Şəhid Sarvan Mehralıyevin xatirəsinə həsr olunmuş futbol turniri keçirilib
Tarix: 07.04.2017 | Saat: 20:57:00 | E-mail | Çapa göndər


Aprelin 7-də Pirallahı rayon məktəbliləri arasında “Şəhidlər ölməz, Vətən bölünməz” devizi altında mini futbol turniri keçirildi. Aprel döyüşlərinin ilk şəhidi, torpaqlarımızın bütövlüyü uğrunda ən müqəddəs zirvəyə - şəhidlik zirvəsinə ucalan 186 nömrəli tam orta məktəbin 2014-cü il məzunu Sarvan Mehralıyevin xatirəsinə həsr olunan yarışda rayonun 186, 168, 243, 231 və 235 nömrəli tam orta məktəblərinin komandaları iştirak etdilər.
Pirallahı rayonundakı 186 №-li məktəbin həyətində qurulmuş süni örtüklü idman meydançasında keçirilən yarışların nəticələrinə görə final mərhələsinə 243 və 186 nömrəli məktəblərin komandaları çıxdılar.  Gərgin mübarizə şəraitində keçən görüşdə 186 nömrəli tam orta məktəbin komandası qalib gəldi. Qalib komandalar kubok və fəxri fərmanla təltif olundu.
Tədbirdə çıxış edən RİH başçısı Aparatının İctimai-siyasi və humanitar məsələlər şöbəsinin müdiri Hikmət Şikarov bildirdi ki, bu gün ölkəmiz müharibə şəraitində olmasına və torpaqlarının 20 faizinin işğala məruz qalmasına baxmayaraq Prezident İlham Əliyevin rəhbərliyi altında regionun ən qüdrətli dövlətinə çevrilmişdir. Bu özünü həyatımızın hər bir sahəsində, o cümlədən ordu quruculuğunda bariz şəkildə göstərir. İndi Azərbaycan Respublikası ilə Ermənistan arasında hər sahədə olduğu kimi ordu quruculuğunda da dərin, müqayisə olunmayacaq fərq var. Bu özünü 4 günlük aprel döyüşlərində də göstərdi. Belə ki, 2016-cı il aprelin 1-dən 2-ə keçən gecə növbəti erməni hərbi təxribatına cavab olaraq, Azərbaycan ordusu əks-hücum əməliyyatı keçirərək minlərlə hektar torpağı işğaldan azad etmiş və on minlərlə hektar torpağa nəzarəti ələ almışdır. Dördgünlük müharibə zamanı, Azərbaycan Silahlı Qüvvələrinin birləşmələri Goranboy rayonuna və Naftalan şəhərinə təhlükə yarada biləcək Talış kəndi ətrafındakı yüksəklikləri, eləcə də Seysulan məntəqəsini azad edib, Füzuli rayonu istiqamətində yerləşən "Lələ təpə" adlandırılan yüksəkliyə nəzarəti ələ keçiriblər. Bir sözlə, aprel döyüşləri Azərbaycan ordusunun gücünün bir daha təsdiqi idi. Aprel ayının 1-dən 2-nə keçən gecə cəbhənin Füzuli istiqamətində erməni hərbi birləşmələrinin təxribatının qarşısını alarkən Sarvan və qardaşı Namiq Mehralıyevlər qaynar döyüş gedən ön mövqedə döyüşüblər. Düşmənin təhlükəli atəş nöqtəsini susduran, bir neçə hərbi texnikasını və canlı qüvvəsini məhv edən Sarvan Lələtəpəyə ilk olaraq çatmış və burada qəhrəmancasına şəhid olmuşdur. Sarvan Mehralıyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "İgidliyə görə" medalı ilə təltif edilmişdir.
H. Şikarov həmçinin qeyd etdi ki, ölkəmizin başçısının diqqət və qayğısı nəticəsində Azərbaycanın hər yerində müasir idman kompleksləri tikilib istifadəyə verilir, mövcud idman obyektləri günün tələblərinə uyğun yenidən qurulur, maddi-texniki baza möhkəmləndirilir. O qeyd etdi ki, Pirallahı rayonunda da  idmanın inkişafı daim diqqət mərkəzindədir. Yarışlarda uğurla çıxış edən rayon idmançıları ötən il ölkədaxili birinciliklərdə 20 qızıl, 20 gümüş və 25 bürünc medal qazanmışlar. Beynəlxalq yarışlarda idmançılarımız 5 qızıl, 2 gümüş və 1 bürünc medal qazanmışlar. Bu idman yarışının da xüsusi önəm daşıdığını qeyd edən H.Şikarov bidlirdi ki, rayonumuzda həmçinin gənclərin hərbi vətənpərvərlik ruhunda böyüməsi də daim diqqət mərkəzindədir və bu istiqamətdə mütəmadi olaraq işlər görülməkdədir. Şöbə müdiri turnirin qaliblərini təbrik etdi və onlara uğurlar arzuladı.

Fuad




 
Bölməyə aid digər xəbərlər
26.03.2019
Avro-2020 seçmə mərhələsində növbəti oyunlar keçirilib
25.03.2019
“Real“ Mbappeyə görə 280 milyon avro verməyə hazırdır
25.03.2019
Azərbaycan-Litva oyununda qalib müəyyənləşməyib
25.03.2019
“Sumqayıt” futbol akademiyası seçim mərhələsinin ikinci turuna başlayıb
25.03.2019
Xorvatiya bu dəfə məğlub oldu

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Paşinyan reytinqini küçə süpürməklə qaldırmaq istəyir?
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info