Holokost qurbanlarının xatirəsi anılıb
Tarix: 24.04.2017 | Saat: 18:37:00 | E-mail | Çapa göndər


Aprelin 24-də Azərbaycan Dillər Universitetində (ADU) universitetin İsrail və Yaxın Şərq Araşdırmalar Mərkəzinin təşkilatçılığı ilə Holokost qurbanlarının xatirəsinə həsr olunmuş anım tədbiri keçirilib.
ADU-nun İnformasiya Departamentindən verilən məlumata görə, tədbirdə öncə Holokost qurbanlarının xatirəsi bir dəqiqəlik sükutla anılıb.Sonra İsrailin Azərbaycandakı fövqəladə və səlahiyyətli səfirinin müavini Amir Rom Holokost qurbanlarının xatirəsinə altı ədəd şam yandırıb.ADU-nun Beynəlxalq əlaqələr üzrə prorektoru, dosent Jalə Qəribova qonaqları salamlayaraq tədbirin təşkilatçılarına və iştirakçılara təşəkkür edib. O, Holokost hadisəsinin insanları çox təsirləndirdiyini bildirib. J.Qəribova altı milyon əhalinin sadəcə irqçiliyə və milli mənsubiyyətinə görə qətlə yetirilməsinin dəhşətli hadisə olduğunu sözlərinə əlavə edib. Bu faciə haqqında tələbələrin məlumatlandırılmasının əhəmiyyətindən danışan prorektor Holokost hadisəsinin insanların yaddaşından silinməyəcəyini vurğulayıb. O, tələbələri faciə qurbanları haqqında filmlərə baxmağa dəvət edib. Prorektor J.Qəribova gəncliyimizin təhsil, qarşılıqlı hörmət, tolerantlıq, dostluq sayəsində belə faciələrin olmasının qarşısını ala biləcəyini söyləyib.
İsrailin Azərbaycandakı fövqəladə və səlahiyyətli səfirinin müavini A.Rom İsrail və Yaxın Şərq Araşdırmalar Mərkəzinə tədbiri təşkil etdiyi üçün təşəkkür edib. O, Holokostun Almaniyanın faşizm dövründə törətdiyi, təxminən altı milyon nəfərin sistemli şəkildə öldürüldüyü qətliama verilən ad olduğunu deyib. A.Rom 1933-cü ildə yəhudilərin hüquqlarının azaldılması ilə addım-addım başlayan fəlakətin sonda faşist hökumətinin əlinə keçən bütün yəhudilərin öldürülməsi ilə nəticələndiyini bildirib. İrqçiliyə görə törədilən belə cinayətlərin təkcə bir xalq üçün deyil, bütün bəşəriyyət üçün təhlükəli olduğunu deyən A.Rom bu təhlükəni bir daha yaşamamaq, bundan yayınmaq üçün keçmişi unutmamaq və gələcəyimizi bu keçmişə nəzərən qurmaq lazım olduğunu vurğulayıb.
Daha sonra ADU-nun Regionşünaslıq və beynəlxalq münasibətlər fakültəsinin İrsailşünaslıq ixtisasında təhsil alan Şahverən Babayev İsrailə həsr olunmuş mahnı ifa edib, Validə Qədirli isə Holokost hadisəsi haqqında təqdimatla çıxış edib.
Sonda “Holokost: şahidlərin gözü ilə” adlı videoçarx nümayiş olunub.
Tural Tağıyev




 
Bölməyə aid digər xəbərlər
15.06.2019
Heydər Əliyevin hakimiyyətə qayıdışı Azərbaycanın davamlı inkişafının əsasını qoydu
15.06.2019
İyunun 15-i xalqımızın bəlalardan qurtuluşunun carçısıdır
14.06.2019
Azərbaycanın bugünkü reallıqları Heydər Əliyev siyasətinin təntənəsi, milli qurtuluşun uğurlarıdır
14.06.2019
Bakıda dəhşət: Jurnalistin qızı və arvadı özünü 10-cu mərtəbədən atdı
14.06.2019
“Carlsberg Azerbaijan” ETSN qarşılıqlı anlaşma haqqında memorandum imzaladı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10805

1 Naxçıvanda “Cavidşünaslıq” oncildliyinin təqdimatı olub
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info