Metroda təhlükəsizlik tədbirləri gücləndirilir
Tarix: 25.04.2017 | Saat: 17:49:00 | E-mail | Çapa göndər


Mayın 12-dən 22-dək Bakıda təşkil olunacaq IV İslam Həmrəyliyi Oyunlarının keçirilməsi ilə əlaqədar "Bakı Metropoliteni" QSC-də Oyunlara hazırlıq işləri yekunlaşmaq üzrədir.
 
Qurumun saytında yer alan məlumata görə, mötəbər tədbirin keçirilməsi ilə bağlı Bakı metrosunda əvvəlcədən xüsusi tədbirlər planı hazırlanıb və təsdiq olunub.
 
Avropa Oyunlarında olduğu kimi, İslam Həmrəyliyi Oyunlarında da əhalinin böyük əksəriyyəti, şəhərimizə gələn qonaqların ictimai nəqliyyatdan, xüsusən də metrodan istifadəyə üstünlük verəcəyi gözlənilir. Xatırladaq ki, Avropa Oyunları zamanı tamaşaçıların 70%-i metropolitendən istifadə edib.
 
Məlumata əsasən, IV İslam Həmrəyliyi Oyunları ərəfəsində metropoliten gücləndirilmiş iş rejimində fəaliyyət göstərəcək: "Oyunların açılış və bağlanış günlərində iş qrafikində xüsusi dəyişikliklər olacaq. Həmin günlərdə metro səhər saat 00:06-dan gecə saat 02:00-dək fəaliyyət göstərəcək. Adi idman günlərində isə metro gecə saat 01:00-dək fəaliyyət göstərəcək. Sərnişin axını çox olarsa, bu qrafik artırıla bilər. Açılış və bağlanış günləri Milli Olimpiya Stadionunda keçirilən tədbirdən çıxan iştirakçılar (bilet əsasında) "Koroğlu" stansiyasına pulsuz daxil olacaqlar. Mayın 1-dən 30-dək xüsusi geyim formasında olan könüllülər, xüsusi buraxılış vəsiqəsi olan akkreditə olunmuş nümayəndələr də metrodan pulsuz istifadə edə biləcəklər".
 
Bildirilir ki, eyni zamanda, metropoliten ərazisində təhlükəsizlik tədbirləri də gücləndiriləcək. Milli Olimpiya Stadionuna yaxın olan "Koroğlu" stansiyasında xüsusi qərargah da yaradılacaq, bütün lazımi texniki avadanlıqlar hazır vəziyyətə gətiriləcək. Sözügedən stansiyanın ərazisində tibb məntəqəsi də yaradılacaq".
 
Qeyd edək ki, Avropa Oyunlarından fərqli olaraq, IV İslam Həmrəyliyi Oyunlarında "Sərhədçi" İdman Olimpiya Mərkəzindən də istifadə olunacağı üçün oraya yaxın olan "Xalqlar dostluğu” stansiyası da Oyunlara tam hazırdır. Belə ki, stansiyanın hər iki keçidi təmir olunub və sərnişinlərin istifadəsinə verilib. Hazırda stansiyada lazımi istiqamətverici-məlumatverici lövhələr quraşdırılır.

Bununla yanaşı, idman arenalarına yaxın olan "Koroğlu”, "Gənclik”, "Sahil” stansiyalarında sərnişin axını və kütləvilik nəzərə alınaraq turniketlərin sayı artırılıb. Belə ki, qeyd olunan stansiyaların girişlərində 5 ədəd əlavə turniket quraşdırılıb.
 
Oyunların keçirilmə tarixlərində, xüsusən də açılış və bağlanış günlərində xətdə olan zəruri sayda qatarlardan əlavə “Nərimanov” elektrik deposunda ehtiyat qatarlar olacaq.
Tədbirlər planına əsasən, metropolitenin bütün xidmətləri Oyunlara hazırlıq məqsədilə lazımi mal-materiallarla təmin olunub, sərnişinlərə yüksək səviyyədə mədəni xidmət göstərilməsi və onların məmnunluğu məqsədilə bu işə cəlb olunan könüllülər müvafiq qaydada təlimatlandırılıb, Oyunlar ərəfəsində onların hər biri yaddaş kitabçaları ilə təmin olunacaqlar.
 
Oyunlar zamanı xarici turistlərə bələdçilik etmək və onların suallarını cavablandırmaq üçün metropolitendə hər bir şərait yaradılacaq. Xarici dil bilən metropoliten əməkdaşları və xüsusi geyim formasında olan könüllülər yarışların keçiriləcəyi idman obyektlərinə yaxın mərkəzi stansiyalarda turistlərə bələdçilik edəcəklər.
 
Bütün stansiyalarda sərnişin informasiya sisteminə Oyunlar, yarışların keçiriləcəyi idman obyektləri barədə məlumatlar, sərnişinlərin təhlükəsizliyi üçün tövsiyələr, metrodan istifadə qaydalarının izahını əks etdirən elanlar daxil edilib.
 
Bununla belə, IV İslam Həmrəyliyi Oyunlarının keçirildiyi tarixlərdə metroda hərəkət zamanı sərnişinlərə sayıq olmaq, şübhəli şəxslər, davranışlar və əşyalar barədə metro polisi və metropoliten əməkdaşlarına məlumat vermək tövsiyə olunur.

Tural




 
Bölməyə aid digər xəbərlər
22.03.2019
Birinci qrup əlilliyə görə əmək pensiyası alanlara gələn aydan Prezident təqaüdü veriləcək
20.03.2019
Tovuzda şəhid ailələrinə bayram sovqatı paylanıb
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info