Tramp yenə də BMT-ni tənqid edib
Tarix: 26.04.2017 | Saat: 00:17:00 | E-mail | Çapa göndər


“BMT-nin öz vəzifəsinin öhdəsindən gəlməsi üçün təşkilat daxilində islahatlar aparılmalıdır”
ABŞ prezidenti Donald Tramp BMT Təhlükəsizlik Şurasında təmsil olunan ölkələrin daimi nümayəndələri ilə görüş keçirib.
ABŞ lideri tərəfindən Ağ Evə dəvət edilən BMT Təhlükəsizlik Şurasına üzv olan 15 ölkə nümayəndəsi Donald Tramp tərəfindən tənqidlərlə üz-üzə qalıb. Trampın iddiasına görə, son zamanlar dünya təşkilatı öz vəzifəsinin öhdəsindən o qədər də gələ bilmir. O, BMT-nin fəaliyyətinin effektsiz olduğunu deyib. Onun sözlərinə görə, Təhlükəsizlik Şurasında Suriyada kimyəvi hücum haqqında qərar qəbul etmək cəhdi uğursuzluqla sonunclanıb: “Şura Suriyada kimyəvi silahdan istifadəyə cavab verə bilmədi. Bu, doğrudan da məyusedici haldır”. Bunun ardınca Təhlükəsizlik Şurası qorxaqlıq göstərərək Şimali Koreyaya qarşı sərt sanksiyalar tətbiq etməyib. Amerikalı prezident Şimali Koreyaya qarşı daha sərt qadağalar tətbiq etmədiyinə görə BMT-ni qətiyyətsizlikdə ittiham edib. O, bu ölkəyə qarşı status-kvonun yolverilməz olduğunu bildirib: “Status-kvo qəbul edilə bilməz. Şura Şimali Koreyanın nüvə ballistik raket proqramlarına qarşı əlavə və daha sərt sanksiyalar tətbiq üçün hazır olmalıdır. Şimali Koreya - qlobal problemə çevrilməkdədir və biz, nəhayət ki, bu problemin həlli ilə bağlı qərar verməliyik. Məhz elə bu fonda BMT-nin öz vəzifəsinin öhdəsindən gəlməsi üçün təşkilat daxilində islahatlar aparılmalıdır”. Ağ Ev lideri Birləşmiş Millətlər Təşkilatının büdcəsinə ABŞ tərəfindən “nəhəng” sərmayələr yatırıldığını xatırladaraq deyib ki, BMT-nin maliyyə məsələsi, büdcəsi təftiş olunmalıdır: “Bu gün təşkilatın xərcləri tamamilə nəzarətdən çıxıb”.
Ağasəf Babayev




 
Bölməyə aid digər xəbərlər
21.01.2019
“WhatsApp” mesaj göndərişlərini məhdudlaşdırıb
21.01.2019
Ukrayna və İsrail azad iqtisadi zona yaradır
20.01.2019
Terrorçular Malidə BMT-nin düşərgəsinə hücum edərək 8 sülhməramlını öldürüblər
20.01.2019
Ötən il Ukraynada əhalinin sayı 200 min nəfərdən çox azalıb
19.01.2019
Fransada “Sarı jiletlər”in növbəti aksiyası keçirilir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Yalçın Topçu: “Türkiyə və Azərbaycan arasında ticarət daha da artacaq”
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info