“Synergy Baku” komandasının üzvü qalib olub
Tarix: 14.04.2017 | Saat: 23:37:00 | E-mail | Çapa göndər


Azərbaycanın kontinental velosiped komandası “Synergy Baku” Mərakeşdə təşkil olunan ongünlük “Tour de Maroc” yarışında uğurlu çıxışını davam etdirir. Təmsilçilərimiz Beynəlxalq Velosipedçilər İttifaqının (UCİ) 2.2 kateqoriyalı turunun yeddinci mərhələsini də uğurla başa vurublar. Azərbaycan Velosiped İdmanı Federasiyasından bildiriblər ki, 184,5 kilometrlik marşrutun əvvəlindən ön sırada qərarlaşan elit yığma komandamızın üzvü Elçin Əsədovun təqib qrupu ilə vaxt fərqi hətta müəyyən zaman kəsiyində yeddi dəqiqədən də çox olub. Bu üstünlüyünü sonadək qoruyan velosipedçimiz Mərakeş idmançısı Hatim Kamruçi ilə finişi 4 saat, 57 dəqiqə, 11 saniyəyə keçib və fotofinişə əsasən mərhələnin qalibi adını qazanıb. “Synergy Baku”nun digər üzvü Yosip Rumaç isə 18 saniyə geri qalmaqla yeddinci mərhələni üçüncü yerdə bitirib. Y.Rumaç ən yaxşı dağ velosipedçisi üçün nəzərdə tutulan “Dağlar Kralı” köynəyini də özündə saxlayır. Bu gün keçiriləcək səkkizinci mərhələdə iştirakçılar 148,5 kilometr məsafə qət edəcəklər. Xatırladaq ki, Mərakeş turunun birinci və dördüncü mərhələləri Azərbaycanın elit yığmasının digər üzvü Kiril Pozdnyakovun qələbəsi ilə yekunlaşıb və hazırda idmançımız ümumi təsnifatda üçüncü yerdə qərarlaşıb. Komandamızın uğurlu çıxışı mayın 12-22-də Bakıda keçiriləcək IV İslam Həmrəyliyi Oyunlarının iştirakçı ölkələrindən olan Mərakeşdə Azərbaycanın daha geniş təbliğ olunmasında böyük əhəmiyyət daşıyır. Bundan başqa, Mərakeş turu “Synergy Baku” üçün mayın 3-7-də keçiriləcək “Tour d`Azerbaidjan” yarışına hazırlığın əsas hissəsini təşkil edir.




 
Bölməyə aid digər xəbərlər
25.04.2019
Formula 1-in iyunda keçirilməsi ilə bağlı danışıqlar aparılır
25.04.2019
Futbol üzrə Türkiyə Kubokunun ilk finalçısı məlum olub
24.04.2019
EPL tarixinin ən erkən qolu vuruldu
24.04.2019
Suares Barcelona tarixinin 3-cü bombardiridir
24.04.2019
Bakı trası haqqında yürüş mühəndisinin fikirləri

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Gülnar Səmanın kitabının təqdimatı keçiriləcək
3 “Azərbaycan dilinin Orfoqrafiya Normaları” təsdiq edilib
4 Artıq bəzi sözlər yeni qaydalar əsasında yazılmalıdır
5 “Israel Hayom” qəzeti: “Azərbaycan müqəddəs Odlar Yurdudur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info