Botanika İnstitutu “Elm və təhsil arasında əlaqə” proqramını həyata keçirir
Tarix: 26.04.2017 | Saat: 20:05:00 | E-mail | Çapa göndər


AMEA Botanika İnstitutunda D.Məmmədzadə adına 232 nömrəli tam orta məktəbin 8-ci sinif şagirdləri üçün maarifləndirici seminar keçirilib. Seminar Bakı şəhəri 2016-2017–ci tədris ilinin aprel ayında Bakı şəhəri Təhsil İdarəsinin tabeliyində olan bütün ümumtəhsil məktəblərində “Azərbaycanın təbii sərvətləri və biomüxtəlifliyi” mövzusu üzrə keçirilən tədbirlər planı çərçivəsində təşkil olunub. İnstitutun Ekosistemlərin fitososiologiyası laboratoriyasının müdiri b.e.d. Naibə Mehdiyeva şagirdlərəAzərbaycanın endem, nadir və itmə təhlükəsində olan bitkiləri və Azərbaycanın Qırmızı Kitabının I və II nəşrləri haqqında məlumat verib. Bildirib ki, 1989-cu ildə işıq üzü görən I nəşrdə 140 növ ancaq ali bitkilər daxil edilmiş, II nəşrdə isə daxil edilən 300 növdən 266-sı ali bitkilərə, 20-si ibtidai bitkilərə (6 yosun, 13 şibyə, 1 mamır), 14-ü göbələk növlərinə aiddir. Seminarda laboratoriyanın elmi işçisi Nigar Mürsəl qızı Qırmızı Kitabdan istifadə qaydalarını və struktutunu izah edərək, kitaba daxil olmuş bitkilərin IUCN-ə (Təbiət Mühafizəsinin Beynəlxalq Birliyi) əsasən hansı kateqoriyaya, milli və regional statusa aid olması, yayılması, qısa təsviri, bioloji, ekoloji, fitosenoloji və faydalı xüsusiyyətləri, sayı, tendensiyası, məhdudlaşdırıcı amillər və mühafizə tədbirləri haqqında məlumat verib. Şagirdlərin araşdırdığı “Xarı bülbül”, “Xəzər zəfəranı”, “Hirkan ənciri”, Hirkan armudu” və s. bitkilər  haqqında müzakirə aparılıb və onları maraqlandıran suallar cavablandırılıb. Doktorant Şəhla Mirzəyeva şagirdləri Herbari Fondu ilə tanış edib, Fondun tarixi, Fondda saxlanılan dəyərli tip nümunələri, onların hazırlanması və saxlanılma şəraiti haqqında əyani vasitələrdən istifadə etməklə məlumat verib. Doktorant Xanım Həsənova şagirdləri  Botanika muzeyində nümayiş olunan Hirkan meşələrinin on klassik relikt ağac növü haqqında məlumatı əks etdirən “Azərbaycanın yaşıl xəzinəsi” adlı sərgi və Azərbaycanın landşaftı, florası, faunası haqqında məlumatları əks etdirın interaktiv xəritə ilə tanış edib.

Mahmud




 
Bölməyə aid digər xəbərlər
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info