Çin yeni 84 hərbi hissə yaratdı
Tarix: 20.04.2017 | Saat: 00:26:00 | E-mail | Çapa göndər


Müdafiə Nazirliyinə gedən Si Tsinpin “hər an müharibəyə hazır ol” tapşırığı verib

Çinin dövlət başçısı Si Tsinpin böyük islahatlar çərçivəsində yeni 84 hərbi hissənin yaradılması haqqında sərəncam imzalayıb. Qeyd edək ki, Çin Müdafiə Nazirliyinin Pekindəki mənzil-qərargahına gələn Mərkəzi Hərbi Komissiyasının sədri Si Tsinpin yeni yaradılmış hərbi hissələrin komandirləri ilə görüşüb. Çin Müdafiə Nazirliyinin məlumatında deyilir ki, bu qərar ordunu gücləndirmək yolunda mühüm addımdır.
Çin lideri yaradılan hərbi bölmələri yeni sistemin mühüm tərkib hissəsi kimi dəyərləndirərək, onların dövlətin suverenliyi, təhlükəsizliyi və Çinin maraqlarının müdafiəsi üçün böyük məsuliyyət daşıyacağını bildirib. Si Tsinpin, yeni bölmələrin hər an müharibəyə hazır olmalarını tapşırmaqla yanaşı, döyüş hazırlığı və texniki avadanlıqların müasirləşməsinə xüsusi diqqət yetirmələrinə önəm verəcəklərini bildirib. “China Daily” nəşrinin məlumatına görə, yeni yaradılmış hərbi hissə üzvləri artıq müasir səviyyəli binalarla təmin olunur. Qeyd edək ki, ölkə rəhbərliyinin belə bir addımı birmənalı qarşılanmır. Belə ki, Çin Xalq Qurtuluş Ordusu hələ də ordu heyətinin 300 min nəfərə qədər azaldılmasında israrlıdır. Lakin bütün bunlara baxmayaraq, yeni birliyin yaradılması Çin ordusunda 2015-ci ildən başlayan genişmiqyaslı islahatlar çərçivəsində atılmış, növbəti addımdır. Hazırda Çin ordusunun modernləşməsi yolunda geniş addımlar atır. Hələ bir müddət bundan əvvəl də Si Tsinpin ordudakı texnoloji yeniliyi “ölkənin ordu və milli müdafiə sisteminin təkmilləşdirilməsində əsas amil” kimi dəyərləndirmişdi. Onun sözlərinə görə, Çin Xalq Qurtuluş Ordusunun gələcəyi, daha çox, yenilik və islahatlardan asılıdır. Xatırladaq ki, Çin Xalq Qurtuluş Ordusu 1927-ci ilin avqustunda yaradılıb. 2015-ci ilin sentyabrında Çin lideri bu ilin sonunadək silahlı qüvvələr tərkibindəki qeyri-döyüş qabiliyyətli heyətin 300 minini istefaya göndərəcəyi barədə məlumat vermişdi. Qeyd edilməlidir ki, bütün bu ixtisarlara baxmayaraq, 2 milyonluq Çin ordusu dünyanın ən böyük ordusu olaraq qalmaqdadır.
Ağasəf Babayev




 
Bölməyə aid digər xəbərlər
23.09.2018
Düşmənlər İranda vəziyyəti gərginləşdirə bilməyəcəklər
22.09.2018
Türkiyə Prezidenti Rəcəb Tayyib Ərdoğan TEKNOFEST festivalına qatılıb
22.09.2018
İranda terror aktı: həlak olanların sayı 24 nəfərə çatıb
22.09.2018
Tereza Mey: “Brexit” barədə danışıqlar düyünə düşüb
22.09.2018
İranda terror aktı nəticəsində 11 nəfər həlak olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info