Regionlarda erkən nikahlarla bağlı maarifləndirci tədbirlərə start verildi
Tarix: 27.04.2017 | Saat: 16:22:00 | E-mail | Çapa göndər


Azərbaycan Respublikası Gənclər və İdman Nazirliyinin (GİN) maliyyə dəstəyi ilə Azərbaycan Demokratik Tələbə Gənclər Təşkilatının (ADTGT) həyata keçirdiyi “Erkən nikahlarlara YOX: ictimai qınaq və maarifləndirməyə ailədən və təhsildən başlayaq” layihəsinə uyğun ilk maarifləndirici seminar sessiyası Şirvan şəhərində keçirildi. Bu haqda ADTGT ictimai əlaqələr və informasiya departamentindən məlumat verilib.
Cari ilin martın 15-dən start götürən layihə fəaliyyətlərinə ilk olaraq regionlarda erkən nikahların obyektiv mənzərəsinə dair ictimai monitorinq, sosioloji sorğuların aparılması və hesabatın hazırlanması ilə başlanılmışdı. Növbəti aksiyalar olaraq isə bölgələrdə aidiyyətli yerli hakimiyyət strukturları təmsilçilərinin, təhsil, səhiyyə, mədəniyyət, gənclər və idman, ədliyyə, hüquq-mühafizə orqanları və fəal ictimaiyyət nümayəndələrinin, ailə, ağsaqqal, din institutu üzvlərinin, KİV, QHT və digər gənclər icmalarının iştirakı ilə məlumatlandırıcı, təbliğati xarakterli ictimai müzakirələr oldu.
40-a yaxın iştirakçının qatıldığı seminar sessiyasının açılışında Şirvan şəhər İcra Hakimiyyəti ictimai-siyasi və humanitar məsələlər şöbəsi müdirinin müavini Adəm Hüseynov, şəhər Gənclər və İdman idarəsinin rəisi Azər Quliyev, şəhər qeydiyyat şöbəsinin müdiri Bəhman Quliyev, ADTGT sədri Asif Əsgərli, sədr müavini-layihənin eksperti Gülnarə Bağırova və digər aidiyyətli şəxslər çıxış edib layihə və qaldırılan aktual mövzu haqqında öz fikirlərini bildiridilər.
İnteraktiv metodlarla gəncləri məlumatlandıran təlimçi və ekspert erkən nikahları doğuran səbəblər, onlara aparan yollar, onun fəsadları, hüquqi-sosial, tibbi və psixoloji təsirləri, dini nikahlar, təhsildən yayınma və digər aktual məsələlər ətrafında iştirakçılara geniş bilgilər verdilər və maraqlı sualları cavablandırdılar. Seminarda eyni zamanda erkən nikahlara aid statistik məlumatlar, sosioloji sorğunun və monitorinqin nəticələri, sosial çarx və reklam roliki də nümayiş etdirildi. 2 gün davam edən seminar sessiyasının sonunda iştirakçılar ADTGT tərəfindən çap olunan nəşr materialları və sertifikatlarla təltif olundular.

Xatırladaq ki, 4 ay davam edəcək layihənin məqsədi regionlarda yeniyetmə və gənc qızlar və oğlanlar arasında erkən nikahların yayılmasına “YOX” demək, onların özlərini və valideynlərini bu cür zərərli addımlardan çəkindirmək, bölgələrdə müxtəlif strukturların iştirakı ilə ictimai qınaq, maarifləndirmə kampaniyasına və sosial aksiyalara başlamaqdır. Layihənin digər məqsədlərindən biri də bölgələrdə yeniyetmə qız və oğlanlar arasında təhsilə və peşə vərdişlərinə maraq və motivasiya yaratmaqdır.

Fuad




 
Bölməyə aid digər xəbərlər
24.09.2018
Səyyar ASAN xidmət davam edir
24.09.2018
Leyla Əliyeva “Beynəlxalq Sülh Günü”nə həsr olunmuş tədbirə qatılıb
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10136

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info