Suriyaya hava zərbəsi: böyük siyasi oyun, yoxsa...
Tarix: 11.04.2017 | Saat: 00:45:00 | E-mail | Çapa göndər


ABŞ prezidentinin Çin lideri ilə görüşdən sonra Suriya aviabaszasına zərbə endirmək barədə qərar verməsi təsadüf kimi dəyərləndirilmir

Dünya ictimaiyyəti ABŞ prezidenti Donald Trampın Çin lideri Si Tsinpin ilə keçirdiyi görüşdən sonra Suriya aviabazasına hərbi zərbələr endirmək barədə verdiyi qərarı təsadüf kimi dəyərləndirmirlər. Bunu Çinə göndərilən siqnal kimi də dəyərləndirirlər. “Deutsche Welle” nəşrində dərc edilmiş bu məlumata münasibət bildirən Almaniyanın müdafiə naziri Ursula fon der Lyayen “ARD” telekanalına verdiyi açıqlamada nəşrlə eyni fikri bölüşüb.
Nazir xatırladıb ki, Çinlə sərhəd olan Şimali Koreya Suriya lideri Bəşər Əsədlə müqayisədə daha təhlükəlidir. Bundan əlavə, Pxenyan nüvə silahına da malikdir. Nazir hesab edir ki, Tramp Suriyanı hədəf seçməklə, Çinə aydın şəkildə göstərmək istəyir ki, Çin lideri Şimali Koreya liderinin qarşısını siyasi vasitələrlə alsın. Xatırladaq ki, ABŞ dövlət katibi Rex Tillerson Suriyaya endirilən hava zərbəsini Şimali Koreya kimi ölkələrə xəbərdarlıq kimi dəyərləndirib. Qeyd edək ki, Trampın bu vəziyyətdən Pekinə qarşı təzyiq vasitəsi kimi yararlanmağa çalışdığını da iddia edənlər var. Avrasiya Siyasi Araşdırmalar Mərkəzinin vitse-prezidenti Ralf Uinninin fikrincə, ABŞ bununla Pekinə mesaj göndərib. Amma Çində belə düşünmürlər. Yerli ekspertlərin əksəriyyəti hesab edir ki, Vaşinqton Pekini siyasi kursundan döndərə bilməz və Çin Moskva ilə münasibətlərinə yenə də böyük əhəmiyyət verəcək. Xatırladaq ki, ötən həftə Çin-ABŞ danışıqları zamanı ölkələr 100 gün ərzində hər hansı bir nəticəyə nail olmaq üçün ticarət danışıqlarını sürətləndirmək barədə razılığa gəliblər. Ekspertlər hesab edirlər ki, Çin ABŞ üçün iki sahədə güzəştə gedə bilər. Bu, maliyyə və mal əti ticarətidir. Çinli ekspert Mey Sinyuy bildirib ki, ölkəsi ağır iqtisadi durumda belə, başqa dövlətlərin ardınca getməyib: “Hazırda bizim iqtisadi göstəricilərimiz göz önündədir. Belə olan halda, biz niyə Amerika siyasətinin yedəyinə qoşulmalıyıq? Bizim münasibətlərimiz yalnız bərabər və qarşılıqlı faydalı əlaqələr üzrə inşa edilə bilər. Çinin öz maraqlarını ABŞ-a təslim etməsi inandırıcı deyil”. O belə bir əməkdaşlığa nümunə kimi, Çinin Rusiya ilə davam edən əməkdaşlığını göstərib. Digər siyasi ekspert, professor Çzya Lein də bildirib ki, Çin xarici siyasət kursunu Amerika əhvali-ruhiyyəsi üzərində kökləməyəcək.
Ağasəf Babayev




 
Bölməyə aid digər xəbərlər
18.06.2019
David Zalkaliani: Azərbaycan Gürcüstanın əsas strateji tərədaşıdır
18.06.2019
Türkiyə və Rusiya müdafiə nazirləri İdlibdəki vəziyyəti müzakirə ediblər
17.06.2019
İran xəbərdarlıq etdi
17.06.2019
Türkiyə Sərracın təklifinə dəstəyini bildirdi
17.06.2019
Tramp London meri Sadıq Xanı tənqid edib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 Ermənilərin təyyarəmizi vurmaq cəhdi uğursuzluqla nəticələnib - VİDEO
4 Bakı Atatürk Liseyində məzun günü münasibəti ilə tədbir keçirilib
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info