Şəhid olmuş azərbaycanlıların adları əbədiləşdirilib
Tarix: 26.04.2017 | Saat: 18:07:00 | E-mail | Çapa göndər


2015-ci ildə Çanaqqala zəfərinin 100 illik yubileyi münasibətilə təşkil olunan rəsmi dövlət mərasimində iştirak edən Prezident İlham Əliyevin Çanaqqaladakı Şəhidlik Kompleksində azərbaycanlı şəhidlərin adlarının ədəbiləşdirilməsi ilə bağlı tapşırığı yerinə yetirilib. Dövlətimizin başçısı Çanaqqala savaşı zamanı Osmanlı dövləti tərəfindən döyüşərək şəhid olmuş azərbaycanlıların xatirəsini əbədiləşdirmək istiqamətində səfirlik tərəfindən müvafiq tədbirlərin görülməsi ilə bağlı tapşırıq vermişdi.
АZƏRTAC xəbər verir ki, ötən dövrdə Çanaqqala döyüşlərində şəhid olmuş döyüşçülərin xatirəsinin əbədiləşdirilməsi məqsədilə Çanaqqala Şəhidliyi Kompleksində mövcud olan simvolik məzarlıqdakı məzar daşlarına şəhidlərimizin adının və xatirə lövhələrinə şəhidlərimizin təmsili olaraq ölkəmizin adının yazılması istiqamətində Azərbaycanın Ankaradakı səfirliyi tərəfindən müvafiq tədbirlər planı hazırlanaraq həyata keçirilib. Rəsmi səviyyədə aparılan danışıqların nəticəsi olaraq Türkiyə Respublikası Mədəniyyət və Turizm Nazirliyinin Çanaqqala Döyüşləri Gelibolu Tarixi Bölgə Baş İdarəsinin informasiya sistemində azərbaycanlı şəhidlərlə bağlı məlumat bazası yaradılıb və Çanaqqala Şəhidliyi Kompleksində xatirə lövhələrinə, simvolik məzar daşlarına şəhidlərimizin adları yazılıb.
İlkin məlumat bazasında müəyyən olunan azərbaycanlı şəhid Zeynəl Abidin oğlu Məşhət Əlinin adı Çanaqqala Şəhidliyi Kompleksindəki simvolik məzar daşlarından birinə yazılıb və eyni zamanda, kompleksin protokol yolunda mövcud olan xatirə lövhələrinə ölkəmizin paytaxtı və adı – “Bakü, Azerbaycan” olaraq həkk olunub. Görülən işlərin davamı olaraq gələcəkdə tarixçilər tərəfindən Çanaqqala savaşında şəhid olan soydaşlarımızla bağlı arxivlərdə hər hansı bir sənəd aşkar olunduğu təqdirdə Baş İdarəyə məlumat veriləcək və əldə olunan məlumatlar idarənin Azərbaycanla bağlı məlumat bazasına daxil olunaraq adları xatirə lövhələrinə əlavə ediləcək.
Həyata keçirilən tədbirlər sayəsində istər 2017-ci il martın 18-də Çanaqqala Dənizi Zəfərinin və aprelin 24-25-də Çanaqqala quru döyüşlərinin 102-ci ildönümü münasibətilə təşkil olunan tədbirlərə hazırlıq məqsədilə, Çanaqqala Şəhidliyi Kompleksi ərazisində həyata keçirilən yenidənqurma işləri çərçivəsində azərbaycanlı şəhidlərin də adlarının qeyd olunduğu xatirə lövhələrində bəzi yeniləmə işləri həyata keçirilib və əlavələr olunub.
Bununla yanaşı, 18 mart və 24 aprel tarixlərində dövlət səviyyəsində təşkil olunan və Türkiyə Prezidentinin iştirakı ilə keçirilən Çanaqqala Dənizi Zəfərinin və Quru döyüşlərinin ildönümü tədbirlərinə Çanaqqala savaşında iştirak edən ölkələrin səfirlikləri ilə yanaşı, bu il ilk dəfə olaraq Azərbaycan səfirliyi də Osmanlı dövləti tərəfindən döyüşdə iştirak edən azərbaycanlı şəhidləri təmsil edən tərəf kimi təşkil olunan tədbirlərə rəsmi dəvət olunub.
Aprelin 24 və 25-də Çanaqqala Quru Döyüşlərinin 102-ci ildönümü münasibətilə təşkil olunan anım tədbirində Azərbaycan Respublikası adından Şəhidlər Abidəsinə çələng qoyulub və səfir Faiq Bağırovun dəvəti ilə tədbirdə iştirak edən Türkiyənin mədəniyyət və turizm naziri Nabi Avcı və çox sayda insan azərbaycanlı şəhidlərin məzarlarını ziyarət edərək onların üzərinə gül dəstələri qoyublar. Eyni zamanda, Çanaqqala Şəhidliyi Kompleksində səfirlik tərəfindən azərbaycanlı şəhidlərin xatirəsinə ucaldılmış xatirə lövhəsi də ziyarət olunub.
Mahmud




 
Bölməyə aid digər xəbərlər
19.09.2018
Astarada keçirilən əmək yarmarkasında 45 nəfərə göndəriş vərəqəsi verilib
18.09.2018
Aşıq Hüseyn Bozalqanlının “Xalxal səfəri” dastanı belə başlayır...
18.09.2018
Biləsuvar şəhərində 1176 şagird yerlik yeni ümumtəhsil məktəbi tikiləcək
18.09.2018
Məcburi köçkünlərin növbəti qəbulu keçirilib
18.09.2018
Rektor: “İnstitutumuzda dövlətin qayğı və təminatı ilə hər cür şərait yaradılıb”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 “Bu il sığorta bazarı 40 faizdən çox genişlənib, yığımlar artıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info