Ermənistanda qiyamla bağlı yekunlaşan istintaq əlavə qalmaqallar yaradıb
Tarix: 21.04.2017 | Saat: 00:46:00 | E-mail | Çapa göndər


Ötən ilin iyulunda İrəvanda baş verən silahlı qiyamla bağlı istintaq yekunlaşıb. Bundan sonra işğalçı ölkədə əlavə gərginlik yaranıb. Hüquq müdafiəçiləri ittihamları rədd edərək bildirirlər ki, bütün bunlar əvvəlcədən yaxşı planlaşdırılmış bir oyundur və rejim tərəfindən idarə olunur.
Xatırladaq ki, 2016-cı ilin iyulunda Ermənistanda bir qrup şəxs Erebuni rayonunda post-patrul alayının binasını ələ keçirmiş, nəticədə üç polis əməkdaşı öldürülmüşdü. Bir ay boyunca ölkədə hökumət əleyhinə və silahlı qrupun üzvlərinə dəstək mitinqləri keçirilmişdi. Bu hadisələr göstərdi ki, Ermənistanda sadə vətəndaşlar hakimiyyəti dəstəkləmir. Onlar silahlı hücumu özlərinin qurtuluşu kimi görürdülər. Ona görə də Ermənistan prokurorluğu hər vəchlə “Sasna Srer” silahlı qrupunun üzvlərinin işini ağırlaşdırmağa çalışır. Silahlı qiyamla bağlı istintaq işi artıq yekunlaşıb. Polis alayının binasını ələ keçirən 18 nəfərə qarşı cinayət işi açılıb. Onlar dövlət çevrilişinə cəhddə günahlandırılırlar. Hüquq müdafiəçiləri isə ittihamları rədd edir. Hökumətə və müxalifətə qarşı yaradılan “Təsis parlamenti” hərəkatının üzvü Jirayr Səfilyan da bir ilə yaxındır həbsdə saxlanılır. “Sasna Srer” qrupunun digər üzvləri kimi, onun da həbsdə qalacağı deyilir. Ermənistan Ali Məhkəməsinin bu qərarı etirazla qarşılansa da, nəticəsi yoxdur. Fəalların vəkili Ara Zaxaryan məhkəmənin qərarının siyasi məqsəd daşıdığını deyib. “Sasna Srer”in üzvlərindən Martiros və Araik Akopyanların vəkili Ervand Varosyan da müvəkkillərinə qarşı bu cür münasibətin siyasi məqsəd daşıdığını bildirib. E.Varosyan qeyd edib ki, hüquqlarını müdafiə etdiyi şəxslərə qarşı həbsxanada mənəvi, psixoloji təzyiqlər var. Hakimiyyət birbaşa olaraq bu insanların hüquqlarını pozur və üzərinə götürdüyü beynəlxalq öhdəlikləri tapdalayır. Üstəlik həmin hadisələrdən sonra hökumətə qarşı çıxan bütün fəallar həbs olunublar. Rejim silahlı çevriliş bəhanəsi ilə üzərinə yönələn təhlükəni bu yolla aradan qaldırıb.




 
Bölməyə aid digər xəbərlər
20.11.2018
Belarus səfəri Ermənistanda böyük rezonans doğurub
20.11.2018
Moldova prezident idarəçiliyinə qayıtmaq istəyir
20.11.2018
Gürcüstanda 150-dən çox sabiq vəzifəli şəxsə qarşı cinayət işi açıldı
19.11.2018
Avropa İttifaqı vahid kəşfiyyat mərkəzi yaradır
19.11.2018
İranda bahalaşma davam edir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info