“Erməni deputat Əkrəm Əylisliyə istinad etdi”
Tarix: 18.04.2013 | Saat: 23:01:00 | E-mail | Çapa göndər


Qüdrət Həsənquliyev: “Artıq erməni diplomatiyası və diasporu Əkrəm Əylislinin o mənfur əsərindən bizə qarşı istifadə etməyə başlayıb”

“Avronest” Parlament Assambleyasının Bürosunun Strasburqda keçirilən iclasında Azərbaycan və Ermənistan təmsilçiləri arasında mübahisə olub. İclasda Azərbaycanı təmsil edən millət vəkili Qüdrət Həsənquliyev bildirib ki, iclas növbəti sessiyanın vaxtının və gündəliyinin müəyyən olunmasına həsr edilmişdi. Siyasi və sosial komitələr tərəfindən hazırlanmış hesabatın müzakirəsi keçirilirdi:
“Məruzə “Şərq tərəfdaşlığı proqramı”na daxil olan ölkələrdəki ictimai-siyasi, həmçinin sosial-iqtisadi durumla bağlı vəziyyətin dəyərləndirilməsinə həsr olunmuşdu. Məruzədə “Şərq tərəfdaşlığı” proqramına daxil olan ölkələrdəki münaqişələr və təhlükəsizlik haqqında qeyd olunub. Məruzənin məhz bu hissəsində Dağlıq Qarabağ münaqişəsi ilə bağlı BMT, Avropa Şurası və Avropa Parlamentinin qərar və qətnamələri barədə qeyd olunmasını təklif etdim. Eyni zamanda Ermənistanın Azərbaycanın işğal etdiyi ərazilərini tərk etməsinin, bu sənədləri dərhal icra etməsinin zəruriliyi barədə qeyd olunmasının da vacibliyini vurğuladım. Bildirdim ki, bu münaqişənin beynəlxalq hüquq və Azərbaycanın ərazi bütövlüyü çərçivəsində həllini tapmasının da vurğulanması vacibdir. Həmçinin sosial komitənin təqdim etdiyi məruzədə regiondakı iqtisadi problemlərdən danışılır və regionun inkişafı üçün sərhədlərin açılmasının vacibliyi qeyd olunur. Əlbəttə, bu müddəa ora Ermənistanın təkidi ilə daxil edilib. Mən buna da etirazımı bildirdim və qeyd etdim ki, Ermənistanın Azərbaycan torpaqlarını işğalda saxladığı müddətdə sərhədlərin açılması mümkün deyil, bu, dəfələrlə bildirilib. Həmçinin Ermənistan təcavüzkar siyasətinə son qoymadığı müddətcə bu ölkə ilə Avropa Birliyi arasında assosiativ üzvlüklə bağlı aparılan müzakirələrin dayandırılmasını da təklif etdim. Ermənistan nümayəndə heyətinin rəhbəri Vahan Ovanesyan çıxış edərək Avronest PA rəhbərliyini mənim çıxışıma imkan yaratmaqda ittiham etdi. Mən “Avronest”də təmsil olunanların hər birinin məlumatlı olduğu Xocalı faciəsini məhz sovet qoşunlarının Ermənistan prezidenti Serj Sərkisyanın silahlı birləşməsi ilə birgə törətdiyini də bir daha iclas iştirakçılarının nəzərinə çatdırdım. Ovanesyan isə buna cavab olaraq bildirdi ki, “soyqırımı” məsələsini yazıçı Əkrəm Əylisli açıq şəkildə yazıb, Azərbaycan isə indi ona bunu yazdığı üçün hücum edir. Çox təəssüf ki, mənim əvvəllər də dediyim kimi, artıq erməni diplomatiyası və diasporu Əkrəm Əylislinin o mənfur əsərindən bizə qarşı istifadə etməyə başlayıb. Bu gün də məhz fakt qarşısında susan Ovanesyanın bizə qarşı söylədiyi yeganə məsələ Əkrəm Əylislinin həmin əsəri oldu. O, Sərkisyanın Xocalı cinayətində iştirakı faktını pərdələmək üçün Əkrəm Əylisliyə istinad etdi. Biz bunu əvvəlcədən də proqnozlaşdırmışdıq”.





 
Bölməyə aid digər xəbərlər
17.01.2019
Ən faydalı on göyərti
17.01.2019
Elektrik enerjisinin verilişində ciddi problem yaranmayıb
17.01.2019
Külək dayanacağın damını uçurub
17.01.2019
Heyvan kəsimi ilə məşğul olanlarla görüşdə işin daha səmərəli təşkili məsələləri müzakirə edilib
17.01.2019
“AtaSığorta” Könüllü Tibbi Sığorta üzrə “Ailə paketi” adlı məhsul təqdim edir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info