İran-Gürcüstan yaxınlaşması nə ilə bağlıdır?
Tarix: 26.04.2017 | Saat: 00:20:00 | E-mail | Çapa göndər


Məşhur gürcü eksperti Qiya Xuxaşvili:
“Sırf iqtisadi aspektdən yanaşdıqda aydın olur ki, İran qazı bu gün Gürcüstanı qazla təmin edən Azərbaycan qazından bahadır”

Son vaxtlar iki qonşumuz - İranla Gürcüstan arasında əlaqələrin intensivləşməsi müşahidə edilir. Gürcüstan baş naziri Kvirikaşvilinin Tehrana səfəri çərçivəsində bir sıra sənədlər imzalandı. Bu sənədlərin arasında ən diqqət çəkəni İran körfəzi istiqamətində nəqliyyat dəhlizi və enerji sahəsində əməkdaşlıqla bağlı sənədlərdir.
İki ölkənin iş adamları arasında da bir sıra sənədlərə imza atılıb. Bu səfərdən qısa müddət sonra İran nümayəndə heyətinin Tbilisini ziyarət etməsi yenidən diqqətləri iki dövlət arasındakı münasibətlərə yönəldib. İki dövlətin bir-birinə bu qədər qısa zaman kəsiyində yüksək səviyyəli nümayəndələr göndərməsinin arxasında nə dayanır? İran xarici işlər naziri Zərifinin başçılıq etdiyi heyətin səfəri çərçivəsində Gürcüstanda biznes-forum təşkil edilib. Həmin forumda tərəflər kənd təsərrüfatı və infrastruktur sferasında əməkdaşlığı genişləndirmək və ticarət əlaqələrini dərinləşdirmək barəsində razılıq əldə ediblər. İran məhsullarının Gürcüstandan keçməklə Avropa bazarlarına ixracı məsələsi də müzakirə predmeti olub. İranın vitse-prezidenti Cahangiri deyib ki, tərəflər konkret olaraq kənd təsərrüfatı, avtomobil vasitəsilə yüklərinin daşınması və gənclər-idman sahəsində sazişlər imzalayıblar. İran tərəfi Gürcüstana qaz ixracı və İran körfəzi-Qara dəniz koridoru layihəsinin reallaşmasında maraqlı olduğunu açıqlayıb. “Ötən görüşlərdə müəyyən qərarlar qəbul etdik, indi isə onların yerinə yetirilməsi barəsində informasiyalar eşidirik. Ən vacib məsələlərdən biri İran körfəzi-Qara dəniz dəhlizinin yaradılmasıdır. Bu dəhlizin başlanğıcı İran-Azərbaycan-Gürcüstanı və İran-Ermənistan-Gürcüstan ola bilər” - deyə İranın vitse-prezidenti bildirib. Məşhur gürcü eksperti Qiya Xuxaşvili “Nezavisimaya qazeta”ya dəyərləndirməsində bildirib ki, Gürcüstanın geosiyasi mövqeyi ona Şərqlə Qərb arasında tranzit ölkə rolunu oynamağa imkan verir: “Bu kontekstdə yanaşdıqda İranla əlaqələrin perspektivi böyükdür. Amma bir məsələ var ki, bu razılaşmaların hamısı siyasi kontekstə düşür. İranla münasibətlərin inkişafını çətinləşdirən amillərdən biri də bizim strateji müttəfiqlərimizin bu ölkə ilə əlaqələrinin mümkün kəskinləşmə riskidir”. Ekspert hesab edir ki, Gürcüstanın İranla yüksək səviyyəli əməkdaşlığı ilə Qərblə olan münasibətləri üst-üstə düşmür. “WikiLeaks” saytının yaydığı informasiyadan da aydın oldu ki, iki il əvvəl Vaşinqton Gürcüstana İranla tam formatlı əməkdaşlıqdan yayınmağı məsləhət görüb. Xuxaşvili İranın Gürcüstana qaz ixracı ilə bağlı məsələnin də aydın olmadığını deyib: “Bu məsələnin 3 aspekti var. Sırf iqtisadi aspektdən yanaşdıqda aydın olur ki, İran qazı bu gün Gürcüstanı qazla təmin edən Azərbaycan qazından bahadır. Texniki aspekt budur ki, İran qazını Gürcüstana çatdıracaq infrastruktur yoxdur. Yenisinin yarıdılması həm investisiya, həm də zaman tələb edir. Üçüncü aspekt, yenə də siyasi amildir. Biz nə istədiyimizi doğru seçməliyik. Əgər İran sabah yenə də sanksiyalara məruz qalsa, onda biz nə edəcəyik? Prinsip etibari ilə İran elə sanksiya altındadır. ABŞ-dan gələn son bəyanatlar göstərir ki, sanksiyalar yenilənə, daha da sərtləşə bilər. Ona görə də Gürcüstan hakimiyyətinin İranla münasibətlərdəki aktivliyi tam aydın deyil”. Görünür, elə bu səbəbdən Gürcüstanın baş naziri Tehranda səfərdə olarkən daha az diqqətçəkən sahələrlə bağlı danışıqlara üstünlük verdi. Əsasən, iqtisadi məsələləri qabardan Kvirikaşvili iranlı iş adamlarını ölkəsinə dəvət edib: “Biz özəl sektor qarşısında olan bütün baryerləri aradan qaldırmağa hazırıq ki, iş adamları üçün maksimal komfortlu şərait yarada bilək”.
Anar




 
Bölməyə aid digər xəbərlər
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı
14.03.2019
Yerevanda polislə aksiya iştirakçıları arasında toqquşma baş verib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info