ABŞ mətbuatı: “Azərbaycan elə ölkədir ki, onun vətəndaşları bir-biri ilə həmrəylik şəraitində yaşayır”
Tarix: 12.04.2017 | Saat: 16:20:00 | E-mail | Çapa göndər


Amerikada çıxan “The Huffington Post” qəzetində “Salaam Şalom Bacıları İttifaqı” təşkilatının həmtəsisçisi və icraçı direktoru xanım Şeril Olitsklinin məqaləsi dərc edilib.
Bu il mart ayında yəhudi və müsəlman qadınlarından ibarət nümayəndə heyətinin Azərbaycana səfərindən bəhs edilən bu məqalənin müəllifi yazır ki, Şimali Amerikada fəaliyyət göstərən, müsəlman və yəhudi qadınlardan ibarət “Salaam Şalom Bacıları İttifaqı” İctimai Təşkilatının məqsədi konfessiyalararsı münasibətlər qurmaq və nifrət hissinin qarşısını almaqdır. Təşkilatın fəaliyyətinin əsas istiqamətlərindən biri hər iki dini qrup üçün maraq doğuran hər hansı regiona ildə bir dəfə səfər etməkdir. 2017-ci ildə bu təşkilatın səfərlər üzrə komitəsi növbəti səfər üçün Azərbaycanı seçib. Bu, ölkəmizdə mədəni və dini müxtəlifliyə unikal yanaşma ilə bağlıdır.
Müəllif ölkəmizi təsvir edərək yazır ki, Azərbaycan Birləşmiş Ştatları və İsraili regionda mühüm strateji tərəfdaşlar hesab edir. Böyük İpək Yolu üzərində yerləşən, Asiya ilə Avropa arasında əlaqələndirici həlqə olan Azərbaycan həmişə mədəni müxtəliflik mərkəzi olub. Ş.Olitski vurğulayır ki, müsəlman aləmində ilk demokratik respublika 1918-ci ildə Azərbaycanda qurulub.
Əhalisinin əksəriyyəti müsəlmanlar olan Azərbaycan 2500 ildən çoxdur ki, həm də bu ölkənin yəhudi icması üçün vətəndir. Azərbaycan dinc yanaşı yaşamanın ən yaxşı nümunələrindən biri kimi məşhurdur: bu ölkədə insanlar arasında onların dini etiqadına görə ayrı-seçkilik yoxdur. Yəhudilər müsəlmanlarla həmrəylik şəraitində yaşayır, məzhəblərindən asılı olmayaraq bütün müsəlmanlar birgə ibadət edirlər. Ş.Olitski yazır ki, “Salaam Şalom Bacıları İttifaqı” İctimai Təşkilatının üzvləri olan müsəlmanların və yəhudilərin dini icmaları tez-tez antiyəhudi və antimüsəlman xarakterli aksiyalara məruz qalırlar. Onlar bir ölkədə dini müxtəlifliyin mümkünlüyünü, həmin ölkənin vətəndaşlarının həmrəylik şəraitində yaşamasını öz gözlərilə görmək istəyirdilər.
Müəllif yazır ki, səfər müddətində nümayəndə heyətinin üzvləri ABŞ-ın Azərbaycandakı səfiri, “ADA” Universitetinin rektoru və tələbələri, Dini Qurumlarla İş üzrə Dövlət Komitəsinin sədri, Ailə, Qadın və Uşaq Problemləri üzrə Dövlət Komitəsinin sədri, Azərbaycan Respublikasının Millərlərarası məsələlər, multikulturalizm və dini məsələlər üzrə Dövlət müşaviri, habelə müsəlman və yəhudi icmalarının dinin liderləri ilə görüşüblər.
Müəllif vurğulayır ki, yerli sakinlərlə görüş daha əhəmiyyətli olub. Ş.Olitski yazır: “Biz sakinlərə eyni bir sual verirdik: “Azərbaycanda həyatın bütün aspektlərində öz əksini tapan dinc yanaşı yaşamanın sirri nədədir?” Həmişə də eyni cavab alırdıq: “Burada heç bir sirr yoxdur. Bu, adi məsələdir. Belə də olmalıdır. Bu, bizim mədəniyyətimizə xasdır. Biz belə böyümüşük. Valideynlərimiz bizi belə tərbiyə ediblər. Bizdən neçə-neçə nəsil əvvəl də belə olub”.
Müəllif vurğulayır: “Bu səfərdən sonra mən öz sualıma cavab tapdım. Biz bir-birimizə nifrət etmək üçün doğulmamışıq. Azərbaycan elə ölkədir ki, onun vətəndaşları bir-biri ilə həmrəylik şəraitində yaşayır”.

Tural




 
Bölməyə aid digər xəbərlər
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu
18.09.2018
Rusiya və Türkiyə prezidentləri Soçidə görüşüblər
18.09.2018
Türkiyə və Rusiya prezidentləri Suriya böhranı ilə bağlı ciddi anlaşma əldə ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info