaman kəsiyində xalqımıza qarşı ağır cinayətlər törədib. Buna baxmayaraq Azərbaycan bu bəşəri cinayətləri heç bir dinlə əlaqələndirmir. Hər iki çıxışda diqqətə çatdırılıb ki, 2017-ci ilin Azərbaycanda “İslam Həmrəyliyi İli” elan edilməsi zamanın tələbidir. Azərbaycan Prezidentinin məhz zamanında qəbul etdiyi bu qərar sülhsevər dünya ictimaiyyəti, eləcə də müsəlman aləmi tərəfindən rəğbətlə qarşılandı. “İnsanlıq bir yol ayrıcında” mövzusunda keçirilmiş paneldə Makedoniya Prezidenti Georgi İvanov, Albaniya Prezidenti Buyar Nişani, Bosniya və Herseqovinanın Rəyasət Heyətinin Sədri Mladen İvaniç, Şimali Kiprin başçısı Mustafa Akıncı, Türkiyənin 9-cu Prezidenti Abdullah Gül, Xorvatiyanın keçmiş Prezidenti İvo Josipoviç, Latviyanın sabiq Prezidenti Valdis Zatlers və digərləri çıxış ediblər. Çıxışlarda vurğulanıb ki, dünyada sülhə, əmin-amanlığa, inkişafa və tərəqqiyə nail olmaq üçün mövcud münaqişələrə son qoyulmalı, terror aktlarının qarşısı alınmalı, qaçqın və məcburi köçkünlərin öz yurdlarına dönməsi üçün münbit şərait yaradılmalıdır. Bunun üçün mövcud problemlərə, münaqişə və qarşıdurmalara səbəb olan məsələlər dialoqlar, danışıqlar və müzakirələr əsasında həll edilməlidir. Problemlərə beynəlxalq hüququn normalarından və gerçəkliklərdən kənar prizmadan yanaşmaq daha ciddi problemlərin ortaya çıxmasına gətirib çıxarır. Belə davam edərsə, bu məqam sülh və sabitliyin əngəllənməsinə təsir edən amil kimi bundan sonra da öz təhlükəsini saxlayacaq.
Cavidan




 
Bölməyə aid digər xəbərlər
15.11.2018
“Ekspro” şirkəti Azərbaycanın neft-qaz sahəsində mövqeyini gücləndirir
15.11.2018
Azərbaycan ən çox İtaliyaya satır, Rusiyadan alır
14.11.2018
Büdcə haqqında qanun layihəsi birinci oxunuşda təsdiq edilib
14.11.2018
ABŞ nəşri: “Bakı Limanı İpək Yolunda ticarət üçün əhəmiyyətli bir dəhlizdir”
14.11.2018
Türk Hava Yolları: Yüklənmə səviyyəsi oktyabr ayında 83,4%-ə çatıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info