Bakı-2017“: “Xəzərdən başlayan səyahət“ Astaraya yetişib
Tarix: 10.04.2017 | Saat: 16:40:00 | E-mail | Çapa göndər


Xəzər dənizindən start götürən Bakı-2017 ümumxalq səyahət turu ötən gün Astaraya yetişib.
IV İslam Həmrəyliyi Oyunlarının Əməliyyat Komitəsindən verilən məlumata görə, Azərbaycanın 15 bölgəsində baş tutacaq bu tur xalqımıza idman bayramı əhvali-ruhiyyəsini bəxş etməklə bərabər, həmrəylik və sevinc hissini də nəsib edəcək.
Bu əlamətdar günlə əlaqədar dünən səhər ilk olaraq Astara rayonunun Ərçivan kəndində yerləşən məşhur Yanar bulaq ətrafında tədbir keçirilib. Yanar bulaq iki elementi – od və suyu özündə gözəl surətdə birləşdirir. Bulaqdan qaynayan qeyri-adi suyun tərkibində yüksək həcmdə metan var. Bu səbəbdən odu ona yaxınlaşdırdıqda suyun üzərində alov rəqs etməyə başlayır. Yerli sakinlər söyləyirlər ki, suyun müalicəvi keyfiyyətləri var və buna görə uzaq yerlərdən insanlar bu suyu içməyə gəlirlər.
Su mərasimi, şahmat və riyazi biliklər həvəskarı Mirrahil Ağayev, sərbəst güləş üzrə dünya çempionatının bürünc medal mükafatçısı Əliabbas Rzazadə və sərbəst güləş üzrə Azərbaycanın əməkdar idman ustası Məhərrəm Ağayev tərəfindən bulaqdan səhəngə su doldurulması ilə nümayiş etdirilib. Sonra su səhəngi axşam keçirilən Su festivalında təqdim edilib.
Qeyd edək ki, Bakıdan səyahətə başlayan səhəng mayın 12-də Bakı Olimpiya Stadionunda baş tutacaq açılış mərasiminin bir hissəsi olacaq.
Daha sonra günorta saatlarında “Domestic Grassroots” proqramı çərçivəsində Astara Olimpiya İdman Kompleksində möhtəşəm bir layihə – “Sport joys - Regional idman tədbiri” keçirilib. Bakı-2017 IV İslam Həmrəyliyi Oyunlarının tanıtımı və gənclərin idmana cəlb olunması məqsədilə məktəblilər arasında təşkil olunan müsabiqə iştirakçılara əyləncəli və rəngarəng anlar yaşadıb.
Mərasim axşam saatlarında Bulvar Parkında keçirilən Su festivalı tədbiri ilə davam edib. Tədbirə sərbəst giriş imkanı olan region sakinləri "Mirvari" rəqs qrupu, "Əvəso" Folklor Xalq kollektivi və Rövşən Cabbarovun ifasından, möhtəşəm su effekti və atəşfəşanlıqdan zövq alıblar.
Möhtəşəm Su tədbirlərinin idman bayramına xüsusi rəng qatdığından bəhs edən sərbəst güləş üzrə dünya çempionatının bürünc medal mükafatçısı Əliabbas Rzazadə deyib: “İdman haqqında dərin biliyə sahib olan və eləcə də, belə güclü komandaya malik olan ölkəni təmsil etmək möhtəşəmdir. Bilirəm ki, açılış mərasimində ab-hava heyranedici olacaq. Oyunlara gəlib idmançılarımıza dəstək olun”.
Azərbaycan ərazisini əhatə edən və "Xəzərdən başlayan səyahət"in növbəti dayanacağı aprelin 11-də Şirvan rayonu olacaq. Xəzər dənizindən başlayan, 37 gün ərzində 3000 km-dən artıq məsafəni qət edəcək səyahət 15 bölgəni əhatə edəcək.
Qeyd edək ki, Bakı-2017 IV İslam Həmrəyliyi Oyunları 12-22 may tarixlərində Azərbaycanda keçiriləcək İslam dünyasını birləşdirən maraqlı, multi-idman tədbiridir. Müsəlman ölkələrindən gələn idmançılar yarışın 10 günü ərzində öz ölkələrini 20 müxtəlif idman növü üzrə 23 kateqoriyada (atletika və para atletika, su idmanı növləri - suya tullanma, su idmanı növləri - üzgüçülük, su idmanı növləri - su polosu, 3x3 basketbol, futbol, idman gimnastikası, bədii gimnastika, uşu, stolüstü tennis, həndbol, cüdo və görmə qabiliyyəti olmayanlar üçün cüdo, yunan-Roma güləşi, sərbəst güləş, atıcılıq, tennis, voleybol, boks, zorxana, karate, taekvondo, ağır atletika) Bakıda yerləşən 16 müasir yarış meydanlarında təmsil edəcəklər.
Xatırladaq ki, Azərbaycanın paytaxtı Bakı şəhəri 2013-cü ilin iyulunda Ciddədə İslam Həmrəyliyi İdman Federasiyasının (ISSF) Baş Assambleyasında Oyunların ev sahibliyinə layiq görülüb.
 
Tural




 
Bölməyə aid digər xəbərlər
19.01.2019
20 Yanvar əlilləri və şəhid ailələrinə birdəfəlik maddi yardmlar verilib
17.01.2019
Dövlət Sosial Müdafiə Fondu tərəfindən ötən il 6148 sanator-kurort göndərişi verilib
17.01.2019
Bu il daha 6400-dən çox şəhid hərbi qulluqçunun vərəsələri birdəfəlik ödəmə ilə təmin ediləcək
16.01.2019
“Bizim həyət” layihəsi paytaxtın Sabunçu rayonunda icra olunur
16.01.2019
Yanvar ayı üzrə pensiyaların maliyyələşdirilməsinə başlandı

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info